<div>
<p><span style="color: #000000;"><strong>(ប៉ារីស)៖</strong> សមាជិកក្រុម៧នាក់ ក្នុងចំណោម១០នាក់ បានជំទាស់មិនឲ្យកីឡាករខ្សែប្រយុទ្ធជួរមុខ Karim Benzema ដែលកំពុងលេងនៅក្លឹប Real Madrid ចូលជួយក្រុមជម្រើសជាតិបារាំងក្នុងព្រឹត្តិការណ៍ UEFA Euro 2016 ខាងមុខ នេះឡើយ ។</span></p>
<p><span style="color: #000000;">យើងតាមសេចក្តីរាយការណ៍ ក៏ដូចជាការស្ទាបស្ទង់របស់សារព័ត៌មាន Marca បានបង្ហាញថា មានអ្នកគាំទ្រប្រមាណ ៦៦ភាគរយ បានបដិសេធការឈ្មោះកីឡាករវ័យ២៨ឆ្នាំ Benzema ចេញពីក្រុមជម្រើសជាតិ ដោយសារតែរូបគេមាន ការជាប់ពាក់ព័ន្ធនឹងសារខ្មៅ ទាក់ទងនឹងរឿងអាសអាភាសនាពេលកន្លងមកជាមួយនឹងមិត្តរួមក្រុម Mathieu Valbuena ដែលកំពុងស្ថិតក្នុងការស៊ើបអង្កេតនៅឡើយ ។</span></p>
<p><span style="color: #000000;">ក្នុងខណៈនេះដែរ គ្រូបង្វឹកក្រុមជម្រើសជាតិមាន់គកបារាំងមិនទាន់សម្រេចជ្រើសយក ក៏ដូចជាបញ្ចេញកីឡាករទាំង២៣រូប សម្រាប់ត្រៀមលេងក្នុង Euro 2016 ក្នុងទឹកដីរបស់ខ្លួននៅឡើយទេ ហើយរឿងមិនកោះហៅ Benzema ឬមិន ហៅនោះ ក៏មិនសំខាន់ទៅលើអ្នកគាំទ្រឡើយ អាស្រ័យទៅលើមើលឃើញរបស់គ្រូបង្វឹកតែម្នាក់គត់ គ្រាដែលនៅតែ ៣ខែកន្លះទៀតប៉ុណ្ណោះ យុទ្ធនាការជើងឯកប្រចាំទ្វីបអឺរ៉ុប ដែលមានរយៈពេល៤ឆ្នាំម្តងនេះនឹងចាប់ផ្តើមហើយ ។</span></p>
<p><span style="color: #000000;">ទន្ទឹមនឹងនោះដែរ ការព្យាករណ៍ពីសំណាក់អ្នកគាំទ្រ ក៏ដូចជាប្រជាជនបារាំងថា ៧៨% គឺបារាំងនឹងមិនឈ្នះពាន Euro ឆ្នាំ២០១៦នេះទេ បើទោះបីជាបារាំងស្ថិតក្នុងពូល A រួមជាមួយក្រុម រ៉ូម៉ាន់នី អាល់បានី និងស្វីស ក៏ដោយ ៕</span></p>
<p style="text-align: center;"><span style="color: #000000;"><img src="http://e1.365dm.com/15/10/16-9/20/karim-benzema-france_3361126.jpg?20151008221234" alt="" width="730" /></span></p>
<p style="text-align: center;"><span style="color: #000000;"><img src="http://i.telegraph.co.uk/multimedia/archive/03382/karim-benzema_3382229b.jpg" alt="" width="730" /></span></p>
<p style="text-align: center;"><span style="color: #000000;"><img src="http://i2.mirror.co.uk/incoming/article3811283.ece/ALTERNATES/s615/Mathieu-Valbuena-Karim-Benzema.jpg" alt="" width="730" /></span></p>
<p style="text-align: center;"><span style="font-size: 12pt; line-height: 115%; font-family: 'Khmer OS Battambang'; color: #000000;">Benzema (ស្តាំ) និងមិត្តរួមក្រុម Valbuena</span></p>
<p style="text-align: center;"> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<p style="text-align: center;"> </p>
</div>