<p><span style="color: #000000;"><strong>ភ្នំពេញ៖</strong> អស់រយៈពេលជិត៣ឆ្នាំហើយ ដែលតារាសម្តែង និងជាពិធីការិនី សំឡេងស្រទន់រូបស្អាត អ្នកនាង សុខ សោម៉ាវត្តី បានរៀបការ សាងគ្រួសារ ជាមួយស្វាមី ជាកូនប្រុសរបស់ លោក ទូច ណារ៉ុថ គឺលោក ទូច ដាណារ៉ា ហៅ ពេជ្រ ហើយកន្លងមកគេមិនធ្លាប់ បានលេច ឮព័ត៌មានថា តារារូបនេះមានភាពចម្រូងច្រមាស ជាមួយស្វាមីម្តងណាឡើយ ។ ទើបតែថ្មីៗនេះ បានលេចឮព័ត៌មាន បន្តបន្ទាប់ថា នាងនិងស្វាមី មានភាពរកាំរកូស ជាមួយគ្នា រហូតដល់បែកផ្ទះគ្នានៅ ដោយសារតែមានអ្នកទី៣ ចូលជ្រែកស្នេហ៍។</span></p>
<p><span style="color: #000000;">ពាក់ព័ន្ធទៅនឹងព័ត៌មាន ដែលលេចឮថា ស្វាមីភរិយាមួយគូនេះ មានភាពល្អក់កករ ជាមួយគ្នានោះ នាពេលកន្លងមកតារាស្រីរូបស្អាត អ្នកនាង សុខ សោម៉ាវត្តី ធ្លាប់បានទម្លាយបែបបង្ហើរម្តងរួចមក ហើយថា នាងនិងស្វាមីពិតជា មានភាពបញ្ហា មិនចុះសម្រុង ជាមួយគ្នាខ្លះៗមែន ដោយសារ តែមាននារីម្នាក់ ព្យាយាមជ្រែកខ្លួន ធ្វើជាអ្នកទី៣ ធ្វើឲ្យស្នេហាដែលធ្លាប់ផ្អែមល្ហែម ប្រែជាល្វីងជូរចត់ ។ តែរឿងគ្រប់យ៉ាងបានបញ្ចប់ទៅ ដោយល្អ ព្រោះថា នាងបានដោះស្រាយ គ្រប់យ៉ាង ហើយរឿងនេះ ក៏មិនអាចធ្វើឲ្យស្នេហានាងបន្ត រកាំរកូសយូរទៀតដែរ ។</span></p>
<p><span style="color: #000000;">តែនៅទីបំផុត អ្វីដែលតារាសម្តែង តួឯកស្រីក្នុងរឿង «ភូមិខ្ញុំស្រស់ឆើតឆាយ» អ្នកនាង សុខ សោម៉ាវត្តី ខំប្រឹងបកស្រាយក្នុងវ័យបិតបាំង ចំណងស្នេហ៍ប្រះស្រាំ រវាងនាងនិងស្វាមីនោះ មិនអាចលាក់ជិតឡើយ ពោលគឺ កាលពីរាត្រីយប់ថ្ងៃទី២៧ ខែសីហា ម្សិលមិញ ដែលជាថ្ងៃខួបកំណើតរបស់នាង គេសង្កេតឃើញនាង បានរំលេចកម្មវិធីជប់លៀងខួបកំណើត ដោយមានវត្តមាន មិត្តភក្តិជិតដិត ចូលរួមអបអរសាទរ ។ ប៉ុន្តែនៅក្នុងកម្មវិធីនោះ គេមិនបានឃើញ វត្តមានស្វាមី បណ្តូលចិត្ត និងកូនស្រីគួរឲ្យស្រលាញ់របស់នាង ចូលរួមដូចកាលពី ឆ្នាំមុនឡើយ ។</span></p>
<p><span style="color: #000000;">តាមរយៈរូបភាព ទាំងអស់នេះ បានសបញ្ជាក់ឲ្យមហាជន ដឹងយ៉ាងច្បាស់ថា ចំណងស្នេហារវាងប្តូរប្រពន្ធ មួយគូនេះ ពិតជា មានភាពរកាំរកូស ជាមួយគ្នា ដូចពាក្យចចាមអារ៉ាមលើកឡើង ប្រាកដមែន ព្រោះថារូបភាពគ្រប់យ៉ាង បានលាតត្រដាងអស់ ។ ប្រសិនបើរឿងនោះមិនពិត ហេតុអីថ្ងៃខួបកំណើត ភរិយារូបស្អាតមួយទាំងមូល លោកបែរជាមិនមកចូលរួម ដូចពេលមុនៗទៅវិញ ។</span></p>
<p><span style="color: #000000;">ទាក់ទងទៅនឹងចំណងស្នេហា ជាប់មន្ទិលសង្ស័យថា ដើរដល់ផ្លូវបំបែក ដោយសារតែមានអ្នកទី៣នេះ គេហទំព័រ LookingTODAY មិនអាចទាក់ទងទៅតារាស្រី អ្នកនាង សុខ សោម៉ាវត្តី បានទេ នៅព្រឹកថ្ងៃទី២៨ ខែសីហា ឆ្នាំ២០១៥នេះ ព្រោះលេខទូរស័ព្ទ ដែលនាងធ្លាប់ ប្រើមិនអាចទាក់ទងបាន ៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/28/70-28-08-2015--14-50-05.jpg"><img src="/FileManager/Articles/mce/2015/8/28/70-28-08-2015--14-50-05.jpg" alt="" /></a></span></p>
<p><a class="thickbox" title="" href="/FileManager/Commons/2015/8/28/71-28-08-2015--14-50-13.jpg"><img src="/FileManager/Articles/mce/2015/8/28/71-28-08-2015--14-50-13.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/8/28/70-28-08-2015--14-50-05.jpg"></a></span></p>
<p><a class="thickbox" title="" href="/FileManager/Commons/2015/8/28/72-28-08-2015--14-50-22.jpg"><img src="/FileManager/Articles/mce/2015/8/28/72-28-08-2015--14-50-22.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>