<div class="article-content">
<p><strong>វ៉ាស៊ីនតោន៖</strong> ការិយាល័យចាត់ចែង និងថវិការបស់សេតវិមានអាម៉េរិក កាលពីយប់ថ្ងៃចន្ទ ទី៣០<br /> ខែកញ្ញា បានបញ្ជាឲ្យទីភ្នាក់ងារទាំងអស់ របស់សហព័ន្ធ ចាប់ផ្តើមតាមគម្រោងទាំងឡាយ ដែល<br />ត្រូវរំលាយរដ្ឋាភិបាល ដោយសារតែមិនមានការឯកភាពគ្នា រវាងភាគីទាំងពីរ នៅក្នុងការអនុម័ត<br />កញ្ចប់ប្រាក់ជំនួយនោះ។</p>
<p>លោកស្រី ស៊ីលវា ប៊ឺវែល នាយកនៃការិយាល័យចាត់ចែង និងថវិការបស់សេតវិមានអាម៉េរិក បាន<br />និយាយនៅក្នុង សេចក្តីថ្លែងការណ៍របស់ខ្លួនថា “យើងមិនមានការចង្អុលបង្ហាញឲ្យបាន ច្បាស់លាស់<br />ណាមួយ ថាសភា នឹងអនុញ្ញាតទាន់ពេលវេលា សម្រាប់លោកប្រធានាធិបតី ក្នុង ការចុះហត្ថលេខា <br />ដើម្បីបន្តស្វែងរកដំណោះស្រាយ ឲ្យបានមុនថ្ងៃផុតកំណត់ស្អែកនេះ គឺ នៅថ្ងៃទី០១ ខែតុលា ឆ្នាំ<br />២០១៣ នោះទេ។</p>
<p>យ៉ាងណាក៏ដោយ ទីភ្នាក់ងារទាំងឡាយ គួរតែប្រតិបត្តិតាមផែនការ សម្រាប់ការរំលាយនេះ ដោយ<br />សារតែការមិនយោគយល់គ្នា។”</p>
<p>លោកស្រី ប៊ឺវែល បានបន្តទៀតថា “យើងបានអំពាវនាវឲ្យសភា ដោះស្រាយជាបន្ទាន់នូវដំណោះ<br />ស្រាយ ដើម្បីផ្តល់ជាពេលវេលាបន្ថែមទៀត ដើម្បីឲ្យយើងសម្រេចបាននូវកញ្ចប់ថវិកា សម្រាប់ឆ្នាំ<br />បន្ទាប់ទៅមុខទៀត ហើយក៏ដើម្បីបន្តនូវការបម្រើសេវាសាធារណដែលចាំបាច់ ព្រមទាំងកម្មវិធី<br />នានា ជាច្រើនទៀត ដែលនឹងត្រូវទទួលរងផលប៉ះពាល់ដោយសារតែការ មិនឯកភាពគ្នាពេលនេះ<br />ដែរ។”</p>
<p>គួរបញ្ជាក់ផងដែរថា នេះគឺជាលើកទីមួយហើយក្នុងរយៈពេល ១៧ឆ្នាំកន្លងទៅនេះដែល សហរដ្ឋ<br />អាម៉េរិក មានការរំលាយរដ្ឋាភិបាល។ ការរំលាយរដ្ឋាភិបាល ដែលបានធ្វើឡើងកាលពីឆ្នាំ ១៩៩៦<br /> នោះ គឺបានកើតឡើងដោយសារតែ ការប្រឈមមុខដាក់គ្នារវាងរដ្ឋបាលរបស់ បក្សប្រជាធិបតេយ្យ<br />ដឹកនាំដោយលោក ប៊ីល គ្លីនតុន ជាមួយនឹងគណបក្សសាធារណរដ្ឋ ដែលគ្រប់គ្រងសភានៅពេល<br />នោះ គឺលើបញ្ហាអនុម័ត កញ្ចប់ថវិកាជាតិដូចគ្នានេះ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/October/id-065/PISETH-024.jpg" alt="Looking Today" width="600" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>