<p><strong>ព័ត៌មានអន្តរជាតិ ៖</strong> បើតាមការអោយដឹងពីទំព័រសារព័ត៌មានបរទេស Happening ដែល<br />ទើបតែបានចេញផ្សាយកាលពីវេលាព្រឹកមិញនេះ បានបញ្ជាក់អោយដឹងថា មានការបាញ់<br />បោះនៅតាមទីសាធារណៈ ពោលគឺនៅក្នុងរដ្ឋ Las Vegas សហរដ្ឋអាមេរិក ស្លាប់៣នាក់<br /> ដូចថតរឿងហូលីវូដ ក្រោយពីកើតជាជម្លោះ ។</p>
<p><a class="thickbox" title="" href="/FileManager/Commons/2013/2/22/160836-vegas-gun-battle-22-02-2013--15-10-36.jpg"><img src="/FileManager/Articles/mce/2013/2/22/160836-vegas-gun-battle-22-02-2013--15-10-36.jpg" alt="" width="449" height="251" /></a></p>
<p>លើសពីនេះទៅទៀត ប្រភពដដែលបានបន្ថែមអោយដឹងផងដែរថា បើយោងតាមសម្តី<br />មន្រ្តីប៉ូលិសម្នាក់លោក John Sheban គូសបញ្ជាក់ថា នាព្រឹកព្រលឹមនៅកន្លែងចតរថយន្ត<br />នៃសណ្ឋាគារ Aria មានការបាញ់គ្នារវាងពួកអ្នកស្ថិតក្នុងរថយន្តទំនើប២គ្រឿង ។ កាំភ្លើង<br />ផ្ទុះដំបូងបាញ់សំដៅលើរថយន្តធុន Maserati មួយគ្រឿងដោយបុរសម្នាក់ស្ថិតក្នុងរថយន្ត<br /> Range Rover ក្នុងតំបន់សំបូរដោយសណ្ឋាគារ និងកាស៊ីណូធំៗស្ថិតនៅកណ្តាលក្រុង ។</p>
<p><a class="thickbox" title="" href="/FileManager/Commons/2013/2/22/vegas-gun-battle-22-02-2013--15-11-32.jpg"><img src="/FileManager/Articles/mce/2013/2/22/vegas-gun-battle-22-02-2013--15-11-32.jpg" alt="" width="447" height="251" /></a></p>
<p>អ្នកបើករថយន្ត Maserati ត្រូវគ្រាប់ស្លាប់ ហើយរថយន្តរបស់គេបានទៅបុករថយន្តជា<br />ច្រើនគ្រឿងមុនពេលឈប់ក្រោយ បុករថយន្តតាក់ស៊ី១គ្រឿង ។ អ្នកបើករថយន្តតាក់ស៊ី<br />និងមនុស្សម្នាក់ទៀតស្ថិតក្នុងរថយន្តនោះក៏ត្រូវស្លាប់ដែរ ក្រោយមានភ្លើងឆាបឆេះ។ គួរ<br />បញ្ជាក់ផងដែរថា ខ្សែអាថ៍វីដេអូ ត្រូវបានថតជាប់តាមរយៈកាម៉េរ៉ាសុវត្តិភាព តែមិនត្រូវ<br />បានសាយភាយជាសាធារណៈនោះទេ គោលបំណងដើម្បីតាមដានស៊ើបអង្កេត រហូត<br />ឈានទៅដល់ការចាប់ឃាត់ខ្លួន៕</p>
<p style="text-align: right;">ដោយ ៖ ពិសិដ្ឋ<br />ប្រភព ៖ Happening</p>