<p><span style="color: #000000;">ព័ត៌មានកីឡា៖ ក្រៅពីប្រាក់ដ៏ច្រើនសន្ធឹកសន្ធាប់ទៅ រវាង Floyd នឹង ប៉ាក់ គីអៅ ម្នាក់ក្នុងចំណោមពួកគេនឹងត្រូវទទួលបាន ខ្សែក្រវ៉ាត់ដែលមានតម្លៃថ្លៃបំផុត សម្រាប់អ្នកដែលទទួលជ័យជំនះក្នុងការប្រកួតនេះ ។ </span></p>
<p><span style="color: #000000;">ខ្សែក្រវ៉ាត់ដែលមានតម្លៃថ្លៃបំផុតក្នុង ចំនោមខ្សែក្រវ៉ាត់ប្រដាល់ល្បីៗលើពិភពលោក នឹងត្រូវបានធ្វើការរាយការណ៍មកថា មានតម្លៃដល់ទៅ ១ លានដុល្លារ ដែលលក្ខណៈនៃការរចនាម៉ូតខ្សែក្រវ៉ាត់មួយនេះ គឺត្រូវឆ្លងកាត់ការឆ្នៃម៉ូតយ៉ាងផ្ចិតផ្ចង់ និង ធ្វើការបោះឆ្នោតពីប្រិយមិត្ដគាំទ្រ ពីសង្គមអនឡាញ។</span></p>
<p><span style="color: #000000;">គូរបន្ថែមផងដែរថា មានទម្រង់ខ្សែក្រវ៉ាត់ពីរប្រភេទដែលត្រូវបានធ្វើការសម្រេច និងបោះឆ្នោត ដែលខ្សែក្រវ៉ាត់ទី ១ ត្រូវរចនាឡើងជាមួយនឹងការដាំដោយត្បូង សុទ្ធពីខាងលើ និង ទី២ ត្រូវបានរចនាជារូបភាពកីឡាករដែលជោគជ័យក្នុងសម័យកាលវិវត្ដ Championship ជាបន្ដបន្ទាប់ និងលាយឡំជាមួយត្បូងមួយគ្រាប់ៗ ។ ហើយការសម្រេចលទ្ធផលបោះឆ្នោតដោយ ឆ្លងកាត់ការវិនិឆ្ឆ័យ ពីប្រធានក្រុមប្រឹក្សាកីឡាប្រដាល់ពិភពលោក គឺលោក Mauricio Sulaiman បានបង្ហាញឲ្យដឹងថា ប្រិយមិត្ដមានការគាំទ្រច្រើន លើប្រភេទខ្សែក្រវ៉ាត់ទី ២ ដែលមានដាក់រូបកីឡាករនៅពីលើ។ </span></p>
<p><span style="color: #000000;">យោងតាមសម្ដីរបស់ លោក Mauricio Sulaiman បានមានប្រសាសកាលពីខែមុនថា សម្រាប់ការប្រកួតដ៏អស្ចារ្យនេះ គាត់ មានបំណងចង់រចនាម៉ូតទម្រង់ខ្សែក្រវ៉ាត់ដែលមានដាំទៅដោយ ត្បូងព័ទ្ធ ជុំវិញ ទាំងអស់ ពីព្រោះថា ព្រឹតិការណ៍មួយនេះ គឺជាព្រឹតិការណ៍ពិសេសបំផុត ដែលកម្ររបានកើតមាន។ ហើយខ្សែក្រវ៉ាត់ ដែលយើងសម្រេចបង្កើត និង ឆ្នៃប្រឌិតឡើងនោះ គឺមានតម្លៃដល់ទៅប្រហែល ១ លានដុល្លារ ដែលនឹងសម្រេចជោគជ័យនៃការផលិតបញ្ចប់នោះ គឺនៅក្នុងពេលឆាប់ៗនេះហើយ ។</span></p>
<p><span><span><span style="color: #000000;"><a class="thickbox" title="" href="/FileManager/Commons/2015/3/19/3-19-2015-4-22-39-pm-19-03-2015--16-27-27.png"><span style="color: #000000;"><img src="/FileManager/Articles/mce/2015/3/19/3-19-2015-4-22-39-pm-19-03-2015--16-27-27.png" alt="" /></span></a></span></span></span></p>
<p style="text-align: right;"><br /><span><span><span style="color: #000000;"><a class="thickbox" title="" href="/FileManager/Commons/2015/3/19/3-19-2015-4-22-39-pm-19-03-2015--16-27-27.png"></a></span>ដោយ៖ អឿ អ៊ុយ</span></span></p>
<p style="text-align: right;"><span><span>ប្រភព៖ digitaljournal</span></span></p>