<div class="item-page">
<div>
<p><span style="color: #000000;"><strong>(ភ្នំពេញ)៖</strong> ចំណីអារម្មណ៍បែបលន្លង់លន្លោច បង្កប់ដោយមនោសញ្ចេតនាជ្រាលជ្រៅ ទស្សនាហើយស្ទើរស្រក់ទឹកភ្នែក និងលាយឡំឈុតឆាកបែបកំប្លែង ដែលប្រិយមិត្តទាំងអស់ កំពុងរង់ចាំទស្សនាបានមកដល់ហើយ នោះគឺបទចម្រៀងស្ដីពី <strong>«ខ្សែជីវិតរបស់នាយវ៉ែនតា»</strong> ដែលច្រៀងដោយកំពូលតារាចម្រៀង ខេមរៈ សិរីមន្ត និងតារាចម្រៀងមានទឹកដម ដ៏ក្រអួនក្រអៅ ផ្អែមដូចស្ករ បង្កប់ដោយមន្តស្នេហ៍ គឺកញ្ញា សុខ ពិសី មានចំនួន៣បទ តភ្ជាប់គ្នាដែលជាកំរងសាច់រឿងដ៏កំសត់ របស់ផលិតកម្មសាន់ដេ គឺនៅពេលនេះ វគ្គទី២ និងវគ្គទី៣ បានចេញ Full MV ទាំងអស់ហើយ។</span></p>
<p><br /><a class="thickbox" title="" href="/FileManager/Commons/2017/2/28/40a-28-02-2017--15-05-33.jpg"><img src="/FileManager/Articles/mce/2017/2/28/40a-28-02-2017--15-05-33.jpg" alt="" /></a></p>
<p><span style="color: #000000;">បទចម្រៀងមនោសញ្ចេតនា បង្កប់ដោយអត្ថន័យស្នេហ៍រយពាន់ កំសត់រកគ្មាន ដែលជាប្រភេទអាល់ប៊ុមសាច់រឿង ចំនួន៣បទ ក្នុងវ៉ុលពិសេសនេះ រួមមានទី១៖ បទ<strong> «ចោលអ្នកស្មោះជ្រើសអ្នកក្បត់, ដើរចេញដើម្បីសេរីភាពអូន»</strong> និងបទ <strong>«អូនមិនល្អស្រឡាញ់អូនអត់?» </strong>ដោយបទទាំង៣នេះ ដែលជាការបកស្រាយរបស់កំពូលតារាចម្រៀងជួរមុខគេ នៅក្នុងផលិតកម្មសាន់ដេ លោក ខេមរៈ សិរីមន្ត និងកញ្ញា សុខ ពិសី បានចេញជា MV ពេញជាផ្លូវការហើយ ដើម្បីឆ្លើយតបទៅនឹងសំណូមពររបស់មហាជនអ្នកគាំទ្រ ដែលកំពុងតែទន្ទឹងរង់ចាំទស្សនាយ៉ាងអន្ទះសារ។</span></p>
<p><span style="color: #000000;">ជាការពិតគ្រាន់តែចេញជា MV ពេញទាំង៣វគ្គភ្លាម ក្នុងបទចម្រៀងសាច់រឿងដ៏កំសត់នេះ ត្រូវបានគេមើលឃើញថា មានការពេញនិយម និងគាំទ្រយ៉ាងពេញទំហឹងពីសំណាក់អ្នកគាំទ្រ និងអ្នកនិយមលេងបណ្តាញសង្គមហ្វេសប៊ុក។ ជាពិសេសទៅទៀតនោះ បទចម្រៀងទាំងនេះ មានការចូលរួមសម្តែងដោយ លោក ខេមរៈ សិរីមន្ត ផ្ទាល់ និងកញ្ញា សុខ ពិសី ផងដែរ ដែលធ្វើឲ្យសាច់រឿង នៃជីវិតរបស់តាវ៉ែនតា កាន់តែជក់ចិត្ត អាចឲ្យអ្នកទស្សនាស្លុងអារម្មណ៍ ទាំងមិនដឹងខ្លួន៕</span></p>
<p><span style="color: #000000;"><strong>ចង់ដឹងថា មានអ្វីប្លែកចំឡែកអារម្មណ៍ក្នុង MV ជាប្រភេទសាច់រឿង ដែលបរិយាយពីជីវិតរបស់នាយ វ៉ែនតា ខ្លះ សូមទស្សនាទាំង៣វគ្គនេះ ទាំងអស់គ្នា៖</strong></span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F695191757319285%2F&show_text=0&width=730" frameborder="0" width="480" height="380"></iframe></span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F696773197161141%2F&show_text=0&width=730" frameborder="0" width="480" height="380"></iframe><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F696775250494269%2F&show_text=0&width=730" frameborder="0" width="480" height="380"></iframe></span></p>
</div>
</div>
<div class="custom" style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></div>