<p> </p>
<p>រឿងរ៉ាវរបស់សុនខស្មោះត្រង់នេះត្រូវបានគេដឹង និងចែករំលែកនៅពាសពេញប្រទេសចិន ហើយ<br /> អ្នកប្រហែលជានឹងស្រក់ទឹកភ្នែកប្រសិនបានដឹងពីដំណើររឿងនេះ។</p>
<p>Cai Xi'er គឺជាឈ្មោះនាំសំណាងដ៏ច្រើនដែលអ្នកស្រី Wang Shuqun បានដាក់អោយសុនខស្មោះ<br />ត្រង់នេះ។ កាលពីថ្ងៃទី ១៨មេសា ឆ្នាំ ២០១០ កូនស្រីរបស់អ្នកស្រី Wang Shuqun បាននាំយក<br />សុនខមួយដែលមានអាយុប្រហែលពីរខែ ជាប្រភេទសុនខតឿ។ អ្នកស្រី Wang Shuqun ជាមនុស្ស<br />ចូលចិត្តចិញ្ចឹមសត្វ ពេលបានឃើញវា គាត់ក៏យល់ព្រមចិញ្ចឹម និងបានដាក់ឈ្មោះអោយវាថា Cai Xi'er។</p>
<p><a class="thickbox" title="" href="/FileManager/Commons/2012/5/11/120420dstaihy0256b15-11-05-2012--14-49-24.jpg"><img src="/FileManager/Articles/mce/2012/5/11/120420dstaihy0256b15-11-05-2012--14-49-24.jpg" alt="" /></a></p>
<p>ចាប់តាំងពីបានសុនខនេះមកនៅជាមួយ គ្រួសាររបស់អ្នកស្រី Wang Shuqun កាន់តែមានសេចក្ដី<br />សុខ និងសុភមង្គល។ អ្នកស្រីស្រឡាញ់ និងថែរក្សាវាដូចជាកូនៗរបស់អ្នកស្រីដូច្នោះដែរ។ ពេល<br />មួយនោះ សុនខ Cai Xi'er បាក់ជើង អ្នកស្រីបានព្យាបាល និងថែទាំវាដោយយកចិត្តទុកដាក់បំផុត។<br />អ្នកស្រី Wang Shuqun ថ្លែងថា ៖ " Cai Xi'er គឺជាសុនខមួយដ៏វ័យឆ្លាត ខ្ញុំចិញ្ចឹមដោយអោយផឹងទឹក<br />ដោះគោតាមពេលវេលាត្រឹមត្រូវ។ ពេលមិននៅផ្ទះ ខ្ញុំបានប្រាក់អោយម្ដាយគាត់ជួយលាយទឹកដោះ<br />អោយវាផឹក ប៉ុន្ដែម្ដាយខ្ញុំមានការភ្លេចភ្លាំងច្រើន ដូច្នេះ Cai Xi'er តែងតែព្រុសដើម្បីរំឭក នៅពេល<br />គាត់ភ្លេច"។</p>
<p><a class="thickbox" title="" href="/FileManager/Commons/2012/5/11/120420dstaihy010b1fc-11-05-2012--14-59-36.jpg"><img src="/FileManager/Articles/mce/2012/5/11/120420dstaihy010b1fc-11-05-2012--14-59-36.jpg" alt="" /></a></p>
<p>ប៉ុន្ដែមានថ្ងៃមួយ អ្នកស្រី Wang Shuqun ឈឺធ្ងន់ត្រូវទៅកាន់មន្ទីរពេទ្យ Cai Xi'er បង្ហាញទឹកមុខដូច<br />មិនមានសុវត្ថិភាព។ វាដើរចុះ ដើរឡើង រួចដេកនៅមាត់ទ្វាររង់ចាំម្ចាស់មកវិញ បើទោះជាត្រូវបីចូល<br />ទៅក្នុងជាច្រើនដង។ អ្នកស្រី Wang Shuqun អាណិតវាណាស់ក៏ដាច់ចិត្តយកវាទៅពេទ្យតាមគាត់។<br />ប៉ុន្ដែមិននឹកស្មានថា នោះគឺជាថ្ងៃចុងក្រោយដែល Cai Xi'er បានឃើញមុខម្ចាស់វាជាលើកចុង<br />ក្រោយ។</p>
<p>នៅវេលាម៉ោង ១៥និង១៨នាទី ថ្ងៃទី ៣១ មិនា អ្នកស្រី Wang Shuqun បានបាត់បង់ជីវិតក្នុងវ័យ ៨៨<br />ឆ្នាំ។ បើទោះជាពិធីបុណ្យត្រូវបានគេធ្វើឡើង ប៉ុន្ដែសុនខនេះនៅតែទន្ទឹងរង់ចាំម្ចាស់របស់វាត្រឡប់<br />មក។ រង់ចាំមិនឃើញមក Cai Xi'er ចាប់ផ្ដើមបង្ហាញពីភាពអន្ទះអន្ទែង វាខាំ ទាញខ្សែដើម្បីចូលទៅ<br />ក្បែរហ៊ឹង។<a class="thickbox" title="" href="/FileManager/Commons/2012/5/11/120420dstaihy03f3bff-11-05-2012--14-51-33.jpg"><img src="/FileManager/Articles/mce/2012/5/11/120420dstaihy03f3bff-11-05-2012--14-51-33.jpg" alt="" /></a></p>
<p>កូនស្រីរបស់អ្នកស្រី Wang Shuqun យំ និងនិយាយថា ៖ "នៅពេលបានឃើញសុនខនោះធ្វើបែប<br />នេះ យើងទាំងអស់គ្នាមិនអាចឃាត់ទឹកភ្នែកបាន"។</p>
<p>ចាប់តាំងពីថ្ងៃនោះមក Cai Xi'er បោះបង់អាហារ និងមិនទៅណាទាំងអស់ វានៅក្បែរហ៊ឹងរបស់<br />អ្នកស្រី Wang Shuqun ព្រមទាំងមានទឹកមុខស្រងូតស្រងាត់ជានិច្ច។ ថ្ងៃទី ១៣ ខែមេសា កូនស្រី<br />របស់អ្នកស្រី Wang Shuqun បាននាំវាទៅពេទ្យសត្វ ប៉ុន្ដែស្ថានភាពរបស់វាមិនបានប្រសើរឡើងនោះ<br />ទេ ដូច្នេះគ្រូពេទ្យក៏ប្រគល់វាត្រឡប់មកវិញ។ ៣ថ្ងៃក្រោយមក Cai Xi'er បានលាចកលោក។ ការចាក<br />ចេញរបស់វា បានធ្វើអោយសមាជិកក្នុងគ្រួសារកាន់តែឈឺចាប់ ដោយសារភាពស្មោះត្រង់របស់វា។<br />ថ្ងៃទី ១៧មេសា កូនស្រីរបស់សពអ្នកស្រី Wang Shuqun ដែលធ្លាប់បានថែទាំវាក្រោយពីអ្នកស្រី <br />Wang Shuqun ស្លាប់ បានយកសាកសពសុនខនេះទៅបញ្ចុះនៅក្បែរផ្នូររបស់ម្ដាយនាង ដើម្បីអោយ<br />ប្រាកដថា វាបាននៅក្បែរម្ចាស់ជាទីស្រឡាញ់របស់វាជានិច្ច៕</p>
<p style="text-align: right;">ដោយ ៖ សូរីយ៉ា<br />ប្រភព ៖ K14</p>