<p><span style="color: #000000;"><strong>(ភ្នំពេញ)៖</strong> តារាចម្រៀងស្រី កញ្ញា ផាន វីរ៉ាទី ហៅ រ៉ាប៊ី ឬកញ្ញា ស្ពៃជ្រក់ បច្ចុប្បន្នជាតារាចម្រៀងស្រីលេចធ្លោម្នាក់ ខាងក្បាច់រាំ បែបញាក់កន្ត្រាក់អារម្មណ៍ ក្នុងផលិតកម្មថោន និងជាដៃគូថ្មីរបស់ លោក សុគន្ធ ថេរ៉ាយុ ។ ថ្មីៗនេះ នាងបានបង្ហើសំនៀងមួយបទមានចំណងជើងថា «ចង់តែនៅក្រមុំ» ជាបទចម្រៀងមរតកដើម ដែលបានយកមកបកស្រាយឡើងវិញ ហើយក៏ជាបទចម្រៀងមួយ ធ្វើឲ្យគេស្គាល់នាង ក្នុងនាមជាតារាចម្រៀងថ្មីផងដែរ។</span></p>
<p><span style="color: #000000;">ជាការពិត តារាចម្រៀងបច្ចុប្បន្ន ម្នាក់ៗនាំគ្នាកាត់បន្ថយបទចម្រៀងចំឡងពីបរទេស និងបានងាកមកយកបទចម្រៀងពីសម័យមុន មកច្រៀងសារជាថ្មី ដោយកែភ្លេងថ្មី និងក្បាច់រាំថ្មី។ ជាស្ដែងដូចជា ឱក សុគន្ធ កញ្ញា កំពុងតែល្បីនឹងបទ «<strong>ស្រះអួយ» និង បទ «ឌឹបៗអូយ» ជាសំនៀងដើម របស់អ្នកស្រី សុង សេងហ៊ន។ ជាមួយគ្នានេះ ឱក សុគន្ធកញ្ញា ក៏បានបន្ថែមជាមួយក្បាច់រាំបែបទំនើប ធ្វើឲ្យបទទទួលការគាំទ្រ បាក់ទឹកបាក់ដី។ ដោយឡែក កញ្ញា រ៉ាប៊ី បទចម្រៀង «ចង់តែនៅក្រមុំ</strong>» របស់នាង ក៏ត្រូវបានរាំបញ្ចូលគ្នារវាងក្បាច់ សារ៉ាវ៉ាន ជាមួយក្បាច់ទំនើបផងដែរ ។</span></p>
<p><span style="color: #000000;">ផាន វីរ៉ាទី ទើបតែឡើងសម្ដែង ក្នុងបទចម្រៀងនេះជាលើកដំបូង នៅស្ថានីយទូរទស្សន៍ អាស៊ីអាគ្នេយ៍ ហើយគេយកការសម្ដែងមកផុស ដោយទទួលបានការរិះគន់ និង ប្រើសម្ដីមិនសមរម្យជាច្រើន លើរូបនាង ដោយមានអ្នកខ្លះនិយាយថា «<strong>ខ្មែរយើងឆ្កួតវង្វេងទៀតហើយ យកចង្វាក់សារ៉ាវាន់ មករាំជាចង្វាក់ញាក់ កាន់តែបាត់បង់សតិអស់ហើយ ..</strong>»។ ចំណែកអ្នកខ្លះទៀតនិយាយថា «<strong>បន់ ឲ្យតែធំឆាប់បានប្ដី ហើយកុំយកបទនេះមករាំរបៀបនេះអី ពួកនេះចង់បំផ្លាញវប្បធម៌ប្រពៃណីខ្មែរហើយតើ ពួកមីឆ្កួតអាឆ្កួតនេះ..</strong>» ។ បុរសម្នាក់បាននិយាយថា «<strong>ស្ដាយខ្លួនក្រមុំ តែស្លៀកពាក់អត់ខ្មាស់គេ អនិច្ចារសីលធម៌ខ្មែរតើនៅឯណា?</strong> »។</span></p>
<p><span style="color: #000000;">ជុំវិញការរិះគន់ខ្លាំងខាងលើនេះ តារាចម្រៀង ផាន វីរ៉ាទី មិនបានបញ្ចេញប្រតិកម្មអ្វីតបតឡើយ តែប្រភពស្និទ្ធស្នាលនឹងនាងបានខ្សឹបប្រាប់ KhmerTalkingថា តារាចម្រៀងរូបនេះ ក្ដៅចិត្តមិនតិចទេ ព្រោះនាងខិតខំធ្វើអ្វីដែលថ្មី តែបែរជា ទទួលបានការរិះគន់យ៉ាងចាស់ដៃទៅវិញ ព្រោះខំបំបែកក្បាច់រាំ ដោយខ្លួនឯង ។ ម្យ៉ាងនាងជាគ្រូរាំស្រាប់ សូម្បីតែការតុបតែងខ្លួន ក៏នាងសម្រាំងយ៉ាងពិសេស ដើម្បីភាពប្លែកភ្នែកដែរ មិនគួរណាទទួលបាន លទ្ធផលបែបនេះសោះ ។</span></p>
<p><span style="color: #000000;">កញ្ញា ផាន វីរ៉ាទី ហៅ ស្ពៃជ្រក់ មិនអាចទាក់ទងបំភ្លឺបានទេ តាំងពីនាងឈានជើងចូលផលិតកម្ម ថោនមក ពោលជីវិតរបស់នាង ហាក់តែអាថ៌កំបាំងច្រើន ហើយកាន់តែវាយឫកជាងមុនទៅទៀត ហើយក៏មិនសូវខ្វល់ ជាមួយមនុស្ស នៅជុំវិញខ្លួននាងឡើយ ពេលខ្លះនាងក្ដៅចិត្តនឹងព័ត៌មានណាស់ ៕</span></p>
<p> </p>
<div id="fb-root"></div>
<script type="text/javascript">// <![CDATA[
(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = "//connect.facebook.net/en_GB/sdk.js#xfbml=1&version=v2.3"; fjs.parentNode.insertBefore(js, fjs);}(document, 'script', 'facebook-jssdk'));
// ]]></script>
<div class="fb-post" data-href="https://www.facebook.com/1290434230982884/videos/1291195907573383/" data-width="500">
<div class="fb-xfbml-parse-ignore">
<blockquote>Posted by <a href="https://www.facebook.com/Sokrith-Photo-1290434230982884/">Sokrith Photo</a> on <a href="https://www.facebook.com/1290434230982884/videos/1291195907573383/">Friday, 4 December 2015</a></blockquote>
</div>
</div>
<p><span style="color: #000000;"><a class="thickbox" title="" href="/FileManager/Commons/2015/12/22/20b-22-12-2015--11-24-06.jpg"><img src="/FileManager/Articles/mce/2015/12/22/20b-22-12-2015--11-24-06.jpg" alt="" /></a><br /></span></p>
<p><span style="color: #000000;"><a class="thickbox" title="" href="/FileManager/Commons/2015/12/22/20a-22-12-2015--11-23-57.jpg"><img src="/FileManager/Articles/mce/2015/12/22/20a-22-12-2015--11-23-57.jpg" alt="" /></a></span></p>
<p><a class="thickbox" title="" href="/FileManager/Commons/2015/12/22/20-22-12-2015--11-24-14.jpg"><img src="/FileManager/Articles/mce/2015/12/22/20-22-12-2015--11-24-14.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/12/22/20a-22-12-2015--11-23-57.jpg"></a><br /></span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្រ្វេសញូវអាស៊ី</span></p>