<p><span style="color: #000000;"><strong>(សៀមរាប)៖</strong> លោក ឃឹម ប៊ុនសុង អភិបាលខេត្តសៀមរាប បានថ្លែងតាមទូរស័ព្ទប្រាប់អង្គភាព Fresh News នៅមុននេះបន្តិចថា ឃាតកម្មដែលកាត់ក្បាលនារី នៅផ្ទះសំណាក់ ក្រុងសៀមរាប គឺផ្តើមចេញពីរឿង បុរសជាឃាតកចូលស្តីដណ្តឹងនារីនោះមិនបាន ហើយខឹង, ណាត់គ្នាទៅជួបនៅផ្ទះសំណាក់ សម្លាប់កាត់ក្បាលតែម្តង។</span></p>
<p><span style="color: #000000;">លោកអភិបាលខេត្តបានបញ្ជាក់ទៀតថា៖ ឃាតកមានគ្នា២នាក់ នៅពេលនេះម៉ោងប្រមាណជិត៧យប់នាទី ថ្ងៃទី១៣ ខែកុម្ភៈ ឆ្នាំ២០១៦នេះ ឃាតកម្នាក់ទៀត ត្រូវបានកម្លាំងសមត្ថកិច្ចចាប់បានម្នាក់ទៀតហើយ។ បុរសដែលជាឃាតកនោះមានប្រពន្ធ និងកូន៣-៤នាក់ហើយ។ ព្យាយាមចូលស្តីដណ្តឹងនារីរងគ្រោះ ប៉ុន្តែមិនបាន។</span></p>
<p><span style="color: #000000;">លោកអភិបាលបានបញ្ជាក់បន្ថែមថា សមត្ថកិច្ចចាប់បាន ខណ:ឃាតកកំពុងដុតក្បាលជនរងគ្រោះ នៅខាងក្រោយផ្ទះ ស្ថិតនៅភូមិព្រៃចាស់ សង្កាត់គោកចក ក្រុងសៀមរាប ពោលជិតព្រលានយន្តហោះ។</span></p>
<p><span style="color: #000000;">លោក អ៊ូ សុផល នាយរងការិយាល័យព្រហ្មទណ្ឌកំរិតធ្ងន់ នៃស្នងការដ្ឋាននគរបាលខេត្តសៀមរាប បានប្រាប់ Fresh News ថា មូលហេតុដែលនាំឲ្យជនដៃដល់សម្លាប់ជនរងគ្រោះនោះ មូលហេតុផ្តើមចេញពីរឿងស្នេហាត្រីកោណ។ លោក អ៊ូ សុផល ដែលកំពុងសួរនាំជនសង្ស័យ ហើយឆ្លៀតប្រាប់ Fresh News នោះបានបញ្ជាក់ថា ជនសង្ស័យមានប្រពន្ធរួចហើយតែក្រោយមក មានបញ្ហាជាមួយប្រពន្ធដើម រហូតសុំលែងលះ តែលែងមិនទាន់ដាច់។</span></p>
<p><span style="color: #000000;">បន្ទាប់មកឃាតកក៏មានទំនាក់ទំនង ជាមួយនារីរងគ្រោះ រហូតចូលស្តីដណ្តឹង ហើយឈានទៅដល់ការរៀបចំពិធីមង្គលការ ប៉ុន្តែដំណើរការរៀបចំ អាពាហ៍ពិពាហ៍ទៅមិនរួច ដោយហេតុថា ជនសង្ស័យមិនទាន់លែងប្រពន្ធដាច់ស្រេច។</span></p>
<p><span style="color: #000000;">ក្រោយមានបញ្ហា នារីរងគ្រោះបានចាត់ទុកថា ជនសង្ស័យបោកប្រាស់រហូតឈ្លោះគ្នាយ៉ាងខ្លាំង ហើយជនសង្ស័យក៏រៀបចំផែនការសម្លាប់ នារីរងគ្រោះ រហូតកាត់ក្បាលតែម្តង។</span></p>
<p><span style="color: #000000;">ឃាតកម្នាក់មានឈ្មោះ ចាន់ ឆាយយ៉ា ហៅ សំ ភារ៉ាត់ អាយុ៤០ ស្រុកកំណើត នៅខេត្តបាត់ដំបង ហើយនៅពេលនេះស្ថិតក្រោមការសាកសួររបស់ នគរបាលជំនាញនៅឡើយ ដើម្បីយកព័ត៌មានលំអិតថែមទៀត៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xla1/v/l/t1.0-9/12669502_1557775881203444_6063765676929962296_n.jpg?oh=3745f47a0c1a41da880479b1961c6b5c&oe=5770AB02" alt="" width="730" /></span></p>
<p style="text-align: center;"><span style="color: #000000;"><img style="font-family: Hanuman; font-size: 15px; line-height: 27px; text-align: center;" src="https://fbcdn-sphotos-h-a.akamaihd.net/hphotos-ak-xlp1/v/t1.0-9/12745918_1557753327872366_2524157462028563566_n.jpg?oh=21eb4400b98e48805e69ddd58d2e2643&oe=576DCA31&__gda__=1467068964_4a6653fb8a1d98ca7f55c722a4674e19" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xft1/v/t1.0-9/12744271_1557753634539002_4319059134232900217_n.jpg?oh=7ba80f8ef602bb0e3d1851e2fd68e522&oe=576EAEAD" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xlf1/v/t1.0-9/12742110_1557776591203373_2910784509336394492_n.jpg?oh=029ee9244a844d2343e6c426b5fdedeb&oe=57621DBE&__gda__=1462253349_82e350bc46c0cee43a68f2adb0f9255a" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xtl1/v/t1.0-9/12717530_1557776581203374_8978093491805032213_n.jpg?oh=f0973d171699a956a28a08e572bafc1e&oe=57350D23&__gda__=1465835536_e89025d17759b222bed734ff52a3071a" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtp1/v/t1.0-9/12728768_1557776577870041_1467396753083579841_n.jpg?oh=6634c26f9fb72f428ded8e98c3cd8f86&oe=5736781F" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>