<p><strong>គ្រឿងផ្សំ</strong><br />-ជើងទា ៣ខាំកន្លះ<br />-ស្ករ ៣ស្លាបព្រាកាហ្វេ<br />-ប៊ីចេង ៣ស្លាបព្រាកាហ្វេ<br />-ម្សៅស៊ុប ២ស្លាបព្រាកាហ្វេ<br />-អំបិល ១ស្លាបព្រាកាហ្វេ<br />-ម្រេច កន្លះស្លាបព្រាកាហ្វេ<br />-ប្រេងខ្យង ៤ស្លាបព្រាបាយ<br />-ទឹកស៊ីអ៊ីវ ២ស្លាបព្រាបាយ<br />-ម្សៅឆា កន្លះខាំ<br />-ការ៉ុត ១មើម -ផ្សិតខ្មៅ ១ខាំ<br />-ខ្ទឹមស ១មើមចែកជា២<br />-ម្ទេសដៃនាង ទៅតាមតម្រូវការ<br />-ជីវ៉ាន់ស៊ុយ ៣ដើម<br />-ប្រេងឆា ១ស្លាបព្រាបាយ<br />-ទឹកស៊ុប ១វែកសម្ល<br />-ប្រេងល្ង ១ចឹប</p>
<p><a class="thickbox" title="" href="/FileManager/Commons/2013/5/23/rodded-duck-feet-23-05-2013--08-14-56.jpg"><img src="/FileManager/Articles/mce/2013/5/23/rodded-duck-feet-23-05-2013--08-14-56.jpg" alt="" /></a></p>
<p><strong>របៀបរៀបចំគ្រឿងផ្សំ</strong><br />-ជើងទាកាត់ក្រចកជើងចេញ ហើយលាងទឹកឱ្យស្អាត បន្ទាប់មក យកទៅប្រឡាក់ជាមួយ<br />គ្រឿងផ្សំ ដូចជាស្ករកន្លះស្លាបព្រាកាហ្វេ ប៊ីចេងកន្លះស្លាបព្រាកាហ្វេ ម្សៅស៊ុបកន្លះស្លាប<br />ព្រាកាហ្វេ ទឹកស៊ីអ៊ីវ១ស្លាបព្រាបាយ។<br />-ម្រេចបុកឱ្យម៉ដ្ឋ<br />-ការ៉ុតលាងទឹកឱ្យស្អាតចិតជាម៉ូតហើយហាន់បញ្ឆិតៗ<br />-ផ្សិតខ្មៅយកទៅត្រាំទឹក ហើយកាត់ជាពីរ បើសិនជាធំពេក<br />-ម្ទេស និងជីវ៉ាន់ស៊ុយ លាងទឹកឱ្យស្អាត<br />-ម្សៅឆាយកទៅលាយទឹក តែកុំឱ្យរាវពេក<br />-ខ្ទឹមសយកទៅចិញ្ច្រាំកុំឱ្យម៉ដ្ឋពេក <strong></strong></p>
<p><strong>វីធីធ្វើ</strong> <br />ដំបូង ត្រូវយកជើងទា ដែលប្រឡាក់រួច យកទៅបំពងជាមួយខ្លាញ់ឱ្យក្រៀម ល្មម ហើយ<br />យកទៅត្រាទឹកឱ្យរីកស្បែក។ បន្ទាប់មកទៀត ត្រូវយកទៅធ្វើជាផាក់ឡូវ ដោយជាដំបូង<br />ត្រូវដាក់ដាំទឹកឱ្យពុះដោយប្រើទឹក១លីត្រ។</p>
<p>បន្ទាប់មកទៀត ត្រូវដាក់ជើងទា ដែលត្រាំទឹកចូល រួចសឹមដាក់ប៊ីចេង១ស្លាបព្រាកាហ្វេ <br />ស្ករស ២ស្លាបព្រាកាហ្វេ ម្សៅស៊ុប កន្លះស្លាបព្រាកាហ្វេ អំបិល ១ស្លាបព្រាកាហ្វេ ប្រេង<br />ខ្យង ២ស្លាបព្រាបាយ ដោយត្រូវរម្ងាស់ ឱ្យផុយដោយប្រើរយៈពេល ២ម៉ោង។ បន្ទាប់ពី<br />ផុយហើយ ត្រូវស្រង់ជើងទា យកមក ឆាមួយសាទៀត ដោយជាដំបូងត្រូវដាក់ខ្ទះឱ្យក្ដៅ<br />ហើយដាក់ប្រេងឆា ១ស្លាបព្រាបាយ ចូលឱ្យក្ដៅ ហើយត្រូវដាក់ខ្ទឹមសចិញ្ច្រាំ១ស្លាបព្រា<br />បាយចូល បំពងឱ្យឡើងជើង អង្ក្រង។ បន្ទាប់មកទៀត ដាក់ជើងទាចូល ទុកបន្ដិច រួច<br />ហើយដាក់ការ៉ុត ផ្សិតខ្មៅ ប៊ីចេង១ស្លាបព្រាកាហ្វេ ម្សៅស៊ុប១ស្លាបព្រាកាហ្វេ ដាក់ម្រេច <br />ប្រេងខ្យង១ស្លាបព្រាបាយ និងដាក់ទឹកស៊ីអ៊ីវកន្លះស្លាបព្រាកាហ្វេ។</p>
<p>ចុងក្រោយ ត្រូវដាក់ទឹកស៊ុប កន្លះវែករម្ងាស់ឱ្យចូលជាតិ ប្រហែល១នាទីឱ្យរីងទឹកល្មម <br />ទើបដាក់ម្សៅឆា ដែលលាយជាមួយទឹកច្របល់ចូល ហើយដាក់ប្រេងល្ង១ ចឹប។ រួចដាក់<br />ឆ្នាំងឱ្យក្ដៅ រួចចាក់ជើងទា ចូលទៅក្នុងឆ្នាំង ដាក់ជីវ៉ាន់ស៊ុយ ម្ទេសចូលជាការស្រេច៕</p>
<p style="text-align: right;">ដោយ៖ វណ្ណៈ<br />ប្រភព៖ Cooking Cambodian</p>