<p>ភ្នំពេញ ៖ ហេតុការណ៍ ភ្ញាក់ផ្អើល មួយបានកើតឡើង យ៉ាងខ្លាំងក្នុង ខណៈដែលក្មេង ស្រីរូបស្រល់<br /> អាយុជិត ២០ ឆ្នាំម្នាក់ ទំនងជាញៀនថ្នាំ នឹងសរសៃប្រសាទផងនោះ បានរើសដុំថ្មគប់គេ គប់ឯង <br />ពេញផ្លូវលេខ ១៦៣ កែងផ្លូវលេខ ៣៤៨ ក្នុងសង្កាត់ បឹងកេងកងទី៣ ខណ្ឌចំការមន កាលពីវេលា<br />ម៉ោង ២០ និង ១០ នាទីយប់ ថ្ងៃទី ០៩ ខែកក្កដាឆ្នាំ ២០១៣ ។</p>
<p>យោងតាមប្រភព ព័ត៌មានពីសាក្សី នៅកន្លែងកើត ហេតុខាងលើនេះ បានឲ្យដឹងថា មុនកើតមាន<br />ព្រឹត្តការណ៍ ភ្ញាក់ផ្អើល ដំបូងឡើយគឺ មិនដឹងថា ក្មេងស្រីរូបស្រល់នេះ ដើរពីកន្លែងណា ឬក៏ជិះម៉ូតូ<br />មកពីណាទេ បានជាមកដល់ចំណុចផ្លូវលេខ ១៦៣ កែងផ្លូវលេខ ៣៤៨ ចំណុចកើតហេតុខាងលើ<br />នេះ ស្រាប់តែ មិនដឹងជារូបគេមានរឿងអ្វី បានជារើសដុំឥដ្ឋគប់ មនុស្សម្នា ជាច្រើន ដែលកំពុងធ្វើ<br />ដំណើរឆ្លងកាត់ កន្លែងកើតហេតុ បណ្តាលឲ្យមនុស្ស៣ទៅ ៤ នាក់ត្រូវរបួស ។ បន្ទាប់ពីមានហេតុ<br />ការណ៍ភ្ញាក់ផ្អើល ខាងលើប្រជាពលរដ្ឋ បានរាយការណ៍ ទៅសមត្ថកិច្ចមូលដ្ឋាន ឲ្យចុះមកអន្តរា<br />គមន៍ ភ្លាមៗ ដើម្បីឃាត់ខ្លួនក្មេងស្រី រូបស្រល់នេះ យកទៅកាន់ទីស្នាក់ការនគរបាលប៉ុស្តិ៍ ធ្វើការ<br />សាកសួរ ពីមូលហេតុ ដែលរូប នាងមកប្រព្រឹត្តសកម្មភាពឆ្កួតៗ បែបនេះ ។</p>
<p>នៅចំពោះមុខ សមត្ថកិច្ចក្មេងស្រីនេះ មិនបាននិយាយស្តីអ្វីពាក់ព័ន្ធ នឹងការរស់នៅរបស់នាងទេ<br /> ប៉ុន្តែគ្រាន់ តែនាងនិយាយ ជាលក្ខណៈលេងសើចថា មូលហេតុដែលនាងរើសដុំឥដ្ឋគេឯងបែបនេះ<br /> ព្រោះតែចង់ឲ្យសមត្ថកិច្ច មកចាប់ខ្លួន រូបនាងយក ទៅប៉ុស្តិ៍តែប៉ុណ្តោះ ។ ទោះបីជានាងនិយាយបែប<br />នេះសមត្ថកិច្ចនគរបាលប៉ុស្តិ៍មូលដ្ឋាន បាន សន្និដ្ឋានថា មូលហេតុដែល រូបនាងមកប្រព្រឹត្តនៅទង្វើ<br />ឆ្កួតៗបែបនេះ គឺដោយសាររូបនាងសរសៃប្រសាទ នឹងទំនងជារូបនាងញៀនថ្នាំខ្លាំងពេក ធ្វើឲ្យ វង្វេង<br />ស្មារតី ក្លាយជាមនុស្សឡប់សតិ ដើរធ្វើនេះធ្វើនោះឲ្យមនុស្សម្នា ដើម្បីឲ្យខ្លាចញញើតនឹងសកម្មភាព<br />របស់គេ ។</p>
<p>តែទោះជាយ៉ាងនេះក្តី ជុំវិញករណីក្មេងស្រីរូបស្រល់ ខាងលើនេះ សមត្ថកិច្ចបានអំពាវនាវ ដល់បងប្អូន<br />ប្រជាពលរដ្ឋទាំង អស់ សូមគិតគូរ ចំពោះកូនៗ របស់ខ្លួនឲ្យបានល្អ ដើម្បីជៀសវាង កុំឲ្យពួកគេមក<br />ធ្លាក់ខ្លួនបែបនេះ។ ព្រោះបើ មើលទៅ ក្មេងស្រីនេះទំនងឪពុក ម្តាយមិនសូវគិតគូ ហើយបានជារូបគេ<br />លង់ខ្លួន ដើរលេងសប្បាយ ភ្លេចការរៀន សូត្រ រហូតបែក អារម្មណ៍ ដើរជក់ថ្នាំ លេងសប្បាយ ជាមួយ<br />ប្រុសស្នេហ៍ វង្វេងស្មារតីភ្លេចម្តាយ លែងស្គាល់ឪពុក សាច់ញាតិ មកក្លាយ ជាមនុស្ស ដែលសង្គមស្អប់<br />ខ្ពើម ៕</p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0197.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0198.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0199.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0200.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>