<p>ឆ្លើយតបបទសម្ភាសន៍ ជាមួយនឹងទស្សនាវត្តី Forbes (អាមេរិច) អ្នកអភិវឌ្ឍន៍ហ្គេមឯកជន លោក Nguyen Ha Dong (ជនជាតិវៀតណាម) បានឲ្យដឹងថា រូបលោកសម្រេចចិត្តទម្លាក់ បិទហ្គេម Flappy Bird ចេញពី App Store របស់ Android និង iOS ក្នុងពេលដែលវាកំពុងតែស្ថិតនៅលើ ចំនុចកំពូល នៃការពេញនិយមនោះ គឺដោយសារតែ មើលឃើញពីភាពអន្តរាយ នៃការញៀន ជាមួយនឹងហ្គេមនេះ។</p>
<p style="text-align: center;"><a class="thickbox" title="" href="/FileManager/Commons/2014/2/12/948203-12-02-2014--09-51-02.jpg"><img src="/FileManager/Articles/mce/2014/2/12/948203-12-02-2014--09-51-02.jpg" alt="" /></a></p>
<p style="text-align: center;"><em><span style="color: #808080;">អ្នកអភិវឌ្ឍន៍ហ្គេម Nguyen Ha Dong សម្រេចចិត្តបិទហ្គេម ដោយសារតែវា បង្កការញៀនខ្លាំង</span></em></p>
<p>ផ្ទុយពីព័ត៌មានចចាមអារាមមួយចំនួន កាលពីពេលមុន ដែលបានឲ្យដឹងថា Nguyen Ha Dong បិទទម្លាក់ហ្គេម Flappy Bird គឺដោយសារតែទទួលសំពាធខ្លាំង ស្តីពីច្បាប់កម្មសិទ្ធិបញ្ញា ឬការជាប់ ពន្ធ... Nguyen Ha Dong បានប្រាប់ពីមូលហេតុពិតប្រាកដ គឺដោយសារតែ វានាំឲ្យអ្នកលេង ញៀនខ្លាំង។</p>
<p>"Flappy Bird បានបង្កើតឡើង គឺដើម្បីលេងកម្សាន្ត ប៉ុន្មាននាទី ឲ្យសប្បាយរីករាយ ប៉ុណ្ណោះ", Nguyen Ha Dong បានចែករំលែកជាមួយបុគ្គលិកទស្សនាវត្តី Forbes នៅសណ្ឋាគារមួយ ឯ ទីក្រុងហាណូយ ប្រទេសវៀតណាម កាលពីថ្ងៃទី ១១ ខែកុម្ភះ ម្សិលមិញនេះ។ Ha Dong បាន ឲ្យដឹងបន្ថែមៈ "ប៉ុន្តែវាបានក្លាយទៅជា ហ្គេមដែលអ្នកលេង ញៀនខ្លាំង។ ខ្ញុំគិតថា វាបានក្លាយ ទៅជាមានបញ្ហាហើយ។ ដើម្បីដោះស្រាយបញ្ហានេះ ល្អបំផុតគឺ ទម្លាក់ Flappy Bird ចេញពី Application Store "។</p>
<p>នេះគឺជាហេតុផលដែលគួរឲ្យភ្ញាក់ផ្អើលមួយ ដោយហេតុថា បើសិនជាហ្គេមនោះ មិនបង្កឲ្យមាន ការញៀនលេងទេ (បង្កើតហ្គេម គឺដើម្បីធ្វើឲ្យអ្នកលេងញៀន លេងច្រើន មានភាពពេញនិយម គឺជាអ្វីដែលអ្នកអភិវឌ្ឍន៍ហ្គេមរូបណា ក៏ចង់បាន) នោះ Flappy Bird ក៏មិនអាចទទួលបាន ជោគ ជ័យ ដូច្នេះដែរ។</p>
<p><a class="thickbox" title="" href="/FileManager/Commons/2014/2/12/948109jpg-12-02-2014--09-51-15.png"><img src="/FileManager/Articles/mce/2014/2/12/948109jpg-12-02-2014--09-51-15.png" alt="" /></a></p>
<p>ជាក់ស្តែង តាមរយះសារជាច្រើន ដែលបាន ចែករំលែកនៅលើ បណ្តាញទំនាក់ទំនង សង្គម Twitter លោក Ha Dong តែងតែដាស់តឿនឲ្យអ្នកលេង ត្រូវចេះគិតគូរពីសុខភាពខ្លួនឯង លេងក្នុង ពេលវេលាសមល្មម មួយបានហើយ កុំលេងរហូតដល់ មិនធ្វើអ្វីទាំងអស់ ធ្លាក់ខ្លួនឈឺ ថែមទៀត។</p>
<p>Flappy Bird ជាហ្គេមមួយ បានបង្កឲ្យមានការចាប់អារម្មណ៍យ៉ាងខ្លាំង ទូទាំងពិភពលោក ដោយ បានក្លាយទៅជាហ្គេម ឈរនៅលំដាប់កំពូលទាំងក្នុង App Store របស់ iOS និង Google Play របស់ Android ក្នុងរយះពេល កន្លងមកនេះ រហូតដល់ពេលដែលលោក Ha Dong សម្រេចចិត្ត ទម្លាក់ហ្គេមនេះចេញ Application Store កាលពីដើមសប្តាហ៍នេះ៕</p>
<p><strong>ព័ត៌មានគួរឲ្យចាប់អារម្មណ៍ មួយចំនួនទៀត៖</strong></p>
<p><a href="http://www.camnews.com.kh/News/Detail/45681/samsung-unveiled-the-galaxy-s5-features-through-the-new-interface"><span style="color: #0000ff;">- Samsung បង្ហើបឲ្យដឹងពី Feature ថ្មីរបស់ Galaxy S5 តាមរយះ interface ថ្មី</span></a><strong></strong><a href="http://www.camnews.com.kh/News/Detail/74283/bill-gates-do-not-call-me-who-had-dropped-out-of-school"><span style="color: #0000ff;"><br />- Bill Gates: "សូមកុំហៅខ្ញុំ ថាជាអ្នក បានបោះបង់ការសិក្សា"</span></a><br /><a href="http://www.camnews.com.kh/News/Detail/45837/samsung-launched-3-sim-smartphone-running-android-41"><span style="color: #0000ff;">- មិនឲ្យចាញ់ LG ក្រុមហ៊ុន Samsung បង្ហាញណែនាំស្មាតហ្វូន ប្រើស៊ីមបី, Android 4.1</span></a><br /><br style="color: #0000ff;" /></p>
<p style="text-align: right;">ប្រែសម្រួល៖ សិលា<br />ប្រភព៖ vreview</p>