<p><span style="color: #000000;"><strong>(ភ្នំពេញ)៖</strong> បុរសជនជាតិចិនម្នាក់ស្រវឹងស្រាជោកជាំ បើករថយន្ត Lexus RX350 លឿនដូចព្យុះ ក៏ជ្រុលទៅបុកបង្គោលថ្មពេញទំហឹង បណ្ដាលឲ្យរថយន្តក្រឡាប់ផ្ងារជើងច្រង៉ាង ម្ចាស់រថយន្តរងរបួសស្រាល ដែលហេតុការណ៍នេះ បានកើតឡើងនៅយប់ថ្ងៃទី៣ ខែមីនា ឆ្នាំ២០១៧ ស្ថិតនៅតាមបណ្ដោយផ្លូវបេតុង ភូមិឫស្សី១ សង្កាត់ស្ទឹងមានជ័យ ខណ្ឌមានជ័យ។</span></p>
<p><span style="color: #000000;">តាមព័ត៌មានពីកន្លែងកើតហេតុ បានឲ្យដឹងថា មុនដំបូងគេឃើញបុរសជនជាតិម្នាក់ បើករថយន្ត Lexus RX350 ពណ៌ខ្មៅ ពាក់ស្លាកលេខ ភ្នំពេញ 2Q-1588 ទិសដៅពីត្បូងទៅជើងក្នុងល្បឿនលឿន ក្នុងស្ថានភាពស្រវឹងស្រាជោកជាំ ខណៈមកដល់ចំណុចកើតហេតុខាងលើ បានងោកមួយភាំង បណ្ដាលជ្រុលទៅបុកបង្គោលថ្មពេញទំហឹង លាន់ដូចរន្ទះ បណ្ដាលឲ្យរថយន្តក្រឡាប់ផ្ងារជើងច្រង៉ាង។ ម្ចាស់រថយន្តបានធាក់បំបែកកញ្ចក់រថយន្តលូនចេញមកក្រៅ ឃើញមានរងរបួសដៃម្ខាង ហើយគ្រវីក្បាលហួសចិត្តមិនគួរងោកសោះ។</span></p>
<p><span style="color: #000000;">ក្រោយកើតហេតុ កម្លាំងសមត្ថកិច្ចមូលដ្ឋាន បានចុះមកកន្លែងកើតហេតុភ្លាម ដោយមើលឃើញថា គ្រោះថ្នាក់នេះ មិនប៉ះពាល់ដល់សម្បត្តិសាធារណៈ និងមិនបានបង្កគ្រោះថ្នាក់ដល់អ្នកដទៃផងនោះ ទើបកម្លាំងសម្ថតកិច្ចបញ្ជាឲ្យស្ទួចរថយន្តយកទៅជួលជុលខ្លួនឯង៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F698220840349710%2F&show_text=0&width=730" frameborder="0" width="500" height="410"></iframe></span></p>
<p><span style="color: #000000;"><img src="http://image.freshnewsasia.com/2017/113/fn-2017-03-03-08-14-11-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-03-03-08-14-11-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-03-03-08-14-11-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-03-03-08-14-11-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-03-03-08-14-11-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-03-03-08-14-12-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-03-03-08-14-12-6.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>