<p><span style="color: #000000;">បើទោះបីជាទទួលបានមកវិញ នូវមតិយោបល់អវិជ្ជមានជាច្រើន ក៏ក្រុមហ៊ុន Apple ត្រូវបានគេឲ្យ ដឹងថា នឹងនៅតែធ្វើការបង្ហាញណែនាំគំរូ iPhone SE ម៉ូដែលទំហំ 16GB ដដែល នៅក្នុងរាត្រីរំលង អាធ្រាត្រឈានចូលថ្ងៃទី២២ ខែមីនា ប៉ុន្មានម៉ោងទៀតខាងមុខនេះ (ម៉ោងនៅកម្ពុជា)។ </span></p>
<p><span style="color: #000000;"><a class="thickbox" title="" href="/FileManager/Commons/2016/3/21/1509277-21-03-2016--20-10-57.jpg"><img src="/FileManager/Articles/mce/2016/3/21/1509277-21-03-2016--20-10-57.jpg" alt="" /></a><br /></span></p>
<p><span style="color: #000000;">តាមគេហទំព័រ GSMArena បានបង្ហាញឲ្យឃើញរូបភាពមួយ ត្រូវបានគេឲ្យដឹងថា ជាផ្នែកខាងក្រោយ ប្រអប់របស់គំរូ iPhone 4 inch ថ្មីដែលនឹងត្រូវបាន Apple បង្ហាញណែនាំខ្លួននៅយប់រំលងអាធ្រាត្រ នេះ។</span></p>
<p><span style="color: #000000;">មុនដំបូង យើងបានឃើញឈ្មោះហៅផ្លូវការរបស់ឧបករណ៍គឺ iPhone SE (អក្សរ SE ត្រូវបានសរសេរ ជាធំ) ពោលគឺមិនមែន iPhone 5se ឬ iPhone 6c ដូចទៅនឹងបណ្តាព័ត៌មានចចាមអារ៉ាមកាលពីមុន នោះទេ។ ក្រៅពីនេះអក្សរ 16GB ក៏បង្ហាញយើងឃើញដែរ។ បើទោះបីជាទទួលបានមកវិញ នូវមតិ យោបល់អវិជ្ជមានជាច្រើន ក៏ក្រុមហ៊ុន Apple នៅតែរក្សាម៉ូដែលទំហំ iPhone 16GB ជំនួសឲ្យការ ដែលបោះបង់ចោលម៉ូដែលនេះ។ មាននព័ត៌មានជាច្រើនបានឲ្យដឹងថា iPhone SE នឹងមានពីរម៉ូដែល មានអង្គផ្ទុកទិន្នន័យផ្សេងគ្នាគឺ 16GB និង 64GB។</span></p>
<p><span style="color: #000000;">បើនិយាយពីទំហំ RAM វិញ លទ្ធភាពច្រើន iPhone SE នឹងនៅតែមានទំហំ RAM 1GB ពោលគឺមិន មានទំហំ 2GB ដូចមាននៅលើ iPhone 6s នោះទេ ប៉ុន្តែស្មាតហ្វូននេះ នឹងប្រើប្រាស់អង្គដំណើរការ chip A9 ថ្មីបំផុតរបស់ Apple រួមជាមួយនឹងតំណភ្ជាប់ NFC ដើម្បីប្រើប្រាស់ជាមួយសេវាកម្មទូទាត់ Apple Pay៕</span></p>
<p><span style="color: #000000;"><a href="http://www.camnews.com.kh/News/Detail/23155/iphone-7-with-no-home-button"><span style="color: #0000ff;"><em>- អានអត្ថបទ៖ នេះជាផ្នែកខាងមុខរបស់ iPhone 7: ប៊ូតុង Home និង Touch ID ត្រូវបានប្តូរទៅដាក់ក្នុង អេក្រង់វិញ?</em></span></a><br /><span style="color: #000000;"><a href="http://www.camnews.com.kh/News/Detail/13325/is-this-iphone-7-plus-with-dual-lens-camera"><span style="color: #0000ff;"><em>- អានអត្ថបទ៖ នេះគឺជារូបភាពជាក់ស្តែង iPhone 7 Plus ជាមួយនឹងកាមេរ៉ាភ្លោះ?</em></span></a></span><br /></span></p>
<p style="text-align: right;"> </p>
<p style="text-align: right;">ប្រែសម្រួល៖ មង្គល<br />ប្រភព៖ <em>GSMArena, VR</em></p>