<p><span style="color: #000000;"><strong>(ក្រុងឡុងដ៍)៖</strong> ក្រុមបាល់ទាត់តោកំណាចអង់គ្លេស បានបន្តលេងមិនចាញ់ក្រុមជម្រើសជាតិតួកគី ២-១ ក្នុងជំនួបមិត្តភាពអន្តរជាតិយប់មិញនេះ ខណៈនៅសល់តែ១៩ថ្ងៃទៀតប៉ុណ្ណោះ ព្រឹត្តិការណ៍បាល់ទាត់ Euro 2016 នៅប្រទេស បារាំងចាប់ផ្តើម ។</span></p>
<p><span style="color: #000000;">សារព័ត៌មាន BBC បានផ្សាយឲ្យដឹងថា កីឡាករខ្សែប្រយុទ្ធជើងថ្មី Harry Kane មកពីក្លឹបមាន់ខ្នាយមាស Tottenham Hotspur និង Jamie Vardy របស់ក្លឹបកញ្ជ្រោង Leicester City រកបានម្នាក់១គ្រាប់ជួយឲ្យម្ចាស់ផ្ទះអង់គ្លេសឈ្នះក្រុម ភ្ញៀវ តួកគី ២-១ នៅនាទីទី៣ និងនាទីទី៨៣ ជាមួយនឹងការបរាជ័យ១គ្រាប់ផងដែរពីការស៊ុតបាល់ប៉េណាល់ទីអត់ចូល ពីសំណាក់កីឡាករ Harry Kane នៅនាទីទី៧២នោះ ។</span></p>
<p><span style="color: #000000;">តែយ៉ាងណាក៏ដោយ សម្រាប់ក្រុមដែលត្រៀមលេងនៅ Euro 2016 តួកគី បានរកបាន១គ្រាប់ត្រឡប់ទៅផ្ទះវិញផងដែរ រកបានដោយកីឡាករ Hakan Calhanoglu ទម្លុះសំណាញ់ទីកីឡាករ Joe Hart នៅនាទីទី១៤ នៅពីមុខអ្នកទស្សនា ផ្ទាល់ចំនួន ៤៤៨៦៦នាក់នៅកីឡដ្ឋាន Wembley ស្ថិតក្នុងទីក្រុងឡុងដ៍ នៃចក្រភពអង់គ្លេស ។</span></p>
<p><span style="color: #000000;">នេះជាជ័យជំនះលើកទី១៤ សម្រាប់ក្រុមតោ៣ជម្រើសជាតិអង់គ្លេស ក្រោយបញ្ចប់យុទ្ធនាការ World Cup 2014 នៅប្រទេសប្រេស៊ីល ទាំងលេងក្នុងវគ្គជម្រុះ Euro 2016 និងក្នុងមិត្តភាពនានា ដោយទើបតែចាញ់ហូឡង់ ២-១ ក្នុងមិត្តភាពតែប៉ុណ្ណោះ ហើយជាក្រុមដែលកំពុងឈរនៅចំណាត់ថ្នាក់លេខរៀងទី១០ក្នុង FIFA Ranking គ្រាដែល តួកគី ឈរនៅចំណាត់ថ្នាក់លេខទី១៣ ។</span></p>
<p><span style="color: #000000;">១ប្រកួតក្នុងមិត្តភាពយប់មិញនេះដែរ ក្រុមជម្រើសជាតិអាមេរិក ក៏បានយកឈ្នះក្រុមម្ចាស់ផ្ទះ Puerto Rico ៣-១ ផងដែរ ៕</span></p>
<p><span style="color: #000000;"><img src="http://i.dailymail.co.uk/i/pix/2016/05/22/18/347ED78D00000578-0-image-a-26_1463937199039.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/05/22/19/347F0D6F00000578-3603605-image-a-12_1463942745545.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/05/22/19/347F24E900000578-3603605-image-m-17_1463942783063.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/05/22/18/347F64F200000578-3603605-image-a-54_1463938977579.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/05/22/19/347ED4E800000578-3603605-image-a-11_1463942739879.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/05/22/18/347EE52F00000578-0-image-a-14_1463936585815.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/05/22/18/347EF80F00000578-0-image-a-18_1463936597443.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/05/22/18/347F399100000578-0-image-a-28_1463937990927.jpg" alt="" width="730" /></span></p>
<p><span style="color: #000000;"><br /><object width="480" height="380" data="http://www.youtube.com/v/6cu-02rvHfA&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/6cu-02rvHfA&rel=1" /></object></span></p>
<p><br /><object width="480" height="380" data="http://www.youtube.com/v/81NKeJK5IBM&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/81NKeJK5IBM&rel=1" /></object><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>