<p><span style="color: #000000;"><strong>(ភ្នំពេញ)៖</strong>ស្របពេលដែលឱកាស នៃពិធីបុណ្យ Christmas ឈានចូលមកដល់ សម្រាប់ថ្ងៃទី២៥ ខែធ្នូ ឆ្នាំ២០១៥នេះ គេកត់សម្គាល់ឃើញថា មានពលរដ្ឋខ្មែរភាគច្រើន បាននាំគ្នារៀបចំស្វាគមន៍អបអរសាទរ ពិធីបែបបច្ចឹមប្រទេសមួយនេះ បើទោះបីជាពួកគេ មិនមែនជាគ្រឹស្ដសាសនិកក្ដី ពិសេសនៅតាមបណ្តាក្រុមហ៊ុនធំៗមួយចំនួន។ រីឯយុវវ័យប្រុស-ស្រីខ្លះក៏ហាក់មានភាពសប្បាយរីករាយ នាឱកាសនេះ តាមរយៈការរៀបចំទិញជាកាដូរ ឲ្យគ្នាទៅវិញទៅមក ដើម្បីបញ្ជាក់ពីក្តីស្រឡាញ់របស់ខ្លួន។</span></p>
<p><span style="color: #000000;">មិនខុសគ្នាពីយុវវ័យប៉ុន្មាននោះទេ បើយើងសង្កេតមើលពីតារាប្រុស-ស្រីរបស់ខ្មែរខ្លះ ក៏ហាក់មានភាពសប្បាយរីករាយ នៅក្នុងឱកាសថ្ងៃបុណ្យChristmasនេះដែរ ដោយមានការផ្តល់ជាកាដូរ ពីអ្នកនៅជុំវិញខ្លួន និងមនុស្សដែលខ្លួនស្រលាញ់។ ដោយឡែកសម្រាប់តារាសម្តែងស្រីអភ័ព្វស្នេហ៍ កញ្ញា ពេជ្រ ថាវរ៉ា បានបង្ហាញក្តីរំភើបខ្លាំង ចំថ្ងៃ២៥ ធ្នូ ឆ្នាំ២២០១៥នេះ ខណៈដែលនាងទទួលបានការដូពិរសេសរថយន្តថ្មីមួយគ្រឿង មានតម្លៃរាប់ម៉ឺនដុល្លារឯណោះ។ ប្រភពព័ត៌មានមួយ បានប្រលយថា រថយន្តថ្មី ក្នុងថ្ងៃពិសេសនេះ អាចជាកាដូរ ពីសំណាក់ប្រុសស្នេហ៍របស់នាង ទិញផ្គាប់ចិត្ត បន្ទាប់ពីក្ដីស្នេហ៍មួយនេះ វិលមករកស្ថានភាពដូចដើមវិញ ។</span></p>
<p><span style="color: #000000;">នៅលើបណ្តាញសង្គមហ្វេសប៊ុក របស់តារាស្រីដែលជួបបរាជ័យស្នេហា ជាបន្តបន្ទាប់ កញ្ញា ពេជ្រ ថាវរ៉ា បានសរសេរបង្ហោះសារភ្ជាប់ជាមួយរូបថត រថយន្តថ្មីមួយគ្រឿងថា «<strong>Christmas Day កាដូរសំរាប់ខ្លួនឯង ហេងចូលហេង</strong>» ។ ប៉ុន្តែនាងមិនបានបញ្ជាក់ប្រាប់ ឲ្យដឹងទេថា សម្រាប់កាដូរមួយនេះ បានមកពីប្រភពណាមួយនៅឡើយទេ។ ក្រៅពីទទួលបានកាដូរថយន្តមួយគ្រឿងនេះ កញ្ញា ពេជ្រ ថាវរ៉ា ក៏បានបង្ហាញកាដូរពិសេសថ្មីមួយទៀត គឺនាឡិកាតម្លៃជិត១ពាន់ដុល្លារ ១គ្រឿងផងដែរ។</span></p>
<p><span style="color: #000000;">កញ្ញា ពេជ្រ ថាវរ៉ា នៅរសៀលថ្ងៃទី២៥ ខែធ្នូនេះ គេហទំព័រ Khmer TALKING មិនអាចធ្វើការ សួរនាំបន្ថែមតាមទូរស័ព្ទបានទេ ព្រោះពេលទំនាក់ទំនងទៅជាច្រើនលើក ត្រូវបានឆ្លើយថាជាប់រវល់៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpa1/v/t1.0-9/1886_1537468283234204_4239029326129371860_n.jpg?oh=09bef78e822b99b43dc5d48e261dfccf&oe=570E0F4C" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-a-a.akamaihd.net/hphotos-ak-xfa1/v/t1.0-9/1934119_1537468256567540_1831010829362741329_n.jpg?oh=046edd17835e066d5a5349ad6f1c1e2f&oe=5703B9CE&__gda__=1457016568_b9097bedd06c8f06bc6ee6392d43bc1e" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpa1/v/t1.0-9/1934077_1537468289900870_1368070868372309352_n.jpg?oh=0ff1f14083df16b7d69a8f2e6f702f14&oe=5719FCA3" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xpf1/v/t1.0-9/12391810_1537468299900869_3864828583521392057_n.jpg?oh=4f5037c4fc8fb8e557a5f06079a84df3&oe=56D3D1D7&__gda__=1461164520_30616b0bb604be9a47f61b4e0c6a8d9a" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xpl1/v/t1.0-9/12391786_1537468336567532_6952758359401541668_n.jpg?oh=d2ff56f278533aaacfdc988c77819515&oe=571A4C18&__gda__=1460139452_3a10dd41ba555b314da4f8ef21c524c6" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xaf1/v/t1.0-9/12391353_1537468249900874_8243062023808087995_n.jpg?oh=8fb6681d5fbb2e40a767ddef430b97c3&oe=571341B8&__gda__=1460931599_ad6c1b5d2d7a4996b1287e7c6093d300" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfp1/v/t1.0-9/1916801_1537468253234207_2604592863500245517_n.jpg?oh=797aa33683e38027684f6d036770f143&oe=57092FD4" alt="" width="730" /></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>