<p><span style="color: #000000;"><strong>(ភ្នំពេញ)៖</strong> មន្រ្តីបម្រើការងារនៅរដ្ឋសភាម្នាក់ ត្រូវចោរចូលទៅគាស់ផ្ទះ យកអស់កាំភ្លើងខ្លីមួយដើម គ្រាប់កាំភ្លើង គ្រឿងអលង្ការ និងទ្រព្យសម្បត្តិមួយចំនួន ស្ថិតនៅចំណុចផ្ទះលេខ៥៩C ផ្លូវបេតុង ភូមិតាងៅក្រោម សង្កាត់និរោធ ខណ្ឌច្បារអំពៅ រាជធានីភ្នំពេញ ប៉ុន្តែជនសង្ស័យត្រូវបានចាប់ខ្លួនផងដែរ នៅថ្ងៃទី១១ ខែសីហា ឆ្នាំ២០១៦នេះ។</span></p>
<p><span style="color: #000000;"><a class="thickbox" title="" href="/FileManager/Commons/2016/8/12/10b-12-08-2016--09-25-42.jpg"><img src="/FileManager/Articles/mce/2016/8/12/10b-12-08-2016--09-25-42.jpg" alt="" /></a><br /></span></p>
<p><span style="color: #000000;">លោក ម៉ៅ សឿត អធិការរងទទួលផែនយុត្តិធម៌ខណ្ឌច្បារអំពៅ បានឲ្យដឹងថា ជនរងគ្រោះជាម្ចាស់ផ្ទះមានឈ្មោះ ហាន់ សាលីម ភេទប្រុស អាយុ៣៥ឆ្នាំ មុខរបរមន្រ្តីរដ្ឋសភាជាតិ។ ដោយឡែកជនសង្ស័យឃាត់ខ្លួនឈ្មោះ យូ ចិត្រា អាយុ ១៧ឆ្នាំ មុខរបរ មិនពិតប្រាកដ ស្នាក់នៅភូមិស្វាយតាអុក សង្កាត់វាលស្បូវ ខណ្ឌច្បារអំពៅ។</span></p>
<p><span style="color: #000000;">លោកបានបន្តថា នៅថ្ងៃទី១០ ខែសីហា ឆ្នាំ២០១៦ ម៉ោង០៨៖៣០នាទី ជនរងគ្រោះបានចាក់សោទ្វារផ្ទះត្រឹម ត្រូវ (ផ្ទះកើតហេតុ) រួចចេញទៅធ្វើការ។</span></p>
<p><span style="color: #000000;">រហូតដល់ម៉ោង១០៖៣០នាទី ថ្ងៃដដែល ស្រាប់តែជនសង្ស័យបានធ្វើសកម្មភាពគាស់បង្អួចកញ្ចក់ផ្ទះ ជនរងគ្រោះលួចយកទ្រព្យសម្បត្តិ រួមមាន៖ អាវុធខ្លី១ដើម ម៉ាកប៉ារ៉ាបូលីម, បង់អាវុធខ្លី១, គ្រាប់អាវុធខ្លី១១គ្រាប់, កាបូបដៃ៥, ខ្សែក កាឡៃមានដាំត្បូង៣ខ្សែ, នាឡិកាដៃ ៤គ្រឿង (១គ្រឿង ខ្សែដែក,៣គ្រឿង ខ្សែធ្វើពីស្បែក), កាមេរ៉ា ១គ្រឿង និងខ្សែកាសទូរស័ព្ទ១ ចេញមកខាងក្រៅ ពេលនោះក៏មានអ្នក ជិតខាងឃើញរាយការណ៍ប្រាប់ សមត្ថកិច្ចខណ្ឌច្បារអំពៅ ចុះមកដល់ឃាត់ខ្លួនជនសង្ស័យ រួមនិងវត្ថុតាងយកមកទីស្នាក់ការប៉ុស្តិ៍និរោធ ធ្វើការសាកសួរ និងចាត់ការតាមច្បាប់។</span></p>
<p><span style="color: #000000;">បច្ចុប្បន្នជនសង្ស័យឃាត់ខ្លួនបណ្តោះអាសន្ន នៅអធិការដ្ឋាននគរបាលខណ្ឌច្បារអំពៅ ដើម្បីចាត់ការ តាមនីតិវិធី៕</span></p>
<p><span style="color: #000000;"><img src="http://image.freshnewsasia.com/2016/099/fn-2016-08-11-20-34-26-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-08-11-20-34-27-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-08-11-20-34-27-2.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>