<p style="text-align: left;">សិទ្ធិមនុស្ស និងលទ្ធិប្រជាធិបតេយ្យនៅកម្ពុជា កើតចេញពីថ្ងៃ៧មករា នេះគឺជាការអះអាង<br />របស់ប្រមុខដឹកនាំគណបក្សប្រជាជនកម្ពុជា ដែលបានប្រកាសក្នុងមីទ្ទិញរំឭកខួបលើកទី៣៤<br /> នៃទិវាជ័យជម្នះថ្ងៃ៧មករា។ <br /> <br /> ប្រធានកិត្តិយសនៃគណបក្សប្រជាជនកម្ពុជា និងជាប្រធានរដ្ឋសភានៃព្រះរាជាណាចក្រកម្ពុជា<br />សម្តេចអគ្គមហា ពញាចក្រី ហេង សំរិន បានបន្ថែមថា គណបក្សប្រជាជនកម្ពុជា បន្តជំរុញ<br />រាល់សកម្មភាពដើម្បីការពារ លើកកម្ពស់លទ្ធិប្រជាធិបតេយ្យ និងការគោរពសិទ្ធិមនុស្សនៅឱ្យ<br />កាន់តែប្រសើរ ឡើងជានិច្ច។</p>
<p style="text-align: center;"><br /><img style="display: block; margin-left: auto; margin-right: auto;" src="http://111.92.240.170:81/dap-news/dap-images/2013/January/id-011/Hong-0057.jpg" alt="Photo by DAP-NEWS" width="400" /><br />រូបថត DAP</p>
<p style="text-align: left;"><br /> សម្តេច ហេង សំរិន បានគូសបញ្ជាក់ថា "ជ័យជម្នះ៧មករា បាននាំមកនូវសិទ្ធិជាសារវន្តបំផុត<br />របស់មនុស្សមកជូនប្រជាជន គឺសិទ្ធិមានជីវិតរស់នៅ ហើយផ្តើមចេញពីសិទ្ធិជាសារវន្តនេះហើយ<br /> ដែលមានសិទ្ធិទទួលបានចំណីអាហារ ទទួលបានការអប់រំ ទទួលបានការព្យាបាល សិទ្ធិបញ្ចេញ<br />មតិ សិទ្ធិបង្កើតគណបក្ស បង្កើតអង្គការ និងសមាគមនានា៘ ហេតុនេះ អ្នកនយោបាយ ក៏<br />ដូចមជ្ឈដ្ឋានទាំងឡាយ គប្បីមើលឱ្យឃើញការពិតនៃការរីកចម្រើន លើកទឹកចិត្តចំពោះលទ្ធផល<br />នៃដំណើរការនេះនៅកម្ពុជា ផ្តល់មតិយោបល់ប្រកបដោយស្មារតីស្ថាបនាពិតប្រាកដ ហើយមិន<br />ត្រូវប្រមាថចំពោះអធិបតេយ្យរបស់កម្ពុជា និងតម្លៃដ៏ខ្ពង់ខ្ពស់នៃការប្រឹងប្រែងរបស់រាជរដ្ឋាភិបាល<br /> ដែលបានកើតចេញពីឆន្ទៈរបស់ប្រជាជនតាមរយៈការបោះឆ្នោតនោះឡើយ"។<br /><br />សូមរំលឹកថា ជ័យជំនះថ្ងៃ ៧មករា ត្រូវបានគណបក្សប្រជាជនកម្ពុជា ចាត់ទុកថាជា "ថ្ងៃកំណើរ<br />ទីពីរ" នៃប្រជាជនខ្មែរ ដោយគណបក្សប្រជាជនកម្ពុជា (កាលណោះជា <span class="st">រណសិរ្សរំដោះជាតិ</span>) បាន<br />ទទួលជោគជ័យក្នុងការរំដោះប្រជាជនចេញពីសេចក្ដីស្លាប់ ក្នុងរបប "វាលពិឃាដ" ដោយមានការ<br />ចូលរួមរបស់កងទ័ពវៀតណាម៕</p>
<p> </p>
<p style="text-align: right;">ដោយ ៖ សីហា<br /><br /></p>
<p> </p>
<p> </p>