<div class="article-content">
<p><strong>ភ្នំពេញ៖</strong> ក្រោយពីជួប ហេតុការណ៍ គ្រោះថ្នាក់ដ៏រន្ធត់ មិនគួរឲ្យជឿ បណ្តាលឲ្យបាត់បង់ ជីវិត<br />មនុស្សរហូត ដល់ ទៅ៤នាក់ ក្នុងមួយប៉ប្រិចភ្នែក ក្នុងគ្រោះថ្នាក់ចរាចរ រវាងរថយន្តរបស់ តារា<br />ចម្រៀង ខេមរៈ សិរីមន្ត និងរថយន្ត កុងតឺន័រ កាលពីវេលាម៉ោងជាង ៩ យប់ថ្ងៃទី០៧ ខែមីនា <br />ឆ្នាំ២០១៣ នេះ បានក្លាយទៅជា សោកនាដកម្មមួយ កំពុងតែ រំជើបរំជួលពីសំណាក់ មហាជន<br />ទូទៅ នៅក្នុងការតាមដាន យ៉ាងយកចិត្តទុកដាក់ ពីបណ្តាញសារ ព័ត៌មាន នានា ខណៈសាក<br />សព និងជនរងគ្រោះ ក្នុងហេតុការណ៍នេះ ត្រូវបានគេដឹងថា សុទ្ធសឹងតែជាសាច់ ញាតិអ្នក<br />សិល្បៈល្បីៗ។</p>
<p>ថ្ងៃទី០៨ ខែមីនា នេះត្រូវបានគេដឹងថា សពជនរងគ្រោះដែលបានស្លាប់នៅ ក្នុងហេតុការណ៍<br />គ្រោះថ្នាក់ចរាចរណ៍ មានដូចជាឈ្មោះ ជី វីរៈ ដែលជាកូនប្រុសរបស់តារាកំប្លែងល្បី នាយកុយ<br /> បានដឹកមកដល់ភ្នំពេញ នឹងកំពុង តម្កល់ ធ្វើបុណ្យនៅក្នុងវត្តសន្សំកុសល ។ ដោយឡែកជន<br />រងគ្រោះឈ្មោះ អ៊ាច វណ្ណៈ ដែលជាកូនប្រុស របស់ តារា កំប្លែងលោក យាយ ណយ សំណាង<br /> ក៏បានដឹងមកដល់ភ្នំពេញ នឹងកំពុងតម្កល់ធ្វើបុណ្យ នៅក្នុងវត្ត ទួលទំពូង។</p>
<p>លោក ខេមរៈ ភារុណ ដែលត្រូវជាបងប្រុសបង្កើតរបស់ លោក ខេមរៈ សិរីមន្ត បានថ្លែងប្រាប់<br /> មជ្ឈមណ្ឌល ព័ត៌មាន ដើមអម្ពិល ខណៈដែលលោកកំពុងជិះរថយន្តចេញពីកំពង់សោមមក<br />ភ្នំពេញ មុននេះបន្តិចថា “សពជន រងគ្រោះ ដែលបាត់បង់ជីវិត ក្នុងហេតុការណ៍នោះ ត្រូវបាន<br />សមត្ថកិច្ចជួយដឹក បញ្ជូនមកភ្នំពេញ ជាបណ្តើរៗអស់ ហើយ គឺតាំងពីម៉ោង ២ទៀបភ្លឺមកម៉្លេះ។<br /> ចំណែកខាងផលិតកម្មសាន់ដេ ក៏កំពុងតែខ្វែងដៃខ្វែងជើងចូលរួមជួយ ចាត់ចែងជាមួយសាច់<br />ញាតិជនរងគ្រោះ និងទាក់ទងជាមួយសមត្ថកិច្ចជាប្រចាំ ដើម្បីដោះស្រាយហេតុការណ៍ នេះ<br />ផងដែរ ” ។</p>
<p>លោក ខេមរៈ ភារុណ បានបន្តទៀតថា ដោយឡែកស្ថានភាពតារាចម្រៀង ខេមរៈ សិរីមន្ត<br /> បន្ទាប់ពីជួបហេតុ ការណ៍ ដ៏រន្ធត់កាលពីយប់រួចមក រហូតមកដល់ពេលនេះ គឺប្អូនប្រុសរបស់<br />លោក នៅមិនទាន់អាចនិយាយ អ្វីកើត នោះទេ គឺពោរពេញដោយអារម្មណ៍តក់ស្លុតរន្ធត់យ៉ាង<br />ខ្លាំង ខ្វល់ខ្វាយដេកមិនលក់ និងហាក់បីដូចជា ភ្លេចភ្លាំង ខ្លះៗ ព្រោះហេតុការណ៍នេះ បានដក់<br />ជាប់ក្នុងអារម្មណ៍ ខេមរៈ សិរីមន្ត មិនអាចនឹងងាយលុបបំបាត់បានឡើយ ។</p>
<p>ខេមរៈ ភារុណ បានបន្ថែមទៀតថា រហូតមកដល់មកពេលនេះ សិរីមន្ត កំពុងតែសម្រាកនៅក្នុង<br />ក្រុងព្រះសីហនុ នៅឡើយ ដើម្បីដោះស្រាយជាមួយសមត្ថកិច្ច និងភាគីបង្កគ្រោះថ្នាក់ម្ខាងទៀត<br /> ហើយមិនដឹងប្រាកដថា នឹងវិល ត្រឡប់មកភ្នំពេញវិញ នៅថ្ងៃណានោះទេ ។ ដោយឡែកចំពោះ<br />ការប្រគំតន្ត្រីស្រាបៀរ ថៃហ្គឺរ នាល្ងាចនេះ ក៏ត្រូវ លើក ពេលចោលដែរ ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-078/Lay-088.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-078/Lay-090.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-078/Lay-089.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-078/Lay-087.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-078/Lay-086.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>