<p><span style="color: #000000;"><strong>(ភ្នំពេញ)៖</strong> លោក Lee Tae Hoon គ្រូបង្វឹកក្រុមជម្រើសជាតិកម្ពុជា បានលើកឡើងថា ល្បឿនកីឡាករកម្ពុជា នៅលើទីលាននៅមានកម្រិត ដែលជាចំណុចខ្សោយងាយនឹងទទួលការដាក់សម្ពាធពីគូភាគី ហេតុនេះពួកគេត្រូវព្យាយាមហាត់ឲ្យបានខ្លាំង ដើម្បីត្រៀមការប្រកួតផ្លូវការ គឺវគ្គជម្រុះពានរង្វាន់ AFF Suzuki Cup 2016 នៅលើទឹកដីកម្ពុជានាពាក់កណ្ដាលខែតុលាខាងមុខនេះ។</span></p>
<p><span style="color: #000000;">ការថ្លែងបែបនេះ គឺបន្ទាប់ពីក្រុមម្ចាស់ផ្ទះកម្ពុជា បានយកឈ្នះក្រុមជម្រើសជាតិស្រីលង្កា នៅលើទឹកដីរបស់ខ្លួនដោយលទ្ធផល ៤-០ ក្នុងជំនួបមិត្តភាពកាលពីយប់មិញ។ លោកបន្ដថា ការប្រកួតនេះ កីឡាករម្នាក់ៗ ពិតជាធ្វើការខ្លាំង ប៉ុន្ដែមិនទាន់ដល់ចំណុចកំពូល លោកចង់បាននោះទេ ដោយសារពួកគេនៅមានចំណុចខ្សោយមួយ ដែលត្រូវកែតម្រូវជាចាំបាច់ គឺល្បឿន។</span></p>
<p><span style="color: #000000;">គ្រូបង្វឹកជនជាតិកូរ៉េខាងត្បូងខាងលើបានបញ្ជាក់ថា <strong>«ការប្រកួតនេះ កីឡាករកម្ពុជាពិតជាធ្វើការខ្លាំង រហូតទទួលបានជ័យជម្នះលើក្រុមស្រីលង្កា ប៉ុន្ដែមិនមែនជាការប្រកួតល្អបំផុតរបស់កម្ពុជានោះទេ ពោលគឺទាមទារឲ្យកីឡាករម្នាក់ៗ ព្យាយាមហាត់បន្ថែមទៀត ដើម្បីត្រៀមឲ្យបានល្អ គឺការរក្សាតុល្យភាពជាក្រុមល្អ និងបំពេញចំណុចខ្សោយ គឺល្បឿន មុនការប្រកួត AFF Suzuki Cup 2016»</strong>។</span></p>
<p><span style="color: #000000;">លោកបញ្ជាក់ថា ប្រ៊ុយណេ ឡាវ និងទីម័រខាងកើត ក្រុមនីមួយៗ សុទ្ធតែមានមហិច្ឆតាចង់ឡើងទៅជុំផ្ដាច់ព្រ័ត្រនៃពានរង្វាន់ប្រចាំតំបន់អាស៊ាននេះដូចគ្នា ហើយពួកគេក៏បានដឹងពីចំណុចខ្សោយរបស់កម្ពុជាដែរ ហេតុនេះលោកបានទទូចឲ្យកីឡាករម្នាក់ៗ ត្រូវការព្យាយាមហ្វឹកហាត់បន្ថែមនូវល្បឿនឲ្យបានល្អ ដើម្បីទប់ស្កាត់ការទទួលបានលទ្ធផលមិនល្អ នៅក្នុងការប្រកួតផ្លូវការនាចន្លោះថ្ងៃទី១៥-២១ ខែតុលាខាងមុខនេះ៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-10-09-20-34-44-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-10-09-20-34-44-1.jpg" alt="" width="730" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>