<p><span style="color: #000000;"><strong>ព័ត៌មានអន្តរជាតិ ៖</strong> មន្រ្តីប៉ូលីស ប្រចាំរដ្ឋ វ៉ាសិនតោន សហរដ្ឋអាមេរិក គូស បញ្ជាក់អោយដឹងថា មានករណីសង្ស័យ ក៏ដូចជា ជំនឿជាក់ ទៅលើ សាកសពដែលបាន រកឃើញនោះ អាចជាសព តារា សម្តែងស្រី ដែលកំពុងតែបានបាត់ខ្លួន ។ </span></p>
<p><span style="color: #000000;"><a class="thickbox" title="" href="/FileManager/Commons/2014/10/17/03-17-10-2014--10-02-20.jpg"><img src="/FileManager/Articles/mce/2014/10/17/03-17-10-2014--10-02-20.jpg" alt="" /></a><br /></span></p>
<p><span style="color: #000000;">បន្ថែមពីលើនេះ ប្រភពសារព័ត៌មានពីទំព័រ ប៊ីប៊ីស៊ី ចេញផ្សាយអោយដឹងថា តារា សម្តែងស្រី នាង Misty Upham ដែលត្រូវបានគេទទួលស្គាល់ តាមរយៈរឿង August: Osage County នាងបានបាត់ខ្លួន បាត់ទៅហើយ រយៈពេល ១០ ថ្ងៃកន្លងទៅនេះ គួរបញ្ជាក់ថា សាកសពដែលត្រូវ បាន គេប្រទះឃើញ នោះគឺនៅឯជ្រោះមួយកន្លែង នៅជិតទន្លេ White River រកឃើញ កាលពីរសៀល ថ្ងៃ ព្រហស្បត្តិ៍ម្សិល មិញនេះ ។ ដោយឡែក មន្រ្តីស៊ើបអង្កេត ពុំទាន់អាច បញ្ជាក់ បាននៅ ឡើយទេ ពីអត្តសញ្ញាណសក សពដែលបានប្រទះឃើញនោះ ក៏ដូចជា មូលហេតុ នៃការស្លាប់ ជាដើម ។ យ៉ាងណាមិញ កាបូបដៃ ស្រីដែលត្រូវបានគេអះអាងថា ជារបស់នាង Upham ត្រូវបានគេរកឃើញ នៅ កន្លែង កើតហេតុ រក ឃើញសាកសព ។ </span></p>
<p><span style="color: #000000;">តារាសម្តែងស្រី វ័យ ៣២ ឆ្នាំ ដើមកំណើតសហរដ្ឋអាមេរិក ត្រូវបានគេនិយាយថា អាចនឹងធ្វើអត្តឃាត ក្នុងអំឡុងពេលដែលនាងបានបាត់ខ្លួនទៅនោះ ។ ឪពុករបស់នាង លោក Charles Upham បានផ្តល់ ជាកិច្ចសម្ភាសន៍ ដល់ប៉ុស្តិ៍វិទ្យុក្នុងស្រុក អោយដឹងថា កូនស្រីរបស់គាត់ ប៉ុន្មានថ្ងៃចុងក្រោយនេះហាក់ បីដូចជា មិនសប្បាយចិត្តច្រើន ខណៈនាងឈប់លេបថ្នាំ សម្រាប់ ជម្ងឺ ថប់ អារម្មណ៍ រ បស់ នាង ។ នាងបានរើទីលំនៅ មក Seattle ដើម្បីមើលថៃ ឪពុករបស់ខ្លួន ដែលមានជម្ងឺ ដាច់ សរសៃ ឈាមខួរ ក្បាល ។ ជាមួយនឹងវត្តមានចុងក្រោយបំផុត របស់នាង ត្រូវបានគេបញ្ជាក់ថា បាន ឃើញ នៅឯភាគ ខាងត្បូង ក្រុង Seattle នារដ្ឋវ៉ាស៊ិនតោន សហរដ្ឋអាមេរិក ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ប៊ីប៊ីស៊ី</span></p>