<div class="article-content">
<p><strong>ភ្នំពេញ៖</strong> ជំនួបចរចារវាងសម្តេចតេជោ ហ៊ុន សែន អនុប្រធានគណបក្សប្រជាជនកម្ពុជា និងលោក<br /> សម រង្ស៊ី ប្រធានគណបក្សសង្រ្គោះជាតិ បានសម្រេចនូវផ្លែផ្កាល្អប្រសើរ ដោយព្រមព្រៀងគ្នាលើ<br />លក្ខខណ្ឌជាច្រើន តែមិនទាន់បង្ហាញពីគំនិតរូបគ្នាចូលប្រជុំសភាលើកដំបូង តាមការកោះអញ្ជើញ<br />របស់ព្រះមហាក្សត្រ នាថ្ងៃទី២៣ ខែកញ្ញា នៅឡើយទេ។ នេះបើតាមលោក ប្រាក់ សុខុន មន្ត្រីជាន់<br />ខ្ពស់គណបក្សប្រជាជន កម្ពុជា និងជាអ្នកនាំពាក្យ នៃកិច្ចប្រជុំ។</p>
<p>លោក ប្រាក់ សុខុន នៅក្រោយជំនួបចរចាបានថ្លែងប្រាប់ទៅកាន់ក្រុមអ្នកសារព័ត៌មានថា ជំនួបចរចា<br />នេះ បាន ប្រព្រឹត្តទៅក្រោមបរិយាកាសល្អប្រសើរ ដោយឈរលើស្មារតីរួបរួមរវាងខ្មែរ និងខ្មែរ។</p>
<p>លោកបានបន្តថា ភាគីទាំងពីរបានព្រមព្រៀងដង្ហែតាមព្រះរាជតម្រិះរបស់ព្រះមហាក្សត្រ ដែលបាន<br />ចេញមកអំពាវ នាវនាថ្ងៃនេះ ឲ្យបន្តរក្សានូវស្ងៀមស្ងាត់ និងបញ្ចៀសឲ្យបានរាល់អំពើហិង្សានានា។</p>
<p>បើតាមលោក ប្រាក់ សុខុន នៅក្នុងកិច្ចប្រជុំនោះ ភាគីទាំងពីរព្រមព្រៀងគ្នា បង្កើតយន្តការធ្វើកំណែ<br />ទម្រង់គណៈ កម្មាធិការជាតិរៀបចំការបោះឆ្នោត (គ.ជ.ប)។</p>
<p>លោកប្រាក់ សុខុន បន្តបញ្ជាក់ថា គណបក្សប្រជាជនកម្ពុជា នៅតែរក្សាជំហរចូលប្រជុំសភាលើក<br />ដំបូង តាមការ កោះអញ្ជើញរបស់ព្រះមហាក្សត្រនៅថ្ងៃទី២៣ ខែកញ្ញា ទោះបីគណបក្សសង្រ្គោះ<br />ជាតិពហិការក៏ដោយ។</p>
<p>ដោយឡែកសម្រាប់លោក យឹម សុវណ្ណ មន្រ្តីគណបក្សសង្រ្គោះជាតិវិញ បានថ្លែងថា គណៈបក្ស<br />សង្រ្គោះជាតិ ក្នុង កិច្ចពិភាក្សានេះ នៅតែទាមទារឲ្យបង្កើតគណៈកម្មការឯករាជ្យមួយ ដើម្បីពិនិត្យ<br />ភាពមិនប្រក្រតីក្នុងពេលបោះឆ្នោត ។</p>
<p>ឆ្លើយបតបញ្ហាលោក ប្រាក់ សុខុន បានបញ្ជាក់ថា គណបក្សប្រជាជនកម្ពុជា នៅតែទទួលយកលទ្ធ<br />ផលឆ្នោត បប្រកាសដោយ គ.ជ.ប ហើយមិនអាចធ្វើអ្វីត្រឡប់ថយក្រោយបាននោះទេ គឺអនុវត្តន៍<br />តាមផ្លូវច្បាប់ ដែលមាន គ.ជ. ប និងក្រុមប្រឹក្សាធម្មនុញ្ញ ជាអ្នកដោះស្រាយលើបញ្ហានេះ។</p>
<p>ទោះបីជាយ៉ាងណា ទាំងលោក ប្រាក់ សុខុន និងលោក យឹម សុវណ្ណ បានបង្ហាញជំហររួមគ្នាថា ភាគី<br />ទាំងពីរនឹងបន្តយន្តការចរចាបន្ថែមទៀត ធ្វើយ៉ាងរកដំណោះស្រាយចុងក្រោយឲ្យបានឆាប់បំផុតមុន<br />ការបើកសម័យប្រជុំសភា លើកដំបូង។</p>
<p>ចំពោះការធ្វើមហាបាតុកម្មវិញ លោក យឹម សុវណ្ណ បញ្ជាក់ថា គណបក្សសង្រ្គោះជាតិ នឹងបន្តធ្វើរហូត<br />ដល់ថ្ងៃទី១៧ ខែកញ្ញា៕</p>
<p><a class="thickbox" title="" href="/FileManager/Commons/2013/9/16/st-023-16-09-2013--14-36-57.png"><img src="/FileManager/Articles/mce/2013/9/16/st-023-16-09-2013--14-36-57.png" alt="" /></a></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>