<p><strong>ភ្នំពេញៈ</strong> ជនសង្ស័យពីរនាក់ ត្រូវបានកម្លាំងនគរបាល ខណ្ឌពោធិ៍សែនជ័យ ដឹកនាំដោយ លោក<br /> ប៊ន សំអាត អធិការនគរបាលខណ្ឌ សហការ ជាមួយកងកម្លាំង យោធារបស់អង្គភាព កងពលតូច<br />ដឹក ជញ្ជូនលេខ៩៩ ដែលឈរជើងនៅ ក្នុងព្រលានយន្តហោះ អន្តរជាតិភ្នំពេញ ផ្នែកខាងកើត <br />ឃាត់ខ្លួនបានភ្លាមៗ និងពីរនាក់ទៀត រត់គេចខ្លួន បន្ទាប់ពីក្រុមចោរទាំង៤ នាក់បានធ្វើ សកម្មភាព<br />ភ្ជង់ វាយ និងបាញ់គំរាមប្លន់ យកម៉ូតូរបស់ ជនរងគ្រោះម្នាក់ ។</p>
<p>បន្ទាប់ពីឃាត់ខ្លួនបាន នគរបាលធ្វើការដកហូតបាន កាំភ្លើងខ្លីមួយដើម និងម៉ូតូមួយគ្រឿង ផងដែរ<br /> កាលពីវេលាម៉ោង ៣ទៀបភ្លឺ ថ្ងៃទី៧ខែមករា ឆ្នាំ២០១៣ ស្ថិតនៅតាម បណ្តោយផ្លូវ ២០០៤ ខាង<br />មុខខារ៉ាអូខេស៊ិចស៊ីគ្រើល ក្នុងភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ រាជធានីភ្នំ<br />ពេញ។</p>
<p>បើយោងតាម របាយការណ៍របស់ នគរបាលខណ្ឌ បានឲ្យដឹងថា ជនសង្ស័យដែល ឃាត់ខ្លួនបាន<br />នោះ ទី១មាន ឈ្មោះ ម៉ុង សាម៉ៃ ភេទប្រុស អាយុ២៧ឆ្នាំ មានមុខរបរជានគរបាល ស្នាក់នៅក្នុង<br />ស្ថានីយ៍ ប្រេងសាំតូតាល់ របស់លោក ឧកញ៉ា ដួង ងៀប និងទី២មាន ឈ្មោះ ឃីម សុភណ្ឌ ភេទ<br />ប្រុស អាយុ៣២ឆ្នាំ មានមុខរបរជា នគរបាល រស់នៅក្នុង ភូមិប៉ប្រកខាងត្បូង សង្កាត់កាកាប<br /> ខណ្ឌពោធិ៍សែនជ័យ និងដកហូតម៉ូតូ មួយគ្រឿងម៉ាកវ៉េវ RSX ក្រហមលាយខ្មៅ ពាក់ស្លាកលេខ<br /> នប១ ៥៤៥៤ និងកាំភ្លើងខ្លីមួយដើមម៉ាកឡុក ចំណែកឯជនរងគ្រោះវិញមានឈ្មោះ អ៊ិត សុវណ្ណារ៉ា<br /> ភេទប្រុស អាយុ១៩ឆ្នាំ ស្នាក់នៅក្រុមទី១០ ភូមិចំកាឪឡឹក សង្កាត់កាកាប ខណ្ឌពោធិ៍សែនជ័យ។ <br />ដោយឡែក ម៉ូតូដែលត្រូវ បាត់បង់នោះម៉ាក សេ១២៥ ពណ៌ខ្មៅ សេរីឆ្នាំ២០១២ ពាក់ស្លាក លេខ<br />ភ្នំពេញ 1BS-5489 ហើយជនរងគ្រោះ បានរងរបួសលើ ចិញ្ចើមឆ្វេងដោយសារ តែជនដៃដល់ <br />វាយ និងកាំភ្លើង ។ </p>
<p>ប្រភព័ត៌មានពីនគរបាល បានឲ្យដឹងថា មុនពេលកើតហេតុកើត ជនរងគ្រោះ ជិះម៉ូតូម្នាក់ឯង តាម<br />បណ្តោយផ្លូវ ២០០៤ ត្រឡប់មកពីចូលរួម ពិធីខួបកំណើត របស់មិត្តភក្តិនៅម្តុំផ្សារដើមគ ក្នុងទិស<br />ដៅពីកើត ទៅលិច លុះដល់ចំណុចកើតក្បែរជញ្ជីងថ្លឹង រថយន្តខាងកើត ព្រលានយន្តអន្តរជាតិ<br />ភ្នំពេញ ដោយសារតែស្ថានភាព ផ្លូវកោង និងមានពុំនូកទទឹងផ្លូវផងនោះ ក៏បន្ថយល្បឿន រំពេច<br />នោះ ក៏ស្រាប់តែមាន ជនសង្ស័យ៤នាក់ ជិះម៉ូតូ២គ្រឿង ជិះមកស្ទាក់មុខមួយគ្រឿង និងនៅពី<br />ក្រោយ មួយគ្រឿង រួចហើយអ្នកជិះម៉ូតូ ស្ទាក់ពីមុខម្នាក់ ដែលអង្គុយពីក្រោយ ក៏ចុះដើរសំដៅមក<br />រក ជនរងគ្រោះ រួចហើយដកកាំភ្លើងខ្លី មួយភ្ជង់ និងវាយជនរងគ្រោះ មួយកែងកាំភ្លើង ថែមទាំង<br />បាញ់គំរាម១គ្រាប់ផងដែរ ។</p>
<p>ភ្លាមៗនោះ បក្ខពួករបស់គេម្នាក់ទៀត ដែលជិះម៉ូតូស្ទាក់ខាងក្រោយបាន ដើរមករុញជនរងគ្រោះ<br />ចេញពីម៉ូតូ ហើយក៏មានការភ្ញាក់ផ្អើល ដល់អ្នកជិតខាង និងកងកម្លាំងរបស់អង្គភាព កងពលតូច<br />ដឹក ជញ្ជូនលេខ៩៩ របស់លោក អ៊ុល សំអុន ចេញមកព្រោងព្រៀត ធ្វើឲ្យជនសង្ស័យភ័យស្លន់<br />ស្លោ នាំគ្នារត់គេចខ្លួនចោលម៉ូតូនៅ នឹងកន្លែងកើតហេតុ ។</p>
<p>ក្រោយកើតហេតុភ្លាម លោក ប៊ន សំអាត អធិការនគរបាល ខណ្ឌពោធិ៍សែនជ័យ បានដឹកនាំ<br />កម្លាំងផ្ទាល់ទៅ សហការជាមួយកងកម្លាំង យោធារបស់អង្គភាព កងពលតូចដឹកជញ្ជូនលេខ<br />៩៩ ដែលឈរជើង នៅកន្លែងកើតហេតុ ឃាត់ខ្លួនជនសង្ស័យបានពីរនាក់ ជាក់ស្តែង និងដក<br />ហូតបានវត្ថុតាងកាំភ្លើងខ្លី១ ដើមម៉ាកឡុក និងម៉ូតូ១គ្រឿងផងដែរ បញ្ជូនមកកាន់អធិការដ្ឋាន<br />នគរបាលខណ្ឌពោធិ៍សែនជ័យ ដើម្បីធ្វើការសាកសួរ និងកសាងសំណុំរឿងចាត់ ការទៅតាម<br />ផ្លូវច្បាប់។</p>
<p>ប្រភពពីមន្រ្តីនគរបាល បានបន្តថា ខណៈពេលមានការអន្តរាគមន៍ ពីទាហាន និងប្រជាពលរដ្ឋនៅ<br />ជិតខាងនោះ ធ្វើឲ្យក្រុមចោរ រត់គេចខ្លួនចែកជើងគ្នានោះ ប៉ុន្តែម៉ូតូរបស់ ជនរងគ្រោះនៅទីនោះដែរ<br /> ស្រាប់តែបាត់ ដោយពុំ ដឹងមូលហេតុថា អ្នកណាជាអ្នកយកទៅ ខណៈជនសង្ស័យចំនួនពីរនាក់<br />ផ្សេងទៀត បានរត់គេចខ្លួនបាត់ ។ លោក ប៊ន សំអាត បានប្រាប់មជ្ឈមណ្ឌល ព័ត៌ដើមអម្ពិលតាម <br />ទូរស័ព្ទថា បន្ទាប់ពីទទួលព័ត៌មាន ថា មានករណីចោរប្លន់ប្រដាប់ អាវុធនោះ លោកក៏បានចុះដឹកនាំ<br />កម្លាំងទាំងយប់ ទៅសហការជាមួយកម្លាំងទាហានរបស់កងពលតូចដឹក ជញ្ជូនលេខ៩៩ ដេញតាម<br />ឃាត់ខ្លួនជនសង្ស័យបាន២នាក់ ភ្លាមៗ និង២នាក់ទៀតរត់គេចខ្លួន ហើយជនសង្ស័យដែល ឃាត់<br />ខ្លួនបាននោះ គឺសុទ្ធតែជានគរបាល ដែលម្នាក់ស្នាក់នៅ ក្នុងស្ថាននីយ៍ប្រេងឥន្ធនៈ របស់លោកឧក<br />ញ៉ាដួង ងៀប ។</p>
<p>លោកបានបន្តទៀតថា ចំពោះជនសង្ស័យទាំងពីរនាក់ លោកត្រូវតែចាត់ការទៅ តាមផ្លូវច្បាប់ ទោះ<br />បីជានគរបាលក៏ដោយពីព្រោះអ្នកទាំងពីរ ប្រព្រឹត្តខុសច្បាប់ ហើយចំពោះពីរនាក់ដែល កំពុងតែរត់<br />គេចខ្លួននោះលោកនឹង តាមស្វែងរកចាប់ខ្លួនយក មកផ្តន្ទាទោសឲ្យទាល់តែបាន។</p>
<p>បើតាមប្រភពព័ត៌មាន មួយបានបង្ហើបឲ្យដឹងថា ជនសង្ស័យទាំងពីរនាក់គឺ ជាអង្គរក្សរបស់ លោក<br />ឧកញ៉ា ដួង ងៀប ប៉ុន្តែមជ្ឈមណ្ឌលព័ត៌មានដើមអម្ពិល ពុំមានប្រភពមួយណាដើម្បីទំនាក់ទំនង ជា<br />មួយលោកឧកញ៉ា ដួង ងៀប បានថា ជាអង្គរក្សរបស់លោក ឬមួយយ៉ាងណានោះទេ។</p>
<p>បច្ចុប្បន្ន វត្ថុតាងរួម ទាំងជនសង្ស័យត្រូវ ឃុំជាបណ្តោះអាសន្ននៅ អធិការដ្ឋាននគរបាល ខណ្ឌពោធិ៍<br />សែនជ័យ និងកសាងសំណុំរឿងបញ្ជូនទៅ កាន់តុលាការដើម្បីចាត់ការ ទៅតាមផ្លូវច្បាប់៕</p>
<p><a class="thickbox" title="" href="/FileManager/Commons/2013/1/8/pheak-074-08-01-2013--08-44-06.jpg"><img src="/FileManager/Articles/mce/2013/1/8/pheak-074-08-01-2013--08-44-06.jpg" alt="" /></a></p>
<p><a class="thickbox" title="" href="/FileManager/Commons/2013/1/8/pheak-075-08-01-2013--08-44-27.jpg"><img src="/FileManager/Articles/mce/2013/1/8/pheak-075-08-01-2013--08-44-27.jpg" alt="" /></a></p>
<p> </p>
<p style="text-align: right;">ផ្តល់សិទ្ធិដោយ៖ ដើមអំពិល</p>