<div id="news_detail" class="postcontainer">
<p><span style="color: #000000;">តើអ្នកធ្លាប់ស្រលាញ់អ្នកណាម្នាក់ខ្លាំងអស់ពីបេះដូង ឬអាចនិយាយបានថា ពិតជាពិបាករស់នៅដោយគ្មានរូបគេទេ? ចុះការដោះលែងមនុស្សដែលខ្លួនស្រលាញ់វាពិតជាឈឺចាប់ណាស់មែនទៅ? </span></p>
<p><span style="color: #000000;">ជាការពិតណាស់ វាមិនមែនជារឿងងាយស្រួលទេ នៅពេលដែលអ្នកដោះលែងមនុស្សដែលអ្នកស្រលាញ់ ឲ្យចាកចេញពីជីវីត ទាំងដែលអ្នកកំពុងតែត្រូវការគេយ៉ាងខ្លាំងជាងអ្វីៗទាំងអស់។ ហើយនៅខាងក្រោមនេះគឺជាហេតុផល ៧ យ៉ាងដែលអ្នកគួរដោះលែង មនុស្សដែលខ្លួនស្រលាញ់ខ្លាំងបំផុតចេញពីបេះដូង ព្រោះជាដំណោះស្រាយដ៏ល្អបំផុត សម្រាប់ក្តីស្រលាញ់មួយនេះ ៖ </span></p>
<p><span style="color: #000000;"><strong>១. យល់ឲ្យច្បាស់ថាការដោះលែងគឺជាជម្រើសល្អបំផុត </strong></span></p>
<p><span style="color: #000000;">រាល់ទំនាក់ទំនងទាំងអស់មិនមែនសុទ្ធតែទាមទារឲ្យមនុស្សដែលអ្នកស្រលាញ់ត្រូវតែជារបស់អ្នកនោះទេ។ ពេលខ្លះការលះបង់ ឲ្យមនុស្សដែលយើងស្រលាញ់ទៅជួបជាមួយនិងមនុស្សដែលគេស្រលាញ់ ក៏ជារឿងល្អបំផុតដែរ ដូចពាក្យចាស់តែងនិយាយថា ស្រលាញ់គឺលះបង់។</span></p>
<p><span style="color: #000000;"><a class="thickbox" title="" href="/FileManager/Commons/2018/2/13/2-13-02-2018--14-30-59.png"><span style="color: #000000;"><img src="/FileManager/Articles/mce/2018/2/13/2-13-02-2018--14-30-59.png" alt="" /></span></a> </span></p>
<p><span style="color: #000000;"><strong>២. ទទួលស្គាល់ការពិតថា រាល់អំពើល្អដែលចូលមកក្នុងជីវីតរបស់អ្នក នឹងមិនស្ថិតស្ថេររហូតទេ </strong></span></p>
<p><span style="color: #000000;">វាពិតជាពិបាកក្នុងការបង្ខំបេះដូងឲ្យទទួលស្គាល់ការពិត ទាំងដែលចិត្តនៅស្រលាញ់មនុស្សម្នាក់អស់ពីបេះដូង។ ប៉ុន្តែអ្នកក៏ត្រូវចាំក្នុងចិត្តថា គ្មានអ្វីដែលអចិន្រ្តៃយ៍នោះទេនៅលើលោកនេះ អ្វីៗសុទ្ធតែមានទៅមានមក ។ </span></p>
<p><span style="color: #000000;"><a class="thickbox" title="" href="/FileManager/Commons/2018/2/13/3-13-02-2018--14-31-14.png"><span style="color: #000000;"><img src="/FileManager/Articles/mce/2018/2/13/3-13-02-2018--14-31-14.png" alt="" /></span></a></span></p>
<p><span style="color: #000000;"><strong>៣. អភ័យទោសដល់គាត់ តែក៏ត្រូវលើកលែងទោសឲ្យខ្លួនឯងដែរ </strong></span></p>
<p><span style="color: #000000;">យើងមិនត្រឹមតែអភ័យទោសឲ្យគាត់នោះទេ យើងក៏គួរតែអភ័យទោសឲ្យខ្លួនឯងដែរ ចំពោះការបាត់បង់មួយនេះ ទើបធ្វើឲ្យចិត្តយើងជ្រះស្រលះ និងមិនស្តីបន្ទោសចំពោះរឿងអតីតកាលដែលបានកើតឡើង ហើយអាចបើកចិត្តមើលទៅកាន់ពិភពលោកដ៏ស្រស់ស្អាតជាថ្មីម្តងទៀត ។ </span></p>
<p><span style="color: #000000;"><strong>៤. ធ្វើខ្លួនឲ្យសប្បាយ និងចេញទៅក្រៅដើម្បីទទួលបរិយាកាសថ្មីៗ </strong></span></p>
<p><span style="color: #000000;">ទៅលេងក្រុមគ្រួសាររបស់អ្នក ចំនាយពេលទៅក្រៅជាមួយមិត្តភក្តិស្រីៗ ស្វែងរកពេលវេលាជួបជុំជាមួយនឹងមនុស្សដែលខ្វល់ពីអ្នកចេញពីចិត្ត ហើយបង្ហាញមនុស្សគ្រប់គ្នាថា អ្នកពិតជារីករាយទោះបីជាគ្មានអតីតមិត្តប្រុសរបស់ខ្លួនក្នុងជីវីតក៏ដោយចុះ ។ ត្រូវចងចាំថា ជីវីតនៅលីវបានផ្តល់ឲ្យអ្នកនូវសេរីភាពយ៉ាងច្រើន មិនដូចពេលមានសង្សារនោះទេ ។ </span></p>
<p><span style="color: #000000;"><a class="thickbox" title="" href="/FileManager/Commons/2018/2/13/4-13-02-2018--14-31-34.png"><span style="color: #000000;"><img src="/FileManager/Articles/mce/2018/2/13/4-13-02-2018--14-31-34.png" alt="" /></span></a></span></p>
<p><span style="color: #000000;"><strong>៥. រក្សាខ្លួនឲ្យឆ្ងាយពីស្នេហាដែលមានលក្ខណៈរ៉ូមែនទិច </strong></span></p>
<p><span style="color: #000000;">ក្នុងកំឡុងពេលដែលអ្នកកំពុងតែឈឺចាប់ជាមួយនឹងស្នេហាចាស់ យល់ល្អកុំឆាប់យកមនុស្សម្នាក់ទៀតដើម្បីជំនួសគេពេក បើទោះបីជាអ្នកថ្មីគេល្អយ៉ាងណាក៏ដោយចុះ ព្រោះការធ្វើបែបនេះ នៅតែមិនអាចឲ្យអ្នកឆាប់បំភ្លេចអ្នកចាស់នោះទេ។ ផ្ទុយទៅវិញមានតែធ្វើឲ្យអ្នកនឹកនា ដល់សង្សារចាស់ នៅពេលដែលអ្នកថ្មីធ្វើទង្វើណាមួយ ដូចឬស្រដៀងនឹងសង្សារចាស់របស់អ្នកបានធ្វើ ។ </span></p>
<p><span style="color: #000000;"><a class="thickbox" title="" href="/FileManager/Commons/2018/2/13/1-13-02-2018--14-30-18.png"><span style="color: #000000;"><img src="/FileManager/Articles/mce/2018/2/13/1-13-02-2018--14-30-18.png" alt="" /></span></a></span></p>
<p><span style="color: #000000;"><strong>រូបតំណាង</strong></span></p>
<p><span style="color: #000000;"><strong>៦. ទៅជួបជាមួយគ្រូពេទ្យ </strong></span></p>
<p><span style="color: #000000;">ការចាកចេញពីមនុស្សដែលអ្នកស្រលាញ់អស់ពីបេះដូង វាមិនមែនជាងាយស្រួលទេ ជាពិសេសនៅពេលដែលមនុស្សម្នាក់នោះ។ អ្នកមិនធ្លាប់ជួបប្រហែលជាមិនសូវយល់ទេត្រង់ចំណុចនេះ ដូចពាក្យចាស់តែងពោលថា លឺគេនិយាយមួយពាន់ដង មិនស្មើរនឹងឆ្លងកាត់ខ្លួនឯងម្តងផង។ ចំនែកការទៅជួបជាមួយគ្រូពេទ្យដើម្បីធ្វើការព្យាបាលគឺជារឿងសំខាន់ណាស់ ដូច្នេះប្រសិនបើអាច កុំរំលងចំណុចនេះឲ្យសោះ ។ </span></p>
<p><span style="color: #000000;"><a class="thickbox" title="" href="/FileManager/Commons/2018/2/13/5-13-02-2018--14-31-49.png"><span style="color: #000000;"><img src="/FileManager/Articles/mce/2018/2/13/5-13-02-2018--14-31-49.png" alt="" /></span></a></span></p>
<p><span style="color: #000000;"><strong>៧. ត្រូវប្រាប់ខ្លួនឯងថា ការដោះលែងអ្នកដែលយើងស្រលាញ់វាពិតជាឈឺចាប់ តែក៏ជាជម្រើសល្អបំផុត ព្រោះយើងធ្វើដើម្បីក្តីសុខគេ </strong></span></p>
<p><span style="color: #000000;">លាគាត់ជាលើកចុងក្រោយ ហើយក៏រៀនដោះលែងអនុស្សាវរីយ៍ទាំងឡាយដែលធ្លាប់បានសាងជាមួយគ្នាឲ្យអស់តាមសម្រួល និងទុកឲ្យពេលវេលាជាអ្នកកំណត់។ ប្រសិនបើក្តីស្រលាញ់របស់អ្នកទាំងពីរ នៅតែមានន័យចំពោះគ្នា នោះស្នេហាពិតនឹងមិនសាបសូន្យទេ ព្រោះគាត់ពិតជារកវិធីសាស្រ្តណាមួយ ដើម្បីត្រលប់មកជួបជុំជាមួយនិងអ្នកទាល់តែបាន ៕</span></p>
<p><span style="color: #000000;"><a class="thickbox" title="" href="/FileManager/Commons/2018/2/13/10-13-02-2018--14-32-50.png"><span style="color: #000000;"><img src="/FileManager/Articles/mce/2018/2/13/10-13-02-2018--14-32-50.png" alt="" /></span></a></span></p>
<p style="text-align: right;"><span style="color: #000000;">ប្រែសម្រួល ៖ គន្ធា</span></p>
<p style="text-align: right;"><span style="color: #000000;">ប្រភព ៖ youqueen</span></p>
</div>