<p><span style="color: #000000;"><strong>(ប៊ូស្តុន)៖</strong> ការទទួលទានកាហ្វេ ជាប្រចាំអាចកាត់បន្ថយអត្រា នៃការធ្វើអត្តឃាតខ្លួន ៖ ក្រុមអ្នក ស្រាវជ្រាវជនជាតិ អាមេរិកបាននិយាយថា ការទទួលទានកាហ្វេ ២ឬ៣ពែង ជាប្រចាំថ្ងៃអាចកាត់បន្ថយ អាត្រានៃការធ្វើអត្តឃាតខ្លួន ចំពោះ បុរស និងស្រ្តីដល់ទៅ ៥០ភាគរយ។ នេះបើយោងតាម ប្រភពព័ត៌មានវិទ្យាសាស្រ្ត Science Daily ចេញផ្សាយនៅថ្ងៃអង្គារ ទី២៩ ខែវិច្ឆកា ឆ្នាំ២០១៦។</span></p>
<p><span style="color: #000000;">អ្នកដឹកនាំនៅក្នុងការស្រាវជ្រាវ លោក Michel Lucas នៃប៉ាតឺម៉ង់ចំណីអាហារ នៃសាលាហាវ៉ាដ ផ្នែកសុខភាពសាធារណៈ ព្រមទាំងក្រុមការងារ របស់គាត់បានរកឃើញថា អត្រាគ្រោះថ្នាក់ នៃការធ្វើអត្តឃាត សម្រាប់យុវវ័យដែលទទួលទានកាហ្វេពី ២ ទៅ៣ពែងក្នុងមួយថ្ងៃ អាចកាត់បន្ថយ អត្រានៃការចង់ធ្វើអត្តឃាតខ្លួន ច្រើនជាងអ្នកដែលមិនដែលទទួលទាន កាហ្វេសោះ។</span></p>
<p><span style="color: #000000;">លោក Lucas បាននិយាយថា សារជាតិកាហ្វេអ៉ីន មិនត្រឹមតែធ្វើការបំលែងប្រព័ន្ធភាពសុំា តែមួយមុខនោះទេ ក៏ប៉ុន្តែវាអាចជួយកាត់បន្ថយ អាការៈស្រ្តេស និង ភាពក្រៀមក្រំបានទៀតផង ដោយវាបានបង្កើតសារធាតុបំរុង នៅក្នុងខួរក្បាលដែលនៅក្នុងនោះរួមមាន សឺរ៉ូតូនីន ដូហ្វាមីន នូរ៉ាដ្រេនណាលីន ជាដើម។</span></p>
<p><span style="color: #000000;">ជាមួយគ្នានេះដែរ ក្រុមអ្នកស្រាវជ្រាវទាំងនោះ មិនបានឲ្យយុវវ័យដែលមានអាការៈក្រៀមក្រំ ឲ្យបង្កើនការប្រើប្រាស់សារជាតិកាហ្វេអ៉ីននោះទេ ពីព្រោះយុវវ័យភាគច្រើន បានសម្របខ្លួនជាមួយនឹងកំរិត នៃកាហ្វេដែលគេទទួលទានរួចទៅហើយ។ ម្យ៉ាងវិញទៀត គឺដើម្បីជៀសវាងការផ្តល់ផលអាក្រក់ ក្នុងការប្រើប្រាស់ហួសកំរិត។</span></p>
<p><span style="color: #000000;">ជាមួយគ្នានេះដែរ ក្រុមអ្នកស្រាវជ្រាវ បានពឹងផ្អែកការរកឃើញ របស់ពួកគេដោយការប្រមូលទិន្នន័យ ពីការសិក្សាធំៗបី នៅក្នុងសហរដ្ឋអាមេរិក។ ការសិក្សាត្រូវបានចូលរួមដោយ បុរសចំនួន ៤៣,៥៩៩នាក់ និងស្រ្តីចំនួន ៧៣,៨២០៕</span></p>
<p><span style="color: #000000;"><img src="https://www.consumerhealthdigest.com/wp-content/uploads/2015/08/cups-of-coffee.jpg" alt="" width="730" /></span></p>
<p><span style="color: #000000;"><img src="http://1.bp.blogspot.com/-UNu3QpHK33g/Vm8h9INc4PI/AAAAAAAABN4/qHm7JAZJiz8/s1600/hot%2Bcoffee.jpg" alt="" width="730" /></span></p>
<p><span style="color: #000000;"><img src="http://i2.cdn.cnn.com/cnnnext/dam/assets/120516080616-coffee-cup-beans-linked-longer-life-story-top.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>