<p><span style="font-size: 12px; color: #000000;">អ្នកជំនាញផ្នែកសុវត្ថិភាព បាននិងកំពុងក្រើនរំលឹកដល់អ្នកប្រើប្រាស់កម្មវិធី WhatsApp ពីការគម្រាមកំហែង Hack ដ៏មានសក្ដានុពល ដែលអាចបើកចំហឱ្យគណនីមួយ ត្រូវបានគ្រប់គ្រងយ៉ាងពេញលេញ ដោយ Hacker។</span></p>
<p><span style="color: #000000;">យោងតាមព័ត៌មានបង្ហោះ នៅលើគេហទំព័រមួយ ក្រុមអ្នកស្រាវជ្រាវ នៅឯក្រុមហ៊ុន Sophos បានបរិយាយលម្អិតពីភាពងាយរងគ្រោះ ដែលអាចធ្វើឱ្យសារ និងការចូលទៅប្រើប្រាស់គណនី លែងអាចដំណើរការបាន។ ការ Hack អាចធ្វើបានដោយជោគជ័យ ប្រសិនបើអ្នកប្រើប្រាស់ស្មាតហ្វូន គ្មានទំនោចិត្ដប្ដូរ Default Setting និង PINs ដើម្បីការពារសារជាសម្លេងរបស់ពួកគេទេនោះ។</span></p>
<p><span style="color: #000000;">ដើម្បីអាច Hack ចូលបាន ជាដំបូង Hackers បញ្ឆោតឱ្យអ្នកប្រើប្រាស់ WhatsApp ចុះឈ្មោះដោយលេខទូរសព្ទចូលទៅក្នុងឧបករណ៍របស់ពួកគេ។ ខណៈដំណើរការនេះ ជាធម្មតាស្នើឱ្យអ្នកប្រើប្រាស់បញ្ចូលនូវលេខកូដចូលដំណើរការ ដែលផ្ញើតាមរយៈលេខទូរសព្ទនោះ ពួក Hackers ក៏ឆ្លៀត Hack ចូល នៅពេលដែលអ្នកប្រើប្រាស់ មិនបានចាប់ថ្នាក់ឃើញ ជាពិសេសនៅពេលយប់។</span></p>
<p><span style="color: #000000;">បន្ទាប់មកទៀត WhatsApp នឹងខលសួរ តាមរយៈសារដោយស្វ័យប្រវត្ដិដើម្បីសួររកលេខកូដចូលដំណើរការ។ ប្រសិនបើជនរងគ្រោះ មិនបានអានសារទេ ពួកគេទំនងជាមិនលើកទូរសព្ទទេ មានន័យថា ពួកគេទុកវាឱ្យនៅជាសារជាសម្លេង។</span></p>
<p><span style="color: #000000;"><a class="thickbox" title="" href="/FileManager/Commons/2018/10/12/4-12-10-2018--09-16-24.PNG"><img src="/FileManager/Articles/mce/2018/10/12/4-12-10-2018--09-16-24.PNG" alt="" /></a><br /></span></p>
<p><span style="color: #000000;">នេះហើយជាចំណុច ដែលលេខសម្ងាត់(Password) របស់សារជាសម្លេង ដែលមិនបានការពារ លោតចូល។ បណ្ដាញទូរសព្ទមួយចំនួន ផ្ដល់នូវលេខទូរសព្ទតាមប្រភេទ(ឧ៖៤៤៤៤) ដែលអ្នកប្រើប្រាស់អាចវាយបញ្ចួលដើម្បីអានសារជាសម្លេងរបស់ពួកគេ។ ដោយសារតែលេខសម្ងាត់លំនាំដើម(default passwords) ជាធម្មតាតែងមាន ៤ខ្ទង់ដូចជា 0000 ឬ 1234(ដែលអាចងាយនឹងរកឃើញតាមអនឡាញ) ទើបធ្វើឱ្យពួក Hacker ងាយស្រួលទទួលបានលេខសម្ងាត់ ដែលផ្ញើតាម WhatsApp។</span></p>
<p><span style="color: #000000;">ចាប់ពីទទួលបានលេខកូដ Hacker អាចប្រើប្រាស់លេខកូដនេះ ដើម្បីចុះឈ្មោះចូលដំណើរការ គណនី WhatsApp នៅក្នុងទូរសព្ទរបស់ពួកគេ និងអាចផ្ញើ និងទទួលសារពីគណនីនេះ។ ប្រសិនបើពួក Hacker ជ្រើសរើសប្រើ two-step verification អ្នកប្រើប្រាស់នឹងមិនអាច ទាញយកលេខទូរសព្ទរបស់ខ្លួនមកវិញដើម្បីប្រើប្រាស់ជាមួយ WhatsApp បាននោះទេ។</span></p>
<p><span style="color: #000000;"><a class="thickbox" title="" href="/FileManager/Commons/2018/10/12/6-12-10-2018--09-16-35.PNG"><img src="/FileManager/Articles/mce/2018/10/12/6-12-10-2018--09-16-35.PNG" alt="" /></a><br /></span></p>
<p><span style="color: #000000;">ពិតមែនហើយ វាមាននូវវិធីសាមញ្ញមួយចំនួនដើម្បីការពារគណនី WhatsApp របស់អ្នក ដោយការចាប់ផ្ដើមកំណត់ PIN រឹងមាំសម្រាប់ Inbox សារជាសម្លេងរបស់អ្នក(មិនត្រូវប្រើថ្ងៃខែឆ្នាំកំណើតរបស់អ្នក ធ្វើជាលេខសម្ងាត់ឡើយ)។ អ្នកគួរតែ កំណត់យកឧបករណ៍ two-step verification របស់ WhatsApp ដើម្បីការពារ ការវាយប្រហារពីពួក Hacker (Head to Settings > Account > Two-step verification > Enable) ៕ </span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/10/12/mekongnet-12-10-2018--09-16-45.PNG" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ trustedreviews</span></p>