<p><span style="color: #000000;"><strong>(លីវើភូល)៖</strong> ៣ពិន្ទុនារាត្រីម៉ោង ០០៖៣០នាទីរំលងអាធ្រាត្រស្អែកនេះ សំខាន់ខ្លាំងណាស់សម្រាប់ក្រុមភ្ញៀវមាន់ខ្នាយមាស Tottenham Hotspur ពេលជួបម្ចាស់ផ្ទះ Liverpool ក្នុងការប្រជែងយកពាន Premier League ជាមួយ ក្រុមកំពូលតារាងបច្ចុប្បន្នតោខៀវ Chelsea។</span></p>
<p><span style="color: #000000;">អ្នកចាត់ចែងការទូទៅរបស់ Spurs លោក Mauricio Pochettino បានថ្លែងក្នុងសន្និសីទមុនការប្រកួតកាលពីយប់មិញ ថា <strong>«Spurs ត្រូវតែមានភាពវ័យឆ្លាត ក្នុងការយកឈ្នះ Liverpool នៅ Anfield យប់ស្អែកឲ្យបាន ដើម្បីបន្តភាពខ្លាំង របស់ខ្លួន ហើយដើម្បីបន្ថយគំលាតពីតំណែងកំពូលតារាងផងដែរ ត្បិត Chelsea ត្រូវជួបក្រុមម្ចាស់ផ្ទះ Burnley ដែលរំពឹងថាស៊ីបាននោះ»</strong>៕</span></p>
<p><span style="color: #000000;">គ្រូបង្វឹកជនជាតិអាហ្សង់ទីនខាងលើបានបន្ថែមទៀតថា ការជួបទល់នឹងម្ចាស់ផ្ទះហង្សក្រហម វាពិតជាលំបាកសម្រាប់ ក្រុមលោក ដូច្នេះហើយទើបរូបលោក បានដាស់តឿនកូនក្រុម ក៏ដូចជាការប្រើភាពវ័យឆ្លាតក្នុងការសហការគ្នា ដើម្បីយក ៣ពិន្ទុឲ្យបាន ស្របពេលដែល Liverpool លេងរាងធ្លាក់ជើងបន្តិចសម្រាប់ ២ប្រកួតចុងក្រោយដែលមិនឈ្នះ សោះ ពោលគឹចាញ់ស្មើ ១-១ ទល់នឹង Chelsea ក្នុងទឹកដី មុនទៅចាញ់ម្ចាស់ផ្ទះ Hull City ២-០ កាលពីសប្តាហ៍មុន នៅ Premier League។</span></p>
<p><span style="color: #000000;">សូមបញ្ជាក់ជាថ្មីថា បច្ចុប្បន្ន Spurs កំពុងស្ថិតនៅលេខរៀងទី២ បណ្តោះអាសន្នដោយមានពិន្ទុសរុប ៥០ពិន្ទុ តាមពី ក្រោយក្រុមកំពូលតារាងតោខៀវ Chelsea រហូតដល់ទៅ ៩ពិន្ទុ ខណៈដែល Liverpool ទើបរកបាន ៤៦ពិន្ទុ ឈរនៅ លេខរៀងទី៥ នៅឡើយ។ Spurs ធ្លាប់លេងចាញ់ Liverpool ២-១ ក្នុងពាន League Cup និងលេងបានត្រឹមស្មើ ១-១ ក្នុង Premier League កាលពីជើងទី១ នៃរដូវកាលនេះ៕</span></p>
<p><span style="color: #000000;"><a class="thickbox" title="" href="/FileManager/Commons/2017/2/10/20c-10-02-2017--14-39-36.jpg"><img src="/FileManager/Articles/mce/2017/2/10/20c-10-02-2017--14-39-36.jpg" alt="" /></a><br /></span></p>
<p> </p>