<p><span style="color: #000000;"><strong>(ភ្នំពេញ)៖</strong> អធិការនគរបាលខណ្ឌពោធិសែនជ័យ លោក យឹម សារ៉ាន់ បានបញ្ជាក់ថា កម្លាំងរបស់លោក បានតាមចាប់ខ្លួន ក្រុមចោរលួចរថយន្តចំនួន៣នាក់ មានស្រីម្នាក់ ក្រោយពីពួកគេ បានចូលលួចរថយន្តមួយគ្រឿងម៉ាក Corolla ពណ៌ខ្មៅ សេរីឆ្នាំ៩៧ ស្លាកលេខភ្នំពេញ 2N- 5202 ស្ថិតនៅផ្ទះជនរងគ្រោះលេខ៤៩ ផ្លូវបេតុង ភូមិទួលពង្រ សង្កាត់ចោមចៅ នៅយប់ថ្ងៃទី២០ ខែធ្នូ ឆ្នាំ២០១៥។</span></p>
<p><span style="color: #000000;">លោក យឹម សារ៉ាន់ បានបញ្ជាក់ថា នៅវេលាម៉ោងប្រមាណ៩យប់មិញ ខណ:លោកកំពុងដឹកនាំកម្លាំងចុះល្បាត ស្រាប់តែមានជនរងគ្រោះឈ្មោះ សុង បញ្ញា អាយុ២៧ឆ្នាំ បានប្តឹងថា មានចោរលួចរថយន្តរបស់ខ្លួន។</span></p>
<p><span style="color: #000000;">ពេលនោះលោកអធិការ បានបញ្ជាទៅកម្លាំងនគរបាលជំនាញ សហការជាមួយនគរបាលតាម មូលដ្ឋានចេញពួនស្ទាក់ និងស្រាវជ្រាវ ស្រាប់តែនៅពាក់កណ្តាលអាធ្រាត្រ កម្លាំងនគរបាលបាន ប្រទះឃើញរថយន្តរបស់ជនរងគ្រោះ ស្ថិតនៅពីមុខហាងខារ៉ាអូខេ យីហោ Relax នៅតាមផ្លូវលេខ២០០៤ ភូមិតាងួន សង្កាត់កកាប។</span></p>
<p><span style="color: #000000;">ក្រោយប្រទះឃើញរថយន្តភ្លាម លោកអធិការ បានបញ្ជាឲ្យកម្លាំងនៅចាំទីនោះ ដើម្បីចេញមកវិញ ឃាត់ខ្លួន ហើយមួយសន្ទុះក្រោយមក ជនសង្ស័យ៣នាក់ ក៏ចេញពីហាង ក៏ត្រូវកម្លាំងចាប់ខ្លួនតែម្តង ។</span></p>
<p><span style="color: #000000;">សមត្ថកិច្ចបានបញ្ជាក់ថា ជនសង្ស័យទី១ ឈ្មោះ ធឿន វិបុល អាយុ២៧ឆ្នាំ មុខរបរជាអ្នកបើករថយន្ត នៅផែស្ងួតសុកនត្រេនស្ព័ត នៅភូមិត្រពាំងថ្លឹង សង្កាត់ចោមចៅ ទី២ ឈ្មោះ នន់ ផល្លី អាយុ២៨ឆ្នាំ មុខរបរជាងសំណង់ ស្នាក់នៅ ផ្ទះជួលសង្កាត់ទឹកថ្លា ខណ្ឌសែនសុខ និងទី៣ ឈ្មោះ លី រ័ត្ន អាយុ៣០ ឆ្នាំ មុខរបរនារីបម្រើខារ៉ាអូខេ ស្នាក់នៅភូមិព្រៃល្វា សង្កាត់កាកាប។</span></p>
<p><span style="color: #000000;">បច្ចុប្បន្ន ជនសង្ស័យទាំង៣នាក់ ត្រូវបានយកទៅសួរនាំនៅ អធិការដ្ឋាននគរបាល ខណ្ឌពោធិសែនជ័យ ដើម្បីកសាងសំណុំរឿង បញ្ជូនទៅកាន់តុលាការ ចាត់ការបន្តតាមនីតិវិធី៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/21/12-21-2015-12-21-05-pm-21-12-2015--12-28-19.png"><span style="color: #000000;"><img src="/FileManager/Articles/mce/2015/12/21/12-21-2015-12-21-05-pm-21-12-2015--12-28-19.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/12/21/12-21-2015-12-20-48-pm-21-12-2015--12-28-30.png"><span style="color: #000000;"><img src="/FileManager/Articles/mce/2015/12/21/12-21-2015-12-20-48-pm-21-12-2015--12-28-30.png" alt="" /></span></a></span></p>
<p><span style="color: #000000;"><span style="color: #000000;"><a class="thickbox" title="" href="/FileManager/Commons/2015/12/21/12-21-2015-12-20-33-pm-21-12-2015--12-28-41.png"><img src="/FileManager/Articles/mce/2015/12/21/12-21-2015-12-20-33-pm-21-12-2015--12-28-41.png" alt="" /></a></span></span></p>
<p><object width="500" height="300" data="http://www.youtube.com/v/yjULcUdD88w&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/yjULcUdD88w&rel=1" /></object></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្រ្វេសញ៉ូវអាស៊ី</span></p>