<p><span style="color: #000000;"><strong>(តូក្យូ)៖</strong> សារព័ត៌មានជប៉ុន NHK តាមរយៈការដកស្រង់សម្ដីពីក្រុមមន្ត្រីក្រសួងការពារជាតិជប៉ុន បានរាយការណ៍នៅ ថ្ងៃពុធនេះថា យន្ដហោះចម្បាំងអាមេរិកធុន McDonnell Douglas FA-18 Hornet មួយគ្រឿង បានធ្លាក់នៅឯតំបន់ Kochi ស្ថិតនៅភាគខាងត្បូងទីប្រជុំកោះសិនកាគូ។ នេះបើតាមការចេញផ្សាយដោយសារព័ត៌មាន Sputnik នៅយប់ ថ្ងៃពុធ ទី០៧ ខែធ្នូ ឆ្នាំ២០១៦។</span></p>
<p><span style="color: #000000;"><a class="thickbox" title="" href="/FileManager/Commons/2016/12/8/11-08-12-2016--10-21-37.jpg"><img src="/FileManager/Articles/mce/2016/12/8/11-08-12-2016--10-21-37.jpg" alt="" /></a><br /></span></p>
<p><span style="color: #000000;">ប្រភពដដែលបានឱ្យដឹងដែរថា ពីឡុតបើកយន្ដហោះចម្បាំង FA-18 បានលោតឆ័ត្រយោងចុះទាន់ពេលវេលា រីឯអាជ្ញា ធរជប៉ុនបានបញ្ជូនយន្ដហោះ៦គ្រឿង និងនាវា២គ្រឿង ទៅកាន់តំបន់យន្ដហោះធ្លាក់ ខណៈមូលហេតុនៃការធ្លាក់កំពុង ស្ថិតនៅក្រោមការស៊ើបអង្កេត។ ដោយឡែក បើតាមប្រភពព័ត៌មានក្រៅផ្លូវការ យន្ដហោះចម្បាំង FA-18 គឺជាកម្មសិទ្ធិ របស់កងម៉ារីនអាមេរិក VMFA -115 និងបានហោះចេញពីមូលដ្ឋានទ័ពអាកាសអាមេរិក Iwakuni នៃតំបន់ Yamaguchi។ ក៏ប៉ុន្តែក្រោយ ក៏ទទួលបានដំណឹងថាយន្ដហោះនេះ បានធ្លាក់នៅឯតំបន់ Kochi ស្ថិតនៅភាគខាងត្បូង ទីប្រជុំកោះសិនកាគូ នៅម៉ោងប្រមាណជា ១៧៖០០នាទី (ម៉ោងនៅក្នុងប្រទេសជប៉ុន)។</span></p>
<p><span style="color: #000000;">គួរបញ្ជាក់ថា នេះមិនមែនជាលើកទីមួយនោះទេ ដែលយន្ដហោះចម្បាំងអាមេរិកធ្លាក់នៅក្នុងប្រទេសជប៉ុន តួយ៉ាង កាលពីខែកញ្ញាកន្លងទៅ យន្ដហោះចម្បាំងអាមេរិកធុន Harrier ក៏បានធ្លាក់ផងដែរនៅភាគខាងកើតកោះ Okinawa៕</span></p>
<p><span style="color: #000000;"><a class="thickbox" title="" href="/FileManager/Commons/2016/12/8/10e-08-12-2016--09-59-33.jpg"><span style="color: #000000;"><img src="/FileManager/Articles/mce/2016/12/8/10e-08-12-2016--09-59-33.jpg" alt="" /></span></a></span></p>
<p style="text-align: right;"><br /><span style="color: #000000;">ប្រភព ៖ អ័រតេ</span></p>