<p><strong></strong><span style="color: #000000;">iPhone 8 ត្រូវបានគេឲ្យដឹងថា ជាម៉ូដែលកំណែទម្រង់ដ៏ធំ និងខ្លាំងបំផុតមួយ ដែលតាមការរំពឹងទុកវានឹងបង្ហាញខ្លួននៅឆ្នាំក្រោយ ដើម្បីអបអរសាទរបុណ្យខួបអនុស្សាវរីយ៍រយះពេល ១០ ឆ្នាំនៃការ បង្កើត iPhone។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/9/29/1576459-29-09-2016--14-07-46.jpg"><img src="/FileManager/Articles/mce/2016/9/29/1576459-29-09-2016--14-07-46.jpg" alt="" /></a></span></p>
<p style="text-align: center;"><em>Concept iPhone 8 ដែលមានផ្ទៃអេក្រង់ធំទូលាយ គ្មានគែម</em><span style="color: #000000;"><br /></span></p>
<p><span style="color: #000000;">តាមប្រភពពី Business Insider បានឲ្យដឹងថា Apple បានចាប់ផ្តើមធ្វើការពិសោធន៍ Hardware របស់ iPhone 8 ហើយនៅការិយាល័យមួយរបស់ក្រុមហ៊ុន នៅប្រទេសអ៊ីស្រាអែល។ នេះគឺជាព័ត៌មានមួយដែលត្រូវបានបញ្ជាក់ប្រាប់ ពីបុគ្គលិកម្នាក់ដែលបានធ្វើការនៅទីនោះ។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/9/29/3880527appleherzliya01-29-09-2016--14-09-14.jpg"><img src="/FileManager/Articles/mce/2016/9/29/3880527appleherzliya01-29-09-2016--14-09-14.jpg" alt="" /></a></span></p>
<p style="text-align: center;"><em>ការិយាល័យរបស់ Apple នៅប្រទេសអ៊ីស្រាអែល</em><span style="color: #000000;"><em><a class="thickbox" title="" href="/FileManager/Commons/2016/9/29/3880527appleherzliya01-29-09-2016--14-09-14.jpg"></a></em><br /></span></p>
<p><span style="color: #000000;">បច្ចុប្បន្ន ព័ត៌មានស្តីពី iPhone 8 នៅមានចំនួនតិចតួចនៅឡើយ ទន្ទឹមនឹងនោះមានប្រភពព័ត៌មាន មួយចំនួនបានឲ្យដឹងថា iPhone 8 នឹងត្រូវបាន Apple បង្ហាញណែនាំខ្លួននៅឆ្នាំក្រោយនេះតែម្តង ដែលវានឹងត្រូវបានក្រុមហ៊ុនធ្វើការកែប្រែជាច្រើន ទៅលើការរចនាម៉ូតរូបរាង ជាមួយនឹងផ្ទៃអេក្រង់ ធំទូលាយ ស្ទើរតែគ្មានគែម។</span></p>
<p><span style="color: #000000;">ប្រភពបានឲ្យដឹងថា នៅពេលដែលអ្នកសារព័ត៌មាន Business Insider សួរនាំពី iPhone 8 បុគ្គលិក ម្នាក់ ដែលជាអ្នកផ្សារឧបករណ៍គ្រឿងផ្សំដល់ Apple បាននិយាយឲ្យដឹងថា ឧបករណ៍ថ្មីនេះ នឹងខុស ប្លែកយ៉ាងច្រើន បើធៀបនឹង iPhone 6 ឬ iPhone 7។ បុគ្គលិកស្ទើរតែទាំងអស់ ដែលត្រូវបាន សម្ភាសន៍ ក៏បាននិយាយថា ពួកគេកំពុងតែធ្វើការជាមួយនឹងផលិតផលថ្មីមួយរបស់ Apple ហើយ ជាក់ស្តែងនោះវាគឺជា iPhone 8។</span></p>
<p><span style="color: #000000;">គួរបញ្ជាក់ផងដែរ បណ្តាបុគ្គលិកនៅទីនោះ បានរំលឹកហៅឈ្មោះ “iPhone 8” ដោយខ្លួនពួកគេ នៅ រាល់ពេលអ្នកសារព័ត៌មានបានសម្ភាសន៍។ បើសិនជា វាដំណើរការត្រូវទៅតាមទម្លាប់ នៃដំណើរការអាប់ឌេតរបស់ Apple ជំនាន់ iPhone ដែលត្រូវបង្ហាញខ្លួន នៅឆ្នាំ ២០១៧ គឺនឹងជា iPhone 7s ហើយ ត្រូវចាំដល់ឆ្នាំ ២០១៨ ទើបដល់ពេល iPhone 8 បង្ហាញខ្លួន។ ជាក់ស្តែង អ្នកវិភាគមួយចំនួន បានគូស បញ្ជាក់ឲ្យដឹងថា iPhone 7 គ្រាន់តែជាម៉ូដែលអាប់ឌេតតិចតួច បើប្រៀបជាមួយនឹង iPhone 6s ប៉ុន្តែ iPhone 7s ដែលនឹងបង្ហាញខ្លួននៅឆ្នាំក្រោយនេះ ត្រូវបានគេប៉ាន់ប្រមាណថា វាជាម៉ូដែល ដែលនឹង មានការធ្វើឲ្យប្រសើរឡើងជាងមុនយ៉ាងច្រើន គួរឲ្យកត់សំគាល់ពី Apple។ តាមរយះនេះ មនុស្ស ជាច្រើនបានជឿជាក់ថា Apple អាចនឹងបោះបង់ទម្លាប់ចាស់ ដោយរំលងម៉ូដែល iPhone 7s ហើយ បញ្ចេញ iPhone 8 នៅក្នុងឆ្នាំ ២០១៧ តែម្តង។</span></p>
<p><span style="color: #000000;">អ្នកនាំពាក្យរបស់ ក្រុមហ៊ុន Apple បានបដិសេធក្នុងការបញ្ចេញប្រតិកម្ម ទៅលើព័ត៌មានខាង លើនេះ៕</span></p>
<p><span style="color: #0000ff;"><em>- មិនធម្មតាមែន! អ្នកប្រើប្រាស់ ៩០% នៅតែស្មោះស្ម័គ្រជាមួយនឹង Note 7 ជំនួសឲ្យការប្តូរយក លុយវិញ ឬប្តូរយកម៉ាកផ្សេង</em></span></p>
<p><span style="color: #000000;"><br /></span></p>
<p><span style="color: #000000;"><br /></span></p>
<p style="text-align: right;"><em>ប្រែសម្រួល៖ មង្គល</em><br /><em> ប្រភព៖ Business Insider, vreview</em></p>