<p><span style="color: #000000;">ព័ត៌មានកីឡា៖ កីឡាករ Cristiano Ronaldo បានលាតត្រដាង ពីឆាកជីវិតចំណងស្នេហារបស់ខ្លួន ដោយថ្លែងថា គាត់គ្មានមិត្ដស្រីម្នាក់នោះទេ ក្នុងពេលតែមួយ ក៏ប៉ុន្ដែគាត់មានច្រើន ហើយអ្នកទាំងនោះ កំពុងតែប្រកួតប្រជែងដណ្ដើមក្ដីស្រលាញ់ពីគាត់ ។ </span></p>
<p><span style="color: #000000;">ខ្សែប្រយុទ្ធដ៏ល្បីល្បាញលំដាប់ពិភពលោក របស់ក្លឹប Real Madrid បានទើបតែបែកបាក់និស្ស័យស្នេហ៍ពីកញ្ញាម៉ូដែលដ៏ល្បីជនជាតិរុស្សីឈ្មោះថា Irina Shayk កាលពីដើមឆ្នាំ បន្ទាប់ពីអ្នកទាំងពីរមានសាងចំណងមួយនេះ អស់រយៈពេលមិនតិចជាង ៤ឆ្នាំនោះឡើយ ។ ហើយប៉ុន្មានខែក្រោយបន្ទាប់ពីនោះ ដំណឹងជាច្រើនចេះតែកើតមានឡើង ថាកីឡាករមានទំនាក់ទំនងដៃគូរស្នេហាជាមួយ នារីវ័យក្មេងហើយស្អាត ទៀតផង។ ស្របពេលជីវិត ដ៏សម្បួរសប្បាយ មិនអាចកាត់ថ្លៃបានមួយនេះ កំពុងតែទាញពេលវេលាទៅមុខបន្ដិម្ដងៗ ផ្ទុយទៅវិញកីឡាករបានថ្លែងទាំងអួលដើមករថា គាត់មិនទាន់សម្រេចឲ្យបានពិតប្រាកដនៅឡើយទេថា នារីណាម្នាក់នឹងក្លាយជាមនុស្សមានសំណាងជាដៃគូរជីវិតឲ្យពិតប្រាកដ ព្រោះគាត់បានគិតថា គឺជារឿងមួយពិបាកខ្លាំងណាស់ ដែលអាចរកឃើញមនុស្សស្រីម្នាក់ដែលស្រលាញ់គាត់ត្រឹមតែរូបគាត់ មិនខ្វល់ពីផ្នែកខាងក្រៅដែលគាត់មាន ។ </span></p>
<p><span style="color: #000000;">មួយសំណួរចេញពីភ្នាក់ងារព័ត៌មាន ITV បានសួរថា តើនរណាម្នាក់ជាមនុស្សពិសេសសម្រាប់កីឡាករនៅពេលនេះ ? Ronaldo បានឆ្លើយ គឺមានច្រើន បើបង្ហាញពីទិន្ន័យ ពេលខ្លះពួកគេកំពុងតែប្រជែងគ្នាដណ្ដើមកី្ដស្រលាញ់ពីគាត់ ប៉ុន្ដែចំពោះគាត់វិញគឺជារឿងធម្មតានោះទេ ។ និយាយឲ្យចំទៅ គឺ ៥០% នៃមនុស្សស្រីគឺចង់បានតែភាពល្អស្រស់ ឆើតឆាយ មានមុខមាត់ កេរ្ដិ៍ឈ្មោះ វាជារឿងធម្មតា។ ហើយចំពោះការសម្រេចចិត្ដវាក៏មិនមែនតែគាត់នោះទេ បើសូម្បីតែតារាល្បីៗទាំងអស់ គឺសុទ្ធសឹងតែចឹង មានចំណុចមួយនេះ ជាបញ្ហា។ ប៉ុន្ដែទោះជាយ៉ាងណា គាត់គិតថា គាត់ជាមនុស្សម្នាក់ដែលមានមោទនភាពខ្លួនឯង គាត់មានរាងខ្ពស់ មានស្នាម ញញឹមស្រស់ នឹងរាងស្រស់សង្ហា។ </span></p>
<p><span style="color: #000000;"><a class="thickbox" title="" href="/FileManager/Commons/2015/11/13/11-13-2015-9-44-29-am-13-11-2015--09-52-27.png"><img src="/FileManager/Articles/mce/2015/11/13/11-13-2015-9-44-29-am-13-11-2015--09-52-27.png" alt="" /></a></span></p>
<p><a class="thickbox" title="" href="/FileManager/Commons/2015/11/13/11-13-2015-9-50-22-am-13-11-2015--09-57-32.png"><img src="/FileManager/Articles/mce/2015/11/13/11-13-2015-9-50-22-am-13-11-2015--09-57-32.png" alt="" /></a><span style="color: #000000;"><br /></span></p>
<p style="text-align: right;"><span>ដោយ៖ អឿ អ៊ុយ</span></p>
<p style="text-align: right;"><span>ប្រភព៖ onefootball</span></p>