<p><span style="color: #000000;"><strong>(ព្រះសីហនុ)៖</strong> លោកឧត្តមសេនីយ៍ ជួន ណារិន្ទ ស្នងការនគរបាល ខេត្តព្រះសីហនុ បានថ្លែងប្រាប់ Fresh News នៅព្រឹកថ្ងៃទី២៩ ខែមីនានេះថា កម្លាំងនគរបាលខេត្តព្រះសីហនុ នៅរសៀលថ្ងៃទី២៨ ខែមីនា ឆ្នាំ២០១៦ បានធ្វើការចាប់ឃាត់ខ្លួន បុរសជនជាតិរុស្ស៊ីម្នាក់ បានដីកាបញ្ជាឲ្យចាប់ខ្លួន របស់អយ្យការអមសាលាឧទ្ទរណ៍ និងតាមលិខិតរបស់ក្រសួងយុត្តិធម៌ ស្តីពីសំណើសុំចាប់ខ្លួន និងធ្វើបត្យាប័ន ពាក់ព័ន្ធនឹងបទល្មើសឆបោកប្រាក់ក្រុមហ៊ុន នៅរុស្ស៊ី ហើយរត់គេចខ្លួនមករស់នៅកម្ពុជា។</span></p>
<p><span style="color: #000000;">លោកឧត្តមសេនីយ៍បានបញ្ជាក់ថា ជនសង្ស័យឈ្មោះ BALATIX VLADIXEIR VITALIE VITCH ជនជាតិរុស្ស៊ី កើតថ្ងៃទី៣ ខែតុលា ឆ្នាំ១៩៧៨ ជាប់ចោទពីបទបោកលុយក្រុមហ៊ុន នៅចន្លោះឆ្នាំ២០០៧ ដល់២០០៨ នៅប្រទេសរុស្ស៊ី ហើយរត់គេចខ្លួនមកកម្ពុជា (ពេលឃាត់ខ្លួន មិនមានលិខិតឆ្លងដែនជាប់នឹងខ្លួនទេ)។</span></p>
<p><span style="color: #000000;">លោកស្នងការបញ្ជាក់បន្ថែមថា នៅព្រឹកថ្ងៃទី២៩ ខែមីនានេះ ជនសង្ស័យជនជាតិរុស្ស៊ីរូបនេះ ត្រូវបានបញ្ជូនទៅកាន់នាយកដ្ឋាន កណ្តាលសន្តិសុខផ្ទៃក្នុង ដើម្បីបន្តតាមនិតិវិធី៕</span></p>
<p><span style="color: #000000;"><img src="http://image.freshnewsasia.com/2016/099/fn-2016-03-29-08-48-38-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-03-29-08-53-01-1.jpg" alt="" width="730" /></span></p>
<p> </p>
<div id="news_detail" class="postcontainer">
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>
</div>
<div class="detail_bottom_function">
<div class="facebook_like"></div>
</div>