<p><strong>នំពេញៈ</strong>សម្រាប់នារីគ្រប់រូប ពិតជាចង់ឃើញ និងចង់បានខ្លាំងណាស់ ការបង្ហាញក្តីស្រឡាញ់ បែបមនោសញ្ចេតនាជ្រាលជ្រៅ ពីបុរសដែលខ្លួនស្រឡាញ់ ។ ជាក់ស្ដែងថ្មីៗនេះតារាស្រី កញ្ញា ប៊ីរីយ៉ា បានធ្វើឲ្យអ្នកគាំទ្រ និងនារីៗជាច្រើនទៀតកើតសេចក្ដី ច្រណែននាងមិនតិចទេ ក្រោយពីនាងបង្ហាញពីភាពផ្អែមល្ហែម ខណៈមានបុរសសង្ហាវ័យក្មេងម្នាក់ បាន យកបាច់ផ្កាជូននាងដោយលត់ជង្គង់ ពោលពេញ ដោយក្តីស្រឡាញ់ ប្រៀបដូចជាគូស្នេហ៍ថ្មីថ្មោង យ៉ាងដូច្នេះ ។</p>
<p>ស្ថិតនៅក្នុងរ៉ូបខ្លី ត្រឹមជង្គង់ពណ៌ស្វាយ តែងខ្លួនបែបជានារីសម័យថ្មី កញ្ញា ប៊ីរីយ៉ា ត្រូវបានបុរសប្លែកមុខម្នាក់មានរូបរាងសង្ហា បានកាន់បាច់ផ្កាពណ៌ស្វាយ មកជូនដល់នាង ដោយការបង្ហាញពីភក្តីស្នេហ៍ស្មោះ។ បុរសរូបនោះ បានលត់ជង្គង់ជូនផ្កានាង ទាំងទឹកមុខញញឹមញញែម បិទមាត់មិនជិតទាល់តែសោះ ។ ជាការពិតណាស់កាយវិកាបែបនេះ កម្រមានណាស់សម្រាប់ជីវិតពិត គឺភាគច្រើនមានតែ នៅក្នុងការសម្តែងរឿង តែប៉ុណ្ណោះ ។</p>
<p>បើទោះជាមានការបង្ហាញ ជាសាធារណៈ នៃរូបភាពបែបនេះក្តីក៏មាន ទស្សនិកជនមួយចំនួន បានបញ្ចេញមតិ លើកឡើង ស្រដៀងៗគ្នាថា បុរសម្នាក់នោះ អាចជាគូស្នេហ៍ថ្មី របស់ ប៊ីរីយ៉ា ហើយ មើលទៅ បានជាហ៊ានសម្ញែងភាព ផ្អែមល្ហែមជាមួយគ្នាបែបនេះ ក្រោយពីមានព័ត៌មានលេចឮថា នាងនិងគូស្នេហ៍ កំពុងតែជួបភាពរង្គោះរង្គើ ជាមួយគ្នា ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-065/PISETH-0286.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-065/PISETH-0287.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-065/PISETH-0288.jpg" alt="" width="600" /></p>
<p style="text-align: right;"><a href="http://www.lookingtoday.com/index.php/entertainment-general-news/28914-2014-03-27-08-50-47.html" target="_blank">ផ្តល់សិទ្ធដោយ ៖ ដើមអម្ពិល</a></p>