<p>រដ្ឋមន្ដ្រីក្រសួងវប្បធម៌របស់ប្រទេស Sri Lanka បានស្នើឱ្យធ្វើការស៊ើបអង្កេតលើករណីនគរបាល<br />របស់ទីក្រុងមួយនៃប្រទេសនេះ បានធ្វើពិធីរៀបការឱ្យសត្វសុនខអាជីព។</p>
<p style="text-align: center;"><a class="thickbox" title="" href="/FileManager/Commons/2013/8/28/dog2-28-08-2013--20-19-17.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/28/dog2-28-08-2013--20-19-17.jpg" alt="" /></a>សុនខមួយគូ ក្នុងចំណោម ៩គូ ដែលបានរៀបការ នៅក្រុង Kandy កាលពីថ្ងៃទី ២៦សីហា</p>
<p>កាលពីថ្ងៃទី ២៦សីហា ឆ្នាំ ២០១៣ កន្លងទៅ នៅក្រុង Kandy ភាគកណ្ដាលប្រទេស Sri Lanka <br />មានការប្រារព្ធពិធីរៀបការជាក្រុមរបស់សុនខចំនួន ៩គូ ។ ពិធីរៀបការនេះ ត្រូវបានមន្ដ្រីម្នាក់ធ្វើ<br />ការបំពេញបែបបទ ចុះឈ្មោះរៀបការឱ្យសុនខទាំងនេះ។ ក្នុងអំឡុងពេលរៀបការ ក៏មានមន្ដ្រី<br />បសុពេទ្យជាច្រើនរូប មន្ដ្រីនគរបាល រួមនឹងប្រជាជនយ៉ាងច្រើន បានចូលរួមពិធីរៀបការដ៏ចម្លែក<br />នេះដែរ។</p>
<p>ស្ថានិយទូរទស្សន៍ក្នុងស្រុក បានចាក់ផ្សាយនូវទិដ្ឋភាពសុនខទាំងនេះ ឈានជើងឡើងរថយន្ដ<br />របស់នគរបាល ដើម្បី “ក្រេបទឹកឃ្មុំ” ។ រថយន្ដរបស់នគរបាល ក៏ត្រូវបានតុបតែងយ៉ាងស្រស់<br />ស្អាត ប្លែកភ្នែកក្នុងបំណងអបអរថ្ងៃរៀបការរបស់សុនខ។</p>
<p><a class="thickbox" title="" href="/FileManager/Commons/2013/8/28/dog1-28-08-2013--20-19-53.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/28/dog1-28-08-2013--20-19-53.jpg" alt="" /></a></p>
<p>ពិធីរៀបការរបស់ក្រុមសុនខដែលមានអាជីពស្វែងរកថ្នាំញៀនជាដើម ខាងលើនេះ ទទួលបាន<br />ចំណាប់អារម្មណ៍ជាខ្លាំង ពីសំណាក់សាធារណជន ប៉ុន្ដែទន្ទឹមនឹងនេះ ក្រុមមន្ដ្រីក្រសួងវប្បធម៌<br />បែរជាសម្ដែងការខឹងសម្បារយ៉ាងខ្លាំង ចំពោះករណីនេះ។ លោក រដ្ឋមន្ដ្រីនៃក្រសួងវប្បធម៌ និង<br />សិល្បៈ T.B. Ekananayake បានថ្កោលទោសចំពោះការរៀបការខាងលើ ដោយលោកយល់ថា<br /> វាបានធ្វើឱ្យសៅហ្មងដល់ពិធីមង្គលការដែលជាប្រពៃណីដ៏ថ្លៃថ្លារបស់ជាតិ។ លោកក៏បានស្នើឱ្យ<br />មន្ដ្រីពាក់ព័ន្ធ ស៊ើបអង្កេតចំពោះរឿងនេះ។</p>
<p>Buddhika Siriwardena អ្នកនាំពាក្យរបស់នគរបាល បានប្រកាសសុំទោសសាធារណជន ចំពោះ<br />ពិធីរៀបការដែលធ្វើឱ្យប៉ះពាល់ដល់វប្បធម៌ប្រទេសជាតិ។ ប៉ុន្ដែ លោកក៏បានអះអាងថា គោល<br />បំណងនៃការរៀបការនេះ គឺដើម្បីបង្កាត់ពូជសុនខអាជីពដ៏មានប្រយោជន៍នេះ តែប៉ុណ្ណោះ។</p>
<p><a class="thickbox" title="" href="/FileManager/Commons/2013/8/28/dog3-28-08-2013--20-20-29.png"><img style="display: block; margin-left: auto; margin-right: auto;" src="/FileManager/Articles/mce/2013/8/28/dog3-28-08-2013--20-20-29.png" alt="" /></a></p>
<p>លោក Siriwardena ថ្លែងថា ៖ “គោលបំណងនៃកម្មវិធីបង្កាត់ពូជនេះដែរ ក៏ដើម្បីជួយឱ្យសុនខ<br />អាជីព សមទៅនឹងអាកាសធាតុ និងអាហារនៅ Sri Lanka តាមរយៈនេះ ក៏អាចជួយកាត់បន្ថយ<br />ប្រាក់ចំណាយសម្រាប់ចិញ្ចឹមពួកវា។ កាលពីឆ្នាំ ២០១១ នាយកដ្ឋាននគរបាលក្រុង បានចំណាយ<br />ប្រាក់ ៥០០,០០០ដុល្លារ ដើម្បីទិញសុនខប្រភេទនេះ ពីប្រទេស ហូល្លង់”។</p>
<p><object style="display: block; margin-left: auto; margin-right: auto;" width="486" height="416" data="http://www.youtube.com/v/CT8NR9Y44C0&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/CT8NR9Y44C0&rel=1" /></object></p>
<p> </p>
<p style="text-align: right;">ដោយ ៖ តារា<br /> ប្រភព ៖ huffingtonpost</p>
<p> </p>