<p>មជ្ឈមណ្ឌលកែសម្ផស្សមួយនៅ Chongqing ប្រទេសចិន បានបញ្ចេញឈុតឆាកផ្សាយពាណិជ្ជកម្ម<br /> “កែច្រមុះស្អាតដូចតួ Eiffel” ដើម្បីទាក់ទាញនិស្សិតស្រីដែលកំពុងចូលរួមប្រកួតប្រជែង ក្នុងការស្វែង<br />រកការងារធ្វើ នៅប្រទេសនេះ។</p>
<p style="text-align: center;"><br /> <a class="thickbox" title="" href="/FileManager/Commons/2013/11/30/china1-30-11-2013--12-08-42.jpg"><img src="/FileManager/Articles/mce/2013/11/30/china1-30-11-2013--12-08-42.jpg" alt="" /></a><br /><em>គ្រូពេទ្យ Wang (កណ្ដាល) កំពុងធ្វើការវះកាត់កែសម្ផស្ស នៅមន្ទីរពេទ្យមួយ ក្នុងក្រុង Chongqing</em><br /><em> កាលពីខែសីហា។ (រូប ៖ AFP)</em></p>
<p><br />ដោយសារតែក្នុងមួយឆ្នាំៗ មាននិស្សិតរាប់លាននាក់បានបញ្ចប់ការសិក្សា ដូច្នេះ ប្រទេសចិនបាន<br />ងាកប្រកួតប្រជែងទាំងរូបសម្រស់ ដើម្បីរកបានការងារធ្វើ។ ពីមួយថ្ងៃទៅមួយថ្ងៃ មាននារីជាច្រើន <br />បានសម្រេចចិត្ដវះកាត់កែសម្ផស្ស ដូចជាធ្វើច្រមុះ ធ្វើភ្នែក បូមខ្លាញ់ជាដើម ដើម្បីទទួលបានអទិ<br />ភាពខ្ពស់ក្នុងពេលរកការងារ។<br /><br />មូលហេតុដែលបណ្ដាលឱ្យមាននិស្សិតស្រីកាន់តែច្រើន ទៅកែសម្ផស្ស គឺដោយសារថា ក្រុមហ៊ុន<br />ចិន ដែលធ្វើការជ្រើសរើស គឺតែងតែទាមទារឱ្យបេក្ខភាព មានរូបសម្រស់ស្រស់ស្អាត។ ជាមួយនិង<br />និស្សិតប្រមាណជា ៧លាននាក់ បានចូលរួមរកការងារធ្វើជារៀងរាល់ឆ្នាំ បូករួមនិងកំណើនសេដ្ឋ<br />កិច្ចធ្លាក់ចុះ នាំឱ្យក្រុមហ៊ុនទូរគមនាគមន៍ធំៗនៅប្រទេសចិន សុទ្ធតែវាយតម្លៃថា ឆ្នាំ ២០១៣ គឺជា<br />ឆ្នាំ “លំបាកបំផុត” សម្រាប់បុគ្គលិកការិយាល័យ។<br /><br />ក្រុមគ្រូពេទ្យកែសម្ផស្សនៅចិន និយាយថា ចំនួននិស្សិតដែលមករកសេវាវះកាត់កែសម្ផស្សដើម្បី<br />បង្កើនឱកាសស្វែងរកការងារ បន្ទាប់ពីបានបញ្ចប់ការសិក្សា កាន់តែមានច្រើនឡើងៗ។ ចំណែក<br />ចំនួនប្រជាជនច្រើន ក៏ធ្វើឱ្យចិន ក្លាយជាទីផ្សារកែសម្ផស្សធំបំផុតទីបី ក្នុងពិភពលោក។<br /><br />មជ្ឈមណ្ឌលកែសម្ផស្សរាប់សិបកន្លែង បានបិទផ្សាយឃោសនា យ៉ាងគគ្រិកគគ្រេង នៅក្នុងទីក្រុង <br />Chongqing ភាគនិរតីប្រទេសចិន។ ក្នុងចំណោមនោះ ការឃោសនា ផ្សាយពាណិជ្ជកម្មរបស់លោក<br />វេជ្ជបណ្ឌិត Wang Xuming ឱ្យដឹងថា “នឹងធ្វើឱ្យច្រមុះរបស់អ្នក មានរូបរាងកោងយ៉ាងស្រស់ស្អាត <br />និងប្រកបដោយសិល្បៈ ដូចតួ Eiffel” ។<br /><br />លោកវេជ្ជបណ្ឌិត Wang Xuming ថ្លែងថា គាត់បានធ្វើការវះកាត់កែច្រមុះរាប់សិបករណី ជារៀង<br />រាល់ខែ ៖ “យើងមិនកែច្រមុះ ប៉ុន្ដែយើងបង្កើតវាឡើងវិញ”។<br /><br /><strong>កែសម្ផស្ស ឬមួយជាការគ្មានការងារធ្វើ?</strong></p>
<p style="text-align: center;"><br /> <a class="thickbox" title="" href="/FileManager/Commons/2013/11/30/china2-30-11-2013--12-11-28.jpg"><img src="/FileManager/Articles/mce/2013/11/30/china2-30-11-2013--12-11-28.jpg" alt="" /></a><br /><em>និស្សិតរាប់ពាន់នាក់ ប្រជ្រាតគ្នា ស្វែងរកការងារ នៅក្នុងពិព័រណ៍ការងារមួយ ក្នុងក្រុង Shenyang</em><br /><em> នៃខែត្រ Liaoning ឆ្នាំ ២០១១ ។ រូប ៖ AFP</em></p>
<p><br />នៅក្នុងរយៈពេលមួយទសវត្សកន្លង បណ្ដាសកលវិទ្យាល័យនៅចិន បានពង្រីកសេវាកម្មរបស់ខ្លួន<br /> ទៅគ្រប់កន្លែង ហើយចំនួននិស្សិតក៏បានកើនឡើងទ្វេដង ប៉ុន្ដែ ចំនួនការងារការិយាល័យ ក្នុងក្រុង<br /> នៅតែដដែល ធ្វើឱ្យនិស្សិតបញ្ចប់ការសិក្សារាប់ម៉ឺននាក់ មិនមានការងារធ្វើ។ លទ្ធផលនៃការស្រាវ<br />ជ្រាវមួយ បង្ហាញថា និស្សិតប្រមាណជា ១០% ដែលបានបញ្ចប់ការសិក្សា មិនអាចរកបានការងារ<br />ធ្វើ ហើយតួលេខនេះ គឺខ្ពស់ជាងទ្វេដង ធៀបនិងភាពគ្មានការងារនៅទូទាំងប្រទេស។<br /><br />យោងតាមសមាគមន៍គ្រូពេទ្យកែសម្ផស្សអន្ដរជាតិ ប្រទេសចិន មានប្រជាជនទៅកែសម្ផស្សច្រើន<br />ជាងគេ លំដាប់ទីបីក្នុងពិភពលោក បន្ទាប់ពីអាមេរិក និងប្រហ្ស៊ីល។ ថង់ប្រាក់របស់វណ្ណៈកណ្ដាល<br />នៅចិន បានជួយឱ្យវិស័យកែសម្ផស្សនៃប្រទេសនេះ កើនឡើង ៤០% ជារៀងរាល់ឆ្នាំ នៅក្នុងបណ្ដា<br />ឆ្នាំចុងក្រោយនេះ។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/56320/life-of-girl-who-has-down-syndrome"><span style="color: #3366ff;">រឿងរ៉ាវស្នេហាដ៏មានសុភមង្គល របស់អ្នកជម្ងឺ down មួយគូ នៅហូឡង់</span></a></span></p>
<p><span style="color: #3366ff;"><a href="/News/Detail/39542/cosmetics-maven-jane-lauder-youngest-female-billionaire-in-america"><span style="color: #3366ff;">មហាសេដ្ឋីនី វ័យក្មេងបំផុត ប្រចាំអាមេរិក សម្រាប់ចុងឆ្នាំ ២០១៣</span></a></span></p>
<p><span style="color: #3366ff;"><a href="/News/Detail/16478/chinese-billionaires-are-worlds-youngest"><span style="color: #3366ff;">សេដ្ឋីចិន មានអាយុក្មេងជាងគេ នៅលើពិភលោក</span></a></span></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ AFP<br /><br /></p>