<p><span style="color: #000000;"><strong>(ភ្នំពេញ)៖</strong> បុរសម្នាក់បន្ទាប់ពីផឹកស្រាស្រវឹងហើយខ្លែមសំដី ឃើញយុវជនម្នាក់ជិះម៉ូតូមកឈប់និយាយក្បែរ ហើយហៅបង្ខំឲ្យផឹកស្រាជាមួយ ពេលគេមិនព្រមផឹកទារឲ្យគេ ទិញស្រាបៀរឲ្យកន្លះកេស ពេលគេមិនទិញយកមួកសុវត្ថិវាយបែកក្បាលគេ តែត្រូវគេវាយវិញហើមមុខ ចុងក្រោយសមត្ថកិច្ចចាប់ទាំង២។</span></p>
<p><span style="color: #000000;">ហេតុការណ៍នេះ បង្កឲ្យមានការភ្ញាក់ផ្អើលកាល នៅយប់ថ្ងៃទី១៧ ខែមករា ឆ្នាំ២០១៧ នៅចំណុចមុខផ្សារត្រពាំងពោធិ៍ សង្កាត់ចោមចៅ ខណ្ឌពោធិ៍សែនជ័យ។</span></p>
<p><span style="color: #000000;">សមត្ថកិច្ចបានឲ្យដឹងថា ជនរងគ្រោះឈ្មោះ ហា សុឃឹម អាយុ៣០ឆ្នាំ មុខរបរជាងសំណង់ ស្នាក់នៅជិតវត្តត្រពាំងកសាង សង្កាត់កាកាប ខណ្ឌពោធិ៍សែនជ័យ ចំណែកជនបង្កឈ្មោះ ប៉ាវ អាយុ៤៣ឆ្នាំ មុខរបរត់ម៉ូតូឌុប។</span></p>
<p><span style="color: #000000;">នគរបាលបញ្ជាក់ថា មុនពេលកើតហេតុបុរសបង្កបានកំពុងអង្គុយផឹកស៊ីមានគ្នា២នាក់ អស់ស្រាថ្នាំ១លីត ខណៈពេលនោះយុវជនរងគ្រោះ បានជិះម៉ូតូមកហើយឈប់នៅក្បែនិយាយទូរស័ព្ទ ពេលនោះជនបង្កក៏បានហៅយុវជនខាងលើថា «មកដាក់មួយកែវ» ដោយយុវជនរូបនោះឆ្លើយថា «ខ្ញុំអត់ចេះផឹកទេ» ស្រាប់តែជនបង្កចុះទាញដៃ ហើយសំឡុតថា «បើមិនផឹកទិញស្រាឲ្យកន្លះកេសមក!» រួចនិយាយថា «ហ្អែងឫកម្ល៉េះ» ពេលនោះហើយដែលជនបង្ក បានទាញមួកសុវត្ថិភាពវាយក្បាលជនរងគ្រោះ តែត្រូវជនរងគ្រោះវាយវិញ បណ្ដាលឲ្យបែកមុខហូរឈាមទាំង២នាក់។</span></p>
<p><span style="color: #000000;">ក្រោយកើតហេតុ កម្លាំងនគរបាលមូលដ្ឋាន បានហៅទាំងជនរងគ្រោះ និងជនបង្កដើម្បីយកមកសួរនាំ ចាត់ការតាមច្បាប់៕</span></p>
<p><span style="color: #000000;">\</span></p>
<p><span style="color: #000000;"><img src="http://image.freshnewsasia.com/2017/fn-2017-01-17-22-23-39-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-01-17-22-23-39-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-01-17-22-23-40-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>