<p><span style="color: #000000;"><strong>(ភ្នំពេញ)៖</strong> រដ្ឋបាលរាជធានីភ្នំពេញ បានចេញលិខិតមួយច្បាប់ បញ្ជាក់ឲ្យដឹងថា ការស្នើសុំទីតាំងសួនច្បារវត្តបុទុមវត្តី រៀបចំពិធីបុណ្យគម្រប់ខួប១០០ថ្ងៃនៃការស្លាប់ លោក កែម ឡីដែលគ្រោងនឹងរៀបចំឡើងរយៈពេល៣ថ្ងៃ ចាប់ពីថ្ងៃទី១៤ ដល់ថ្ងៃទី១៦ ខែតុលា ឆ្នាំ២០១៦ខាងមុខនេះ គឺមិនត្រូវបានអនុញ្ញានោះឡើយ។</span></p>
<p><span style="color: #000000;">លិខិតដដែលបានបញ្ជាក់ថា រដ្ឋបាលរាជធានីភ្នំពេញ នឹងពិភាក្សាជាមួយក្រុមគ្រួសារសព លោក កែម ឡី វិញថា នឹងត្រូវរៀបចំនៅគេហដ្ឋាន ឬកន្លែងបញ្ចុះសពនៅខេត្តតាកែវ ឬយ៉ាងណា ពីព្រោះថា ការរៀបចំនៅមុខសួនវត្តបុទុមវត្តី ហាក់ដូចជា មិនសមនឹងប្រពៃណីទំនៀបទំលាប់បែបសាសនាឡើយ។</span></p>
<p><span style="color: #000000;">ការបញ្ជាក់នេះបានធ្វើឡើងក្រោយពី លោក ប៉ា ងួនទៀង ប្រធានគណៈកម្មការរៀបចំបុណ្យសព លោក កែម ឡី បានដាក់លិខិតស្នើសុំពីរដ្ឋបាលរាជធានីភ្នំពេញ យកទីតាំងសួនច្បារវត្តបុទុមវត្តីជាកន្លែងរៀបចំពិធីបុណ្យគម្រប់ខួប ១០០ថ្ងៃនៃការស្លាប់ លោក កែម ឡី។</span></p>
<p><span style="color: #000000;">គួរបញ្ជាក់ថា លោកបណ្ឌិត កែម ឡី អ្នកវិភាគឯករាជ្យ ត្រូវបានឃាតកចូលបាញ់សម្លាប់ ខណៈលោកអង្គុយទទួលទានកាហ្វេ នៅក្នុងស្តាម៉ាត នៃស្ថានីយ៍សាំងកាលតិចស្តុបបូកគោ កាលពីម៉ោង៨៖៥០នាទីព្រឹក ថ្ងៃទី១០ ខែកក្កដា ឆ្នាំ២០១៦៕</span></p>
<p><span style="color: #000000;"><img src="https://scontent-hkg3-1.xx.fbcdn.net/v/t1.0-9/14563422_337369296595579_9013935786639786177_n.jpg?oh=a5d46737a48e0075cb0b53007b3f561a&oe=5869B549" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>