<p><span style="color: #000000;">បន្ទាប់ពី BlackBerry បានប្រកាសថា ក្រុមហ៊ុនដកខ្លួនចេញពីទីផ្សារផលិតស្មាតហ្វូនមក នាយកប្រតិបត្តិក្រុមហ៊ុន Apple លោក Tim Cook បានចែករំលែកយោបល់ខ្លះ ស្តីពីបញ្ហានេះ។</span></p>
<p><span style="color: #000000;">នៅព្រឹកថ្ងៃពុធកន្លងទៅនេះ BlackBerry Limited បានប្រកាសថា ពួកគេនឹងផ្ទេរការងារផលិតផ្នែករឹង (Hardware) ដល់បណ្តាដៃគូរសហការរបស់ខ្លួន ដើម្បីប្រឹងប្រែងផ្តោតទៅលើការអភិវឌ្ឍន៍ Software និងសេវាកម្មវិញ។ ក្រោយនោះមួយថ្ងៃ លោក Tim Cook បានមានការចែករំលែកមតិខ្លះ ទៅលើ សេចក្តីប្រកាសរបស់ BlackBerry នេះ ក្នុងឱកាសដែលលោក Tim Cook ចុះហត្ថលេខាជាមួយនឹង ក្រុមហ៊ុនផ្តល់ប្រឹក្សា Deloitte។</span></p>
<p><span style="color: #000000;"><a class="thickbox" title="" href="/FileManager/Commons/2016/9/29/1576666-29-09-2016--19-36-41.jpg"><img src="/FileManager/Articles/mce/2016/9/29/1576666-29-09-2016--19-36-41.jpg" alt="" /></a><br /></span></p>
<p><span style="color: #000000;">ផ្តល់បទសម្ភាសន៍ជាមួយ Financial Times លោក Cook បាននិយាយថាៈ “ខ្ញុំគិតថា ការលក់ផលិត ផលរបស់ពួកគេ (BlackBerry) បានស្ថិតក្នុងកម្រិតទាប ក្នុងរយះពេលដ៏យូរមួយ។ Apple កំពុងតែ ផ្តោតឈានចូលចាប់យកឱកាសនេះ ដែលជាឱកាសដ៏អស្ចារ្យសម្រាប់ពួកខ្ញុំ”។</span></p>
<p><span style="color: #000000;">កាលពីមុន BlackBerry ត្រូវបានគេហៅថា Research In Motion ដែលធ្លាប់មានឈ្មោះល្បីល្បាញខ្លាំងក្នុងវិស័យទូរស័ព្ទ ពេលដែលក្រុមហ៊ុនដាក់ចេញនូវប្រព័ន្ធប្រតិបត្តិការដំបូងគេសម្រាប់ឧបករណ៍កាន់ដៃ នៅឆ្នាំ២០០២។ នៅក្នុងឆ្នាំ២០០៩ ក្រុមហ៊ុនកាណាដាមួយនេះ ដណ្តើមបានទីផ្សារភាគហ៊ុនស្មាតហ្វូន ២៩% ទូទាំងពិភពលោក។ បច្ចុប្បន្ន ពួកគេនៅសល់តែ ០,១% ប៉ុណ្ណោះ ក្នុងពេលដែលគូរប្រកួតប្រជែងគឺ Apple ដណ្តើមបានដល់ទៅ ១៣,៨% ទីផ្សារហ៊ុនទូរស័ព្ទទូទាំងពិភពលោក៕</span></p>
<p><span style="color: #0000ff;"><em><a href="http://www.camnews.com.kh/News/Detail/24476/blackberry-smartphone-officially-died"><span style="color: #0000ff;">- ស្មាតហ្វូន BlackBerry ត្រូវបានក្រុមហ៊ុន ប្រកាសបញ្ឈប់ផលិត ជាផ្លូវការ</span></a></em></span><span style="color: #0000ff;"><em><span style="color: #0000ff;"><br /></span></em></span><span style="color: #0000ff;"><em><a href="http://www.camnews.com.kh/News/Detail/21247/apple-has-begun-testing-iphone-8"><span style="color: #0000ff;">- Apple បានចាប់ផ្តើមអភិវឌ្ឍ iPhone 8 នៅអ៊ីស្រាអែល និងអាចបញ្ចេញលក់ នៅឆ្នាំក្រោយតែម្តង?</span></a></em></span></p>
<p><span style="color: #0000ff;"><em><a href="http://www.camnews.com.kh/News/Detail/24476/blackberry-smartphone-officially-died"></a></em></span></p>
<p style="text-align: right;"> </p>
<p style="text-align: right;"><em>ប្រែសម្រួល៖ មង្គល</em><br /><em>ប្រភព៖ Financial Times, vreview</em></p>