<p><span style="color: #000000;">កាលពីខែមុន យើងបានដឹងពីរបាយការណ៍មួយ ដែលអះអាងថា ក្រុមហ៊ុន Samsung នឹងចេញលក់ Galaxy Note 10 នៅថ្ងៃទី ៧ ខែសីហានេះ ។ មែនហើយ របាយការណ៍នេះ ប្រែក្លាយជាការពិតឥតក្លែងបន្លំទេឥឡូវនេះ ព្រោះតែ ក្រុមហ៊ុនបច្ចេកវិទ្យាយក្សកូរ៉េខាងត្បូងមួយនេះ បានបញ្ជាក់ពីកាលបរិច្ឆេទច្បាស់លាស់ សម្រាប់ការប្រកាសចេញលក់នូវអំបូរ Galaxy Note ប្រចាំឆ្នាំ ២០១៩ របស់ខ្លួនហើយ ក្នុងតម្លៃ <strong>1150 </strong><strong>អឺរ៉ូ</strong>។</span></p>
<p><span style="color: #000000;"><br /><a class="thickbox" title="" href="/FileManager/Commons/2019/8/2/samsung-galaxy-note-10-plus-pro-r1-02-08-2019--11-37-02.jpg"><img src="/FileManager/Articles/mce/2019/8/2/samsung-galaxy-note-10-plus-pro-r1-02-08-2019--11-37-02.jpg" alt="" /></a></span></p>
<p><br /><a class="c_tab" href="https://mekongnet.com.kh/" target="_blank"><img src="/FileManager/Articles/mce/2019/8/2/mekongnet-promo-500x168-01-02-08-2019--11-37-33.jpg" alt="" /></a><span style="color: #000000;"><a class="thickbox" title="" href="/FileManager/Commons/2019/8/2/samsung-galaxy-note-10-plus-pro-r1-02-08-2019--11-37-02.jpg"></a><br /></span></p>
<p><span style="color: #000000;">ក្រុមហ៊ុន Samsung បានបញ្ជាក់ថា ខ្លួននឹងចេញលក់ទូរសព្ទម៉ូដែលថ្មីនេះ នៅព្រឹត្ដិការណ៍បកកេះរបស់ម៉ូដែល Galaxy (Galaxy Unpacked) នាក្រុងញូវយ៉ក នៅថ្ងៃទី ៧ សីហាខាងមុខនេះ។ ក្រុមហ៊ុននេះ ពុំបាននិយាយឱ្យច្បាស់ថា ខ្លួននឹងប្រកាសចេញលក់នូវទូរសព្ទម៉ូដែលអ្វីនោះទេ នៅព្រឹត្ដិការណ៍នោះ ប៉ុន្ដែក្រុមហ៊ុននេះ បានចែករំលែកឃ្លីបវីដេអូមួយ ដែលបង្ហាញពីប៊ិច S Pen និងកាម៉េរ៉ាទោល ដែលអាចបញ្ជាក់យ៉ាងប្រាកដថាទូរសព្ទម៉ូដែល Galaxy Note 10 នឹងជាផលិតផលចម្បង ដែលត្រូវបង្ហាញ ។ </span></p>
<p><br /><a class="thickbox" title="" href="/FileManager/Commons/2019/8/2/galaxy-note-10-5g-concept-02-08-2019--11-48-37.jpg"><img src="/FileManager/Articles/mce/2019/8/2/galaxy-note-10-5g-concept-02-08-2019--11-48-37.jpg" alt="" /></a></p>
<p><span style="color: #000000;">គេនិយាយថា ក្រុមហ៊ុន Samsung នឹងចេញលក់នៅលើទីផ្សារនូវសេរី Galaxy Note ចំនូន ៣ ម៉ូដែលនៅឆ្នាំនេះរួមមាន Vanilla Note 10, Note 10+ និងប្រភេទប្រើបណ្ដាញ 5G។ ការរចនារបស់របស់ម៉ូដែល Note 10 និង Note 10+ នឹងមានលក្ខណៈស្រដៀងគ្នា ដោយ Note+ មានអេក្រង់ធំជាងបន្ដិច និងបន្ថែមកាម៉េរ៉ាមួយគ្រាប់ទៀត នៅខាងក្រោយ ៕</span></p>
<p> </p>
<p><span style="color: #000000;">ប្រែសម្រួល៖ សារ៉ាត</span></p>
<p><span style="color: #000000;">ប្រភព៖ gsmarena</span></p>