<p><span style="font-size: 12px; color: #000000;">(យូអិន)៖ អគ្គលេខាធិការនៃអង្គការសហប្រជាជាតិលោក បាន គីមូន បាននិយាយថាឧក្រិដ្ឋកម្មដែលត្រូវបានប្រព្រឹត្ត ដោយពួកសកម្មប្រយុទ្ធរដ្ឋអ៊ីស្លាម IS នៅក្នុងប្រទេសអ៊ីរ៉ាក់ គឺជាសញ្ញាបញ្ជាក់ថាពួកគេកំពុងឈានទៅបង្កើតឧក្រិដ្ឋកម្ម សង្គ្រាម, ឧក្រិដ្ឋកម្មប្រឆាំងមនុស្សជាតិ និង មួយទៀតដែលយើងអាចហៅបានថា របបប្រល័យពូជសាសន៍។ នេះបើតាមការចេញផ្សាយដោយទីភ្នាក់ងារព័ត៌មានស៊ិនហួរ នាព្រឹកថ្ងៃព្រហស្បតិ៍ ទី០៤ ខែសីហា ឆ្នាំ២០១៦។</span></p>
<p><span style="font-size: 12px; color: #000000;"><a class="thickbox" title="" href="/FileManager/Commons/2016/8/4/18b-04-08-2016--13-55-13.jpg"><img src="/FileManager/Articles/mce/2016/8/4/18b-04-08-2016--13-55-13.jpg" alt="" /></a><br /></span></p>
<p><span style="color: #000000;">សេចក្តីថ្លែងការណ៍របស់លោក បាន គីមូន ត្រូវបានចេញផ្សាយដោយអ្នកនាំពាក្យរបស់លោកនាថ្ងៃពុធ ដោយក្នុងនោះ អង្គការសហប្រជាជាតិ បានអំពាវនាវឲ្យរដ្ឋាភិបាលអ៊ីរ៉ាក់បន្តស្វែងរកវិធីនានាបន្ថែមទៀត ដើម្បីនាំយកអ្នកដែលបាន ប្រព្រឹត្តឧក្រិដ្ឋកម្មទាំងឡាយមកកាត់ទោសឲ្យខាងតែបាន ដោយមិនត្រូវពន្យាពេលទៀតឡើយ។ សេចក្តីថ្លែងការណ៍ នេះផងដែរ បានចេញចំថ្ងៃរំឮកខួបទីពីរឆ្នាំ ដែលទីក្រុង Sinjar នៅភាគខាងជើងអ៊ីរ៉ាក់ បានធ្លាក់ចូលទៅក្នុងកន្តាប់ដៃ របស់ពួករដ្ឋអ៊ីស្លាម IS ដែលបានបង្ខំឲ្យជនជាតិភាគតិច Yazidi រាប់ពាន់គ្រួសាររត់ភៀសខ្លួនចេញពីតំបន់នោះ។</span></p>
<p><span style="color: #000000;">តាមរបាយការណ៍របស់ UN ពួកអាយស៊ីស បានធ្វើការចាប់បង្ខំឲ្យកូនក្មេង និងបុរសជាតិ Yazidi រាប់រយនាក់ធ្វើជា ទាហាន ហើយខ្លះទៀតបានទទួលរងទណ្ឌកម្ម និងសម្លាប់ដោយកាត់ក្បាលថែមទៀត។ ដោយឡែកស្ត្រី និងកុមារក៏ត្រូវ ឃាឃាំងទុកដោយពួក IS ផងដែរ ដើម្បីបម្រើផ្លូវភេទ និងធ្វើជាទាសករផងដែរ។ ស្ត្រីនិងកុមារយ៉ាងហោចណាស់ក៏ជាង ៣,២០០នាក់ដែរ ត្រូវបានពួក IS ឃាឃាំងទុកឲ្យបម្រើទៅតាមអ្វីដែលពួកគេចង់បាន៕</span></p>
<p><span style="color: #000000;"><a class="thickbox" title="" href="/FileManager/Commons/2016/8/4/16e-04-08-2016--13-56-14.jpg"><img src="/FileManager/Articles/mce/2016/8/4/16e-04-08-2016--13-56-14.jpg" alt="" /></a><br /><br /></span></p>
<p><a class="thickbox" title="" href="/FileManager/Commons/2016/8/4/16f-04-08-2016--13-57-07.jpg"><img src="/FileManager/Articles/mce/2016/8/4/16f-04-08-2016--13-57-07.jpg" alt="" /></a><br /><br /></p>
<p style="text-align: right;"><span style="color: #000000;">ប្រភព ៖ ស៊ិនហួរ</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>