<p>ក្នុងព្រឹត្តិការណ៍ពិព័រណ៍ CEATEC ដែលត្រូវបានរៀបចំឡើងនៅប្រទេសជប៉ុន ក្រុមហ៊ុន Toshiba បានឧទ្ទេសនាមនូវមនុស្សយន្ដដ៏ស្រស់ស្អាតមួយ មានឈ្មោះថា Aiko Chihira មានសមត្ថភាពទំនាក់ទំនងដោយប្រើភាសាកាយវិការរបស់មនុស្ស។</p>
<p style="text-align: center;"><a class="thickbox" title="" href="/FileManager/Commons/2014/10/10/rob4-10-10-2014--19-13-19.jpg"><img src="/FileManager/Articles/mce/2014/10/10/rob4-10-10-2014--19-13-19.jpg" alt="" /></a></p>
<p>ក្រុមហ៊ុន Toshiba ឱ្យដឹងថា ក្នុងអនាគត Chihira មិនត្រឹមតែអាចជំនួសអ្នកទទួលភ្ញៀវប៉ុណ្ណោះទេ តែក៏អាចទទួលភារកិច្ចថែទាំសុខភាពផងដែរ។ នារីជាមនុស្សយន្ដរបស់ Toshiba មានលក្ខណៈ<br />រស់រវើក ដូចមនុស្សពិត ទាំងកាយវិការ និងទាំងស្បែកដែលធ្វើអំពីស៊ីលីកុន។</p>
<p>Hitoshi Tokuda អ្នកគ្រប់គ្រងផ្នែកទីផ្សាររបស់មនុស្សយន្ដនេះ ថ្លែងថា ផ្នែករឹងរបស់ Chihira ត្រូវ<br />បានផ្គត់ផ្គង់ដោយក្រុមហ៊ុន aLab Inc និងសកលវិទ្យាល័យ Osaka។ ចំណែក Toshiba វិញ គឺជា<br />អ្នកអភិវឌ្ឍផ្នែកសូបវែរ ដែលបញ្ជាទៅលើដៃទាំងស្រុងរបស់មនុស្សយន្ដនេះ។</p>
<p style="text-align: center;"><a class="thickbox" title="" href="/FileManager/Commons/2014/10/10/rob3-10-10-2014--19-05-43.jpg"><img src="/FileManager/Articles/mce/2014/10/10/rob3-10-10-2014--19-05-43.jpg" alt="" /></a></p>
<p>គោលដៅចម្បងរបស់ Toshiba គឺផ្ដល់ភាពងាយស្រួលក្នុងវិស័យថែទាំសុខភាព និងថែទាំអតិថិ<br />ជន។ Tokuda បញ្ជាក់ថា ពួកគេសង្ឃឹមថា ក្រុមហ៊ុននានានឹងយកចិត្តទុកដាក់ចំពោះ Chihira ហើយជួលនាងសម្រាប់បម្រើការនៅក្នុងព្រឹត្តិការណ៍ផ្សេងៗ ឬសម្រាប់ផ្នែកថែទាំអតិថិជន។</p>
<p style="text-align: center;"><a class="thickbox" title="" href="/FileManager/Commons/2014/10/10/rob5-10-10-2014--19-10-02.jpg"><img src="/FileManager/Articles/mce/2014/10/10/rob5-10-10-2014--19-10-02.jpg" alt="" /></a></p>
<p>បច្ចុប្បន្ន Toshiba កំពុងតែអភិវឌ្ឍប្រព័ន្ធឧបករណ៍បង្កើតសូបវែរ (kit) មួយ សម្រាប់ភាគីទីបី ដើម្បីឱ្យពួកគេអាចបង្កើតកម្មវិធីនានាសម្រាប់ Chihira ។ Toshiba សង្ឃឹមថា រហូតដល់ព្រឹត្តិការណ៍<br />កីឡាអូឡាំពិករដូវក្តៅឆ្នាំ២០២០ នៅក្រុង Tokyo មនុស្សយន្ដ Chihira នឹងត្រូវបានអភិវឌ្ឍគ្រប់គ្រាន់<br /> អាចដើរតួជាមគ្គុទេសក៍ម្នាក់ សម្រាប់ណែនាំដល់ភ្ញៀវបរទេស៕</p>
<p><object style="display: block; margin-left: auto; margin-right: auto;" width="478" height="410" data="http://www.youtube.com/v/9Fmkrsc7ddw&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/9Fmkrsc7ddw&rel=1" /></object></p>
<p><object style="display: block; margin-left: auto; margin-right: auto;" width="479" height="410" data="http://www.youtube.com/v/qSUASl-iBTw#t=18&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/qSUASl-iBTw#t=18&rel=1" /></object></p>
<p> </p>
<p style="text-align: right;">ប្រែសម្រួលដោយ ៖ តារា<br />ប្រភព ៖ pcworld/youtube</p>