<p><span style="color: #000000;"><strong>ភ្នំពេញ៖</strong> តារាសម្ដែងល្បីឈ្មោះ គួរសមក្នុងវិស័យសិល្បៈ លោក ឆានុត កាលពីយប់ទី១៨ ខែឧសភា ឆ្នាំ ២០១៥ នេះបានរៀបចំពិធីបើកសម្ពោធ ហាងកាត់សក់បែបយុវវ័យ របស់ខ្លួន តូចល្មមមួយ មានឈ្មោះថា «ឆានុត ស្តាយល៍» នៅក្នុងសង្កាត់ បឹងសាឡាង ខាងក្រោយវិទ្យាល័យ ជា ស៊ីមសាមគ្គី ដោយមានការចូលរួម ពីអ្នករួមអាជីពមានអ្នក ដឹកនាំសម្ដែង តារាចម្រៀង និងតារាល្បីៗជាច្រើននាក់ទៀត ។</span></p>
<p><span style="color: #000000;">តារាសម្ដែង ឆានុត ត្រូវបានមហាជន ជាពិសេសយុវវ័យ ទទួលស្គាល់ ពីទេពកោសល្យសម្ដែង និងការតស៊ូរបស់ លោក ទម្រាំបានក្លាយ ជាតារាល្បី និងមានអ្នកស្គាល់ច្រើន រហូតមានលទ្ធភាពបើករបរ រកស៊ីខ្លួនឯងទៀតផង ។ ឆានុត តែងតែលេចវត្តមាន ក្នុងឈុតខារ៉ាអូខេ របស់ផលិតកម្ម ថោន សាន់ដេ និងស្ពតពាណិជ្ជកម្មមួយចំនួន ។</span></p>
<p><span style="color: #000000;">ជុំវិញរឿងបើកដំណើការ ហាងកាត់សក់បែបយុវវ័យនេះ តារាសម្ដែង ឆានុត បានបញ្ជាក់ថា ព្រោះស្រលាញ់អាជីពនេះ លោកក៏បានសេងហាងកាត់សក់ពីគេ ដោយសម្រេចឆ្លៀត ពីការងារសម្ដែង ងាកមកមើលខុសត្រូវហាងខ្លះ ក្នុងនោះមានការសហការ ពីជាងមានស្នាដៃមួយចំនួន។ តារាសម្ដែង ដែលមានប្រវត្តិពីអ្នកលក់មីឆារូបនេះ និយាយថា« បាទបង..! តាំងពីខ្ញុំសេងពីគេមក ហាងខ្ញុំ ដំណើរការបាន១សប្ដាហ៍ មានអ្នកចូលមកកាត់ លាបពណ៌សក់ និងទទួលសេវាផ្សេងៗទៀត ជាហូរហែ ពោលបានប្រហែលជា៤០ទៅ៥០ នាក់ដែរបង.. ក្នុងមួយថ្ងៃ »។</span></p>
<p><span style="color: #000000;">ចំពោះដើមទុន ក្នុងការបើកហាងមួយល្វែងនេះ តារាសម្ដែង ឆានុត មិនបានបង្ហើបឲ្យដឹងច្បាស់ ពីចំនួនពិតប្រាកដនោះឡើយ ដោយលោកគិតថា មានទំហំតូចតាច មិនចង់ឲ្យដឹង ជាសាធារណៈ ប៉ុន្តែតារាសម្ដែងរូបនេះ បានបង្ហាញក្ដីរំពឹងយ៉ាងមុតមាំថា នឹងទទួលបានជោគជ័យ និងការគាំទ្រពីអតិថិជនទូទៅ៕</span></p>
<p><span style="color: #000000;"><a class="thickbox" title="" href="/FileManager/Commons/2015/5/19/60-19-05-2015--13-51-52.jpg"><img src="/FileManager/Articles/mce/2015/5/19/60-19-05-2015--13-51-52.jpg" alt="" /></a></span></p>
<p><a class="thickbox" title="" href="/FileManager/Commons/2015/5/19/61-19-05-2015--13-51-59.jpg"><img src="/FileManager/Articles/mce/2015/5/19/61-19-05-2015--13-51-59.jpg" alt="" /></a></p>
<p><a class="thickbox" title="" href="/FileManager/Commons/2015/5/19/62-19-05-2015--13-52-07.jpg"><img src="/FileManager/Articles/mce/2015/5/19/62-19-05-2015--13-52-07.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>