<p><span style="color: #000000;">កាលពីម្សិលមិញ ភាគហ៊ុនរបស់ Apple បានធ្លាក់ចុះយ៉ាងឆាប់រហ័សជាង ២% បន្ទាប់ពីមានព័ត៌មានពីក្រុមហ៊ុនស្រាវជ្រាវទីផ្សារ GfK ដែលបានផ្គត់ផ្គង់ដល់អតិថិជនរបស់ពួកគេ ដោយបង្ហាញពីការព្រួយបារម្ភទៅលើបរិមាណលក់របស់ iPhone ថ្មីមានការធ្លាក់ចុះ។</span></p>
<p><span style="color: #000000;">យោងតាមប្រភពពី CNBC បានឲ្យដឹងថា GfK បានបញ្ជាក់របាយការណ៍នេះ ប៉ុន្តែមិនបានពន្យល់ប្រាប់លម្អិត ព្រោះតែនេះគឺជាព័ត៌មានដែលពួកគេផ្គត់ផ្គង់ឲ្យតែអតិថិជនរបស់ខ្លួនតែប៉ុណ្ណោះ ដោយផ្អែកលើទិន្នន័យលក់របស់ក្រុមហ៊ុននៅលើទីផ្សារចំនួន១៧ ក្នុងសប្តាហ៍ដំបូង នៃការលក់ចេញ iPhone 7។</span></p>
<p><span style="color: #000000;"><a class="thickbox" title="" href="/FileManager/Commons/2016/9/24/iphone-7-jet-black-24-09-2016--21-43-26.jpg"><img src="/FileManager/Articles/mce/2016/9/24/iphone-7-jet-black-24-09-2016--21-43-26.jpg" alt="" /></a><br /></span></p>
<p><span style="color: #000000;">នេះមិនមែនជាលើកទីមួយនោះទេ ដែលក្រុមហ៊ុនអាឡឺម៉ង់មួយនេះ "អង្រួន" Apple តាមរយៈរបាយការណ៍ស្ថិតិមួយច្បាប់ ស្តីពីបរិមាណលក់របស់បណ្តាគំរូ iPhone ស៊េរីថ្មី។ កាលពីឆ្នាំមុន បន្ទាប់ពីធ្វើការស្រាវជ្រាវតាមបណ្តាញការលក់ ក្រុមហ៊ុន GFK បានបង្ហាញឲ្យដឹងថា iPhone 6 និង iPhone 6Sមានបរិមាណលក់ចេញ មិនខ្ពស់ដូចអ្វីដែលលោកនាយកប្រតិបត្តិ Tim Cook បានប្រកាសកាលពីមុននោះទេ។</span></p>
<p><span style="color: #000000;">ក្នុងនោះ គេហទំព័រព័ត៌មាន DigiTimes ដែលជំនាញខាងផ្តល់នូវព័ត៌មានបច្ចេកវិទ្យា បានឲ្យដឹងថា ការបញ្ជាទិញបន្ទះឈីប iPhone 7 និង iPhone 7 Plus នឹងបន្តធ្លាក់ចុះប្រហែល ២០% នៅក្នុងត្រីមាសដំបូងនៃឆ្នាំ ២០១៧។ ព័ត៌មាននេះ DigiTimes បានប្រមូលពីបណ្តាក្រុមហ៊ុនផ្គត់ផ្គង់បន្ទះឈីប៕</span></p>
<p><span style="color: #000000;"><a href="http://www.camnews.com.kh/News/Detail/2569/battery-problems-persist-in-exchanged-samsung-galaxy-note-7"><span style="color: #0000ff;"><em>- អ្នកប្រើប្រាស់មួយចំនួន នៅកូរ៉េខាងត្បូង នៅតែមានការរអ៊ូរទាំស្តីពីបញ្ហាថ្មលើ Note 7 ដែលបាន ប្តូរថ្មី</em></span></a><br /><span style="color: #000000;"><a href="http://www.camnews.com.kh/News/Detail/32346/samsung-allowed-galaxy-note-7-which-recall-model-can-charge-80"><span style="color: #0000ff;"><em>- Samsung អនុញ្ញាត Galaxy Note 7 ដែលជាម៉ូដែលត្រូវប្រមូលចូលក្រុមហ៊ុនវិញ អាចសាកថ្មបាន ដល់ ៨០%</em></span></a></span><br /></span></p>
<p> </p>
<p style="text-align: right;"><em>ប្រែសម្រួល៖ មង្គល</em><br /><em>ប្រភព៖ CNBC, vreview</em></p>