<p><span style="font-size: 12px; color: #000000;">អ្នកមុជទឹក មកពីទីក្រុង Yorkshire ចក្រភពអង់គ្លេស ដែលជួយក្មេងទាំង ១២ ដែលជាប់នៅក្នុងរូងភ្នំ ឱ្យមកដល់ទីទួលសុវត្ថិភាព បានទទួលការកោតសរសើរ ចំពោះការងារជួយសង្រ្គោះដ៏ក្លាហានរបស់គាត់។</span></p>
<p><span style="color: #000000;">លោក Jason Mallinsom គឺជាអ្នកមុជទឹកម្នាក់ ក្នុងចំណោមក្រុមអ្នកមុជទឹក ដែលបានដើរក្នុងដំណើរផ្លូវយ៉ាងលំបាករយៈពេល ១១ ម៉ោងទៅនិងមក ក្នុងរូងភ្នំដ៏ឆ្ងាយ។</span></p>
<p><span style="color: #000000;"><a class="thickbox" title="" href="/FileManager/Commons/2018/7/11/24-11-07-2018--11-36-37.PNG"><img src="/FileManager/Articles/mce/2018/7/11/24-11-07-2018--11-36-37.PNG" alt="" /></a><br /></span></p>
<p><span style="color: #000000;">ប្រតិបត្ដិការជួយសង្រ្គោះនេះ បានធ្វើឱ្យពិភពលោកចាប់អារម្មណ៍ និងកោតសរសើរចំពោះអ្នកជំនាញមុជទឹក ៩០ នាក់មកពីជុំវិញពិភពលោក និងបុគ្គលិកជួយសង្រ្គោះ រាប់រយនាក់ផ្សេងទៀត។ នៅចុងបញ្ចប់ ប្រតិបត្ដិការជួយសង្រ្គោះនេះ បានសម្រេចជោគជ័យយ៉ាងល្បីខ្ទខ្ទា ដោយសារតែកីឡាបាត់ទាត់វ័យក្មេងទាំង១២ នាក់ និងគ្រូបង្វឹករបស់ពួកគេ ត្រូវបានជួយសង្រ្គោះឱ្យផុតក្រញាំមច្ចុរាជបានយ៉ាងជោគជ័យ។</span></p>
<p><span style="color: #000000;"><a class="thickbox" title="" href="/FileManager/Commons/2018/7/11/25-11-07-2018--11-36-45.PNG"><img src="/FileManager/Articles/mce/2018/7/11/25-11-07-2018--11-36-45.PNG" alt="" /></a><br /></span></p>
<p><span style="color: #000000;">លោក Mallinson បានចូលរួម ក្នុងការមុជទឹកទាំង ៣ ដង ដែលអាចនាំយកក្មេងប្រុសទាំងនោះមកទីទួលសុវត្ថិភាព។ នៅក្នុងរបាយការណ៍មួយ ឪពុកម្ដាយរបស់លោក Mallinson វ័យ ៥០ ឆ្នាំគឺលោក Ray និងអ្នកស្រី Anne Mallinson បាននិយាយថា៖”ពួកយើងពិតជាមានមោទនភាពខ្លាំងណាស់ចំពោះ Jason។ កូនប្រុសរបស់យើង បានធ្វើដំណើរចាកចេញទៅ ជាមួយនឹងឧបករណ៍ជួយសង្រ្គោះទម្ងន់កន្លះតោន។ យើងដឹងថា Jason គឺជាអ្នកជំនាញមុជទឹកម្នាក់ ក្នុងចំណោមអ្នកជំនាញមុជទឹកឈានមុខ ៤ នាក់ទៀត ដែលបាននាំក្មេងទាំងនោះមកខាងក្រៅរូងភ្នំ។ ពួកគេស្គាល់គ្នាច្បាស់ណាស់។ គ្រួសារយើង ពិតជាមានមោទនភាពចំពោះគាត់ខ្លាំងណាស់”។</span></p>
<p><span style="color: #000000;"><a class="thickbox" title="" href="/FileManager/Commons/2018/7/11/26-11-07-2018--11-36-56.PNG"><img src="/FileManager/Articles/mce/2018/7/11/26-11-07-2018--11-36-56.PNG" alt="" /></a><br /></span></p>
<p style="text-align: left;"><span style="color: #000000;">ការមុជទឹក ដែល លោក Mallinson និងអ្នកជំនាញមុជទឹកផ្សេងទៀត បានបំពេញ គឺជាការមុជទឹក ដែលប្រថុយគ្រោះថ្នាក់ខ្ពស់បំផុត ជាក់ស្ដែងអ្នកមុជទឹកជនជាតិថៃលោក Saman Funan បានស្លាប់បាត់បង់ជីវិត នៅពេលដែលលោក អស់ខ្យល់អុកស៊ីហ្សែន កាលពីថ្ងៃសុក្រ ៕</span></p>
<p style="text-align: left;"><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/7/11/mekongnet-11-07-2018--11-37-04.PNG" alt="" /></a><br /></span></p>
<p style="text-align: right;"><span style="font-size: 12px; text-align: right; color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ metro.co.uk</span></p>