<div>
<p><span style="color: #000000;"><strong>(ក្រុងគៀវ)៖</strong> កីឡាករខ្សែប្រយុទ្ធ Alex Teixeira បានព្រមព្រៀងផ្លាស់ទៅលេងឲ្យក្លឹប Jiangsu Suning របស់ចិនផ្លូវការហើយ ក្រោមតម្លៃខ្លួន ៣៨.៤ លានផោន ជាមួយក្លឹប Shakhtar Donetsk របស់អ៊ុយក្រែន ធ្វើឲ្យក្លឹបនៅអង់គ្លេស Liverpool បន្តខកចិត្ត ដែលដំបូងឡើយក្រុមហង្ស ក្រហមបានដាក់សំណើទិញមុនគេ ។</span></p>
<p><span style="color: #000000;">សារព័ត៌មាន BBC បានផ្សាយថា កីឡាករខ្សែបម្រើប្រយុទ្ធក្នុងក្រុមជម្រើសជាតិប្រេស៊ីលខាងលើ បានចូលរួមលេងជា មួយអតីតកីឡាករ Chelsea, Ramires ក្នុងក្របខណ្ឌកំពូល Chinese Super League របស់ចិនដែរហើយ និងអតីតខ្សែប្រយុទ្ធរបស់ក្លឹប Atletico Madrid, Jackson Martinez ដែលទើបតែផ្លាស់ទៅក្នុងរដូវកាលនេះដូចគ្នា ។</span></p>
<p><span style="color: #000000;">សូមបញ្ជាក់ថា តម្លៃនៃការផ្ទេរកីឡាករវ័យ២៦ឆ្នាំ Alex Terxeira នេះ គឺថ្លៃជាងគេបំផុតនៅក្នុងលីករបស់ចិន គ្រាដែល Martinez មានត្រឹមតែ ៣១លានផោនប៉ុណ្ណោះ ដែលបញ្ចប់ការផ្ទេរកាលពីដើមសប្តាហ៍នេះ បន្ទាប់ពីច្រើនចោលសំណើ របស់ Liverpool ដែលហ៊ានឲ្យថ្លៃតែ២៤ លានផោនប៉ុណ្ណោះ ។</span></p>
<p><span style="color: #000000;">Teixeira ជាតារាជើងស៊ុត១រូបនៅក្នុងក្លឹប Shakhtar Donetsk ដែលស៊ុតបញ្ចូលទីបាន២២គ្រាប់ ពីការចូលលងបាន ១៥ប្រកួត និងស៊ុតបាន៤ គ្រាប់ផងដែរ នៅក្នុង Champions League ក្នុងរដូវកាលឆ្នាំ២០១៥-២០១៦ នេះ ៕</span></p>
<p style="text-align: center;"><span style="color: #000000;"><img src="http://i3.mirror.co.uk/incoming/article7240365.ece/ALTERNATES/s1200/Alex-Teixeira-controls-the-ball.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/02/03/23/30DA936E00000578-3430862-image-a-11_1454543061538.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>