<p><strong>ថ្មីៗនេះ ខ្សែប្រយុទ្ធជនជាតិហូឡង់បានសំរេចចិត្ត មិនបន្តចុះហត្ថលេខាលើកិច្ចសន្យា<br />លេងនៅ</strong><strong> Arsenal ទៀតទេ។</strong></p>
<p style="text-align: left;">ក្រោយពីមិនបានចុះហត្ថលេខាលើកិច្ចសន្យាលេងជាមួយ Arsenal, Van Persie បានផ្ញើដល់អ្នក<br />គាំទ្រក្លឹបកាំភ្លើងធំនូវសំបុត្រមួយច្បាប់ដែលក្នុងនោះគាត់បានសរសេរថា: “នេះគឺជាព័ត៌មានថ្មីបំ-<br />ផុតដែលទាក់ទងនឹងខ្ញុំជាមួយនឹងក្លឹប។ ក្នុងរយះពេលកន្លងមក ខ្ញុំតែងរក្សាភាពស្ងៀមស្ងាត់ដោយ<br />ក្តីគោរពដែលខ្ញុំមានជាមួយក្លឹប ក៏ដូចជាលោកប្រធានក្លឹប Gazidis និងគ្រូបង្វឹក Wenger។<br /><br />ប៉ុន្តែការដែលលេចចេញនូវព័ត៌មានជាច្រើន ខ្ញុំគិតថាអ្នកទាំងអស់ពិតជាចង់ដឹងថាមានរឿងអ្វី<br />កំពុងកើតឡើង”។ Persie បន្តថា: “លុយកាក់មិនមែនជាបញ្ហាដែលខ្ញុំយកចិត្តទុកដាក់ឡើយ។ <br />ខ្ញុំបានគិតជាយូមកហើយហើយវាពិតជាមានការលំបាកណាស់ ក្នុងការសំរេចចិត្តមិនបន្តកិច្ច<br />សន្យានេះ"។<strong></strong></p>
<p style="text-align: center;"><a class="thickbox" title="" href="/FileManager/Commons/2012/7/5/1341429972-bong-da-persie1-05-07-2012--09-34-33.jpg"><img src="/FileManager/Articles/mce/2012/7/5/1341429972-bong-da-persie1-05-07-2012--09-34-33.jpg" alt="" /></a></p>
<p style="text-align: center;"><span style="color: #0000ff;">លាហើយ Arsenal</span><strong></strong></p>
<p style="text-align: left;">ជាចុងក្រោយខ្សែប្រយុទ្ធហូឡង់នេះបានផ្តាំផ្ញើទៅអ្នកគាំទ្រថា: “អ្នកទាំងអស់គ្នាមានសិទ្ធិមិនពេញ<br />ចិត្តជាមួយខ្ញុំ ក្នុងការសំរេចនេះ ខ្ញុំគោរពលើរឿងនេះ។ ប៉ុន្តែបើទោះជាមានរឿងអ្វីកើតឡើង ខ្ញុំនៅ<br />តែគោរពស្រលាញ់ក្លឹប អ្នកគាំទ្រទាំងអស់គ្នាជានិច្ច។ ក្នុងរយះពេលកន្លងមកនេះ អ្នកទាំងអស់តែងតែ<br />គាំទ្រ ផ្តល់កំលាំងចិត្តដល់ខ្ញុំ។ ខ្ញុំពិតជាមានមោទនភាពណាស់ក្នុងរយះពេល៨ឆ្នាំលេងនៅ Arsenal។<br />ប្រហែលជាពីរសប្តាហ៍ទៀតនៅពេលលោកប្រធាន Gazidis ត្រលប់មកវិញ ពួកយើងនឹងជួបនិយាយ<br />គ្នាបន្តទៀត ហើយខ្ញុំនឹងប្រាប់ដល់អ្នកទាំងអស់គ្នានូវព័ត៌មានដែលថ្មីបំផុត”។<br /> <br /> សព្វថ្ងៃ Persie នៅជាប់កិច្ចសន្យាតែមួយឆ្នាំទៀតប៉ុណ្ណោះជាមួយ Arsenal ហើយការដែលគាត់មិន<br />បន្តកិច្ចសន្យាថ្មីមានន័យថា គាត់នឹងចាកចេញពីក្លឹបក្នុងរយះពេលខ្លីខាងមុខនេះ។ ក្លឹបកាំភ្លើងធំត្រូវ<br />រកវិធីលក់ Persie ចេញដើម្បីទទួលបានផលប្រយោជន៏ខ្លះ បើសិនមិនចង់បាត់បង់ដោយទទេក្នុងរដូវ<br />កាលក្រោយ ពេលដែលកិច្ចសន្យាត្រូវអស់ ហើយ Persie ក្លាយជាកីឡាករមានសេរីភាព៕<strong></strong></p>
<p style="text-align: right;">ដោយ៖ សិលា<br />ប្រភព៖ 24h<strong><br style="text-align: left;" /></strong></p>