<p><span style="color: #000000;"><strong>ភ្នំពេញ៖</strong> តារាសម្ដែងនិងតារាម៉ូដប្រចាំក្រុម Cambodia Super Model ដ៏ស្រស់សោភា កញ្ញា សោម ស្រីនាថ ជារឿយ ៗ នាងតែងតែបដិសេធន៍ រឿងរ៉ាវស្នេហាថា នាងមិនដែលគិតគូ ចង់មានស្នេហាឡើយ ព្រោះចង់យកពេលសន្សំភាព ល្បីល្បាញជាមុនសិន ស្របពេលនាងបានទទួលការងារយ៉ាងច្រើន ពីសិល្បៈរួមមានចម្រៀង សម្ដែង និងដើរម៉ូដ ។ ប៉ុន្តែថ្មីៗនេះ សោម ស្រីនាថ ស្រាប់តែមានពាក្យចចាម អារ៉ាមយ៉ាងរសើបថា នាងកំពុងធ្លាក់ក្នុងអន្លង់ស្នេហ៍និស្សិត ពេទ្យធ្មេញ ឬទន្តនិស្សិតម្នាក់ ។ </span><br /> <br /><span style="color: #000000;">ប្រភពដ៏កក់ក្ដៅនិងទុកចិត្តមួយបាននិយាយប្រាប់ LookingTODAY ថាតារាសម្ដែងស្រីដ៏ស្រស់សោភា សោម ស្រីនាថ បានកំពុងតែស្វែងយល់ចិត្តគ្នា ជាមួយនិស្សិតពេទ្យធ្មេញដ៏សង្ហា និងសម្បូរទ្រព្យមួយរូប រស់នៅរាជធានី ភ្នំពេញ ឈ្មោះធី ។ ជារឿយៗ គេតែងតែឃើញនាង បណ្ដើរគ្នាតែពីរនាក់ ឬច្រើនគ្នា តាមទីកំសាន្តនានា ជួនកាល មានចូល ខេធីវី ជាមួយគ្នាទៀតផង ។ បុរសដែលកំពុងតែព្យាយាម ស្ទូចយកបេះដូង តារាសម្ដែងរូបនេះ ហាក់មិន សូវប្រាកដប្រជាជាមួយនាងឡើយ ស្ថិតក្នុងលក្ខណៈកំពុងតែស្វែងយល់ចិត្តគ្នានៅឡើយ ។</span></p>
<p><span style="color: #000000;">តែបើក្រឡេកមើល ស្រីនាថ វិញ ហាក់ធ្លាក់ក្នុងអន្លង់ស្នេហ៍ និស្សិតរូបសង្ហានោះបាត់ទៅហើយ ព្រោះនាងញញឹមបិទ មាត់មិនជិតទេ ពេលនៅក្បែរប្រុសសង្ហា ម្នាក់នេះ ហើយមិនបានគិតថា បានជួបគ្នាដល់ថ្ងៃអនាគត ឬក៏អត់នោះទេ ។</span><br /><span style="color: #000000;">ដោយឡែក និស្សិតពេទ្យធ្មេញនោះវិញ ជាបុរសរាយមាយ សាវាមិនច្បាស់លាស់ឡើយ តែលោកអាចគិតគូ ជាមួយ ស្រីនាថ ឬយ៉ាងណា មិនទាន់អាចដឹងបាននៅឡើយទេ ។</span><br /> <br /><span style="color: #000000;">សោម ស្រីនាថ មិនទាន់អាចសុំការបំភ្លឺបានទេ ព្រោះនាងកំពុងជាប់រវល់ថត កម្មវិធីឲ្យទូរទស្សន៍កូរ៉េ «ខេប៊ីអេស» នៅក្នុងខេត្តសៀមរាប ជាមួយលោក អេឡិចហ្សូរ៉ា, កា បញ្ញាសិទ្ធ និង កញ្ញា ឌួង ហ្សូរីម៉ា ៕</span></p>
<p><span style="color: #000000;"><a class="thickbox" title="" href="/FileManager/Commons/2015/4/3/10-03-04-2015--16-43-17.jpg"><img src="/FileManager/Articles/mce/2015/4/3/10-03-04-2015--16-43-17.jpg" alt="" /></a></span></p>
<p><a class="thickbox" title="" href="/FileManager/Commons/2015/4/3/11-03-04-2015--16-43-26.jpg"><img src="/FileManager/Articles/mce/2015/4/3/11-03-04-2015--16-43-26.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/4/3/10-03-04-2015--16-43-17.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>