<div class="article-content">
<p><strong>ពោធិ៍សាត់៖</strong> ជនសង្ស័យរំលោភ សេពសន្ថវៈម្នាក់ ត្រូវបាននគរបាល ស្រុកបាកាន ឃាត់ខ្លួន តាមពាក្យ បណ្តឹងនារីរងគ្រោះ កាលពីថ្ងៃទី២៧ ខែវិច្ឆិកា ឆ្នាំ២០១៣ ខណៈដែលជនសង្ស័យ រូបនេះ បានឲ្យលុយនារី រងគ្រោះ ចំនួន១ម៉ឺនរៀល ហើយល្បូងលួងលោម យកទៅរំលោភ នៅឯវាលស្រែ ក្រោមដើមឈើ ខាងកើតផ្ទះ ចម្ងាយជាង ១០០ ម៉ែត្របានសម្រេច ។</p>
<p>មន្រ្តីនគរបាល មូលដ្ឋានបានឲ្យដឹងថា ជនសង្ស័យ ដែលសមត្ថកិច្ចឃាត់ខ្លួន បានតាមពាក្យបណ្តឹង របស់នារីរងគ្រោះនោះ មានឈ្មោះ ក្រឹង ភារម្យ ភេទប្រុស អាយុ២១ឆ្នាំ រស់នៅភូមិរោងតាកុក ឃុំរំលេច ស្រុកបាកាន ខេត្តពោធិ៍សាត់ ។ ចំណែក នារីរងគ្រោះមានឈ្មោះ ខ.ស ភេទស្រី អាយុ២៥ឆ្នាំ រស់នៅភូមិ ជាមួយគ្នា ។</p>
<p>តាមចម្លើយសារភាព របស់ជនសង្ស័យ បានប្រាប់សមត្ថកិច្ចថា នៅថ្ងៃកើតហេតុ ខ្លួនគេពិតជាបាន ឲ្យលុយចំនួន ១ម៉ឺនរៀល ទៅនារីរងគ្រោះ ពិតប្រាដកមែន ក្នុងគោលបំណងល្បូងលួង លោមនារីនោះ ដើម្បីយកទៅរំលោភ ។ ពេលនោះនារីរងគ្រោះ ក៏បានយល់ព្រម ហើយបានដើរទៅខាងកើតផ្ទះ ចម្ងាយ ជាង ១០០ម៉ែត្រជាមួយខ្លួន ដើម្បីរកកន្លែងស្ងាត់ ហើយក៏រំលោភ រហូតដល់បានសម្រេចតែម្តង បន្ទាប់ ពីបានរំលោភ រួចហើយ ស្រាប់តែជនរងគ្រោះទៅប្តឹងនគរបាល ឲ្យចាប់ខ្លួនគេតែម្តង ។</p>
<p>បច្ចុប្បន្នជនសង្ស័យ ត្រូវបានឃុំខ្លួន បណ្តោះអាសន្ន នៅអធិការដ្ឋាន នគរបាលស្រុកបាកាន ដើម្បីកសាងសំណុំរឿងបញ្ជូន ទៅសាលាដំបូង ចាត់ការតាមច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-011/Hong-0562.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>