<p><span style="color: #000000;"><strong>(តូក្យូ)៖</strong> ព្រះរាជវាំងជប៉ុនបានប្រកាសថា ព្រះបិតុលារបស់ព្រះចៅអធិរាជ ជប៉ុន Akihito ព្រះអង្គម្ចាស់ Mikasa បានសោយទិវង្គតហើយក្នុងព្រះជន្មាយុ ១០០ព្រះវស្សា នៅថ្ងៃព្រហស្បតិ៍នេះ ដោយបន្សល់ទុកអ្នក ស្នងរាជ្យបួនព្រះអង្គសម្រាប់ស្នងរាជបល្ល័ង Chrysanthemum។ នេះបើយោងតាមការចេញផ្សាយ ដោយសារព័ត៌មាន Channel News Asia នៅមុននេះបន្តិច នាព្រឹកថ្ងៃព្រហស្បតិ៍ ទី២៧ ខែតុលា ឆ្នាំ២០១៦។</span></p>
<p><span style="color: #000000;">ព្រះអង្គម្ចាស់ Mikasa បានសោយទិវង្គតនៅចំពេលដែលគេកំពុងរំពឹងទុកថា អាចនឹងមានការផ្លាស់ប្ដូរ អានាគតគ្រួសារព្រះចៅអធិរាជជប៉ុន ព្រមទំាងការកែប្រែប្រពៃណីជប៉ុនជិត ២,៦០០ឆ្នាំមកនេះ ដែលអ្នកស្នងរាជ្យ សុទ្ធតែជាមនុស្សប្រុស ពោលគឺអាចទេដែលគ្រួសាររាជវង្សជាស្រ្តីអាចឡើងស្នងរាជ្យ ខណៈព្រះចៅ អធិរាជជប៉ុន Akihito កាលពីខែសីហា កន្លងទៅ បានបង្ហាញពីគោលបំណង របស់ទ្រង់ក្នុងការដាក់រាជ្យ ដោយសារតែមានការព្រួយបារម្ភ មិនអាចបំពេញរាជ្យកិច្ចបាន ស្របពេលទ្រង់មានព្រះជន្ម ៨២ព្រះវស្សាទៅហើយ។</span></p>
<p><span style="color: #000000;">គួរបញ្ជាក់ថា ព្រះអង្គម្ចាស់ Mikasa បានទទួលការព្យាបាល នៅក្នុងមន្ទីរពេទ្យទីក្រុងតូក្យូ កាលពីពាក់កណ្ដាល ខែឧសភា បន្ទាប់ពីមានជំងឺរលាកសួតធ្ងន់ធ្ងរ ប៉ុន្តែអាការៈរបស់ទ្រង់ មិនប្រសើរឡើងនោះឡើយ ទើបទ្រង់សោយទិវង្គត នាពេលនេះ៕</span></p>
<p><span style="color: #000000;"><img src="http://s4.reutersmedia.net/resources/r/?m=02&d=20161027&t=2&i=1159138201&w=&fh=&fw=&ll=780&pl=468&sq=&r=LYNXNPEC9Q05Y" alt="" width="730" /></span></p>
<p><span style="color: #000000;"><a class="thickbox" title="" href="/FileManager/Commons/2016/10/27/7-27-10-2016--11-22-01.png"><span style="color: #000000;"><img src="/FileManager/Articles/mce/2016/10/27/7-27-10-2016--11-22-01.png" alt="" /></span></a></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>