<p>មួយផ្នែកធំនៃអ្នកមានរបស់សាធារណរដ្ឋប្រជាធិបតេយ្យកូរ៉េ នៅតែមានជីវិតរស់នៅដោយការ<br />សប្បាយរីករាយ ដោយមានស្រាបៀរ កាហ្វេ ភីហ្សា និងមានឱកាសចូលរួមមហោស្របភាព<br />យន្ដអន្ដរជាតិផងដែរ នេះបើតាមទំព័រសារព័ត៌មាន Global Post របស់អាមេរិក។<br /><br />Global Post ដកស្រង់សំដីរបស់ក្រុមបុគ្គលិកផ្ដល់ជំនួយ អ្នកជំនួញ និងក្រុមអ្នកការបរទេស បាន<br />ឱ្យដឹងថា ពុំមែនប្រជាពលរដ្ឋកូរ៉េខាងជើងទាំងអស់ សុទ្ធតែអាចចេញចូលក្រុង ព្យុងយ៉ាងដោយ<br />សេរីដូចគ្នានោះទេ ការចេញចូលរដ្ឋធានីមួយនេះ ត្រូវបានរដ្ឋាភិបាលរឹតបន្ដឹងយ៉ាងខ្លាំង។<br /><br />ប្រភពពី Global Post ក៏បានឱ្យដឹងថា អ្នកដែលស្ថិតក្នុងគ្រួសាររបស់មន្ដ្រីរដ្ឋការនៅកូរ៉េខាងជើង<br /> ឬគេហៅថា “មនុស្សលំដាប់សំខាន់” ទទួលបានជីវភាពរស់នៅល្អប្រសើរ និងមានអទិភាព ជាង<br />ពលរដ្ឋសាមញ្ញ។<br /><br /><em>ខាងក្រោមនេះគឺជាបណ្ដាផលប្រយោជន៍ដែលក្រុមអ្នកមាននៅកូរ៉េខាងជើង ទទួលបាន៖</em><br /><br /><strong>១/ ស្រាបៀរ</strong></p>
<p>ព្យុងយ៉ាងគឺជាស្រុកកំណើតរបស់ Taedonggang ដែលជាស្រាបៀរច្រកដបមួយប្រភេទ ត្រូវបាន<br />ផលិតដោយរដ្ឋាភិបាល ហើយឈ្មោះនេះត្រូវបានដាក់ទៅតាមឈ្មោះទន្លេ Taedong ក្នុងក្រុង <br />ព្យុងយ៉ាង។ ទំព័រ The New York Times របស់អាមេរិក ធ្លាប់បានវាយតម្លៃថា នេះ គឺជាស្រាបៀរ<br />ឆ្ងាញ់បំផុតនៅកូរ៉េខាងជើង។</p>
<p style="text-align: center;"><a class="thickbox" title="" href="/FileManager/Commons/2013/8/25/northk1-25-08-2013--12-20-52.jpg"><img src="/FileManager/Articles/mce/2013/8/25/northk1-25-08-2013--12-20-52.jpg" alt="" /></a><br />ប្រព័ន្ធផលិតស្រាបៀរ នៅក្នុងរោងចក្រមួយនៃក្រុងព្យុងយ៉ាង។ រូប ៖ Reuters</p>
<p>កាលពីឆ្នាំ ២០០០ អតីតអគ្គរដ្ឋទូតកូរ៉េខាងជើងប្រចាំប្រទេសស៊្វីស បានទិញ និងបញ្ជូនបច្ចេកវិទ្យា ម៉ាស៊ីនផលិតរបស់រោងចក្រផលិតស្រាបៀមួយដែលមានអាយុកាល ១៨០ឆ្នាំ ពីប្រទេសអង់គ្លេស<br /> ទៅកាន់កូរ៉េខាងជើង។ Global Post បានចេញផ្សាយថា ក្រោយមក រោងចក្រនេះត្រូវបានដាក់នៅ<br />ក្រុងព្យុងយ៉ាង។<br /><br />លោក Volker Eloesser អ្នកជំនួញជនជាតិអាល្លឺម៉ង់ម្នាក់ ដែលគ្រប់គ្រងក្រុមហ៊ុនបច្ចេកវិទ្យាមួយ<br /> នៅកូរ៉េខាងជើង និយាយប្រាប់សារព័ត៌មានអាមេរិកថា លោកតែងចូលហាងស្រាបៀរមួយស្ថិត<br />នៅលើដំបូលនៃផ្សារទំនើប Rakwon នៅកណ្ដាលក្រុងព្យុងយ៉ាង។<br /><br />នៅក្នុងផ្សារទំនើបសម្រាប់ក្រុមអ្នកមាននៅកូរ៉េខាងជើងនេះ អតិថិជននឹងអាចប្រទះឃើញស្បែក<br />ជើងយីហោ Adidas និងស្រា whiskey របស់អាមេរិក។<br /><br /><strong>២/ ហាងកាហ្វេ នំសាំងវិច និងភីហ្សា</strong></p>
<p>ហាងកាហ្វេ Viennese ស្ថិតនៅក្នុងទីលាន Kim Il Sung មានលក់ “Wiener Melange” ជាភេសជ្ជៈ<br />ពិសេសមួយប្រភេទរបស់ អូទ្រីស ដែលដូចទៅនឹងកាហ្វេទឹកដោះគោ cappuccino របស់អ៊ីតាលី។</p>
<p style="text-align: center;"><a class="thickbox" title="" href="/FileManager/Commons/2013/8/25/northk2-25-08-2013--12-21-31.jpg"><img src="/FileManager/Articles/mce/2013/8/25/northk2-25-08-2013--12-21-31.jpg" alt="" /></a><br />ស្ដ្រីកូរ៉េខាងជើង ក្នុងសម្លៀកបំពាក់ប្រពៃណី ដើរកំសាន្ដក្រុង។ រូប ៖ Reuters</p>
<p>អ្នកមានរបស់កូរ៉េខាងជើង ក៏ថែមទាំងអាចហូបកាហ្វេនៅក្នុងបណ្ដាហាងដែលស្ថិតនៅតាមសង<br />ខាងផ្លូវ Sungri ឬហូបទឹកតែក្នុងសណ្ឋាគារខ្លះ ក្នុងចំណោមសណ្ឋាគារធំៗ នៅក្រុងព្យុងយ៉ាង។<br /><br />ឆ្នាំ ២០១០ មន្ត្រីជាន់ខ្ពស់ម្នាក់ ជាកូនស្រីរស់អតីតមេដឹកនាំ Kim Il Sung គឺលោកស្រី Kim Kyong-<br />hui ដែលត្រូវបានគេស្គាល់ថាជាស្ដ្រីដែលមានអាណាចបំផុតរបស់កូរ៉េខាងជើង បានបើកសម្ពោធ ហាងសាំងវិចដំបូងបង្អស់របស់ប្រទេសនេះ។ Global Post សរសេរថា នៅកូរ៉េខាងជើង នំប៉័ងសាំង<br />វិចនេះត្រូវបានគេដាក់ឈ្មោះថា “នំប៉័ងសាច់ចិញ្ច្រាំ” ចំណែកភេសជ្ជៈ កូកា ត្រូវគេហៅថា “ទឹកស្ករ <br />carbonate” ។<br /><br />ហាងលក់អាហារស្រាប់ នៅកូរ៉េខាងជើងមួយចំនួនតូច ក៏មានលក់ដំឡូងបារាំងបំពង មាន់បំពង <br />និងភីហ្សាផងដែរ។<br /><br />ក្រៅពីក្រុមអ្នកមាននៅកូរ៉េខាងជើង ភ្ញៀវទេសចរណ៍បរទេសដែលធ្វើដំណើរតាមជើងហោះហើរ<br />របស់ក្រុមហ៊ុន អាកាសចរណ៍កូរ៉េខាងជើង Air Koryo ក៏អាចបញ្ជាទិញ “នំប៉័ងសាច់ចិញ្ច្រាំ” នេះ។<br /><br /><strong>៣/ មហោស្រពភាពយន្ដអន្ដរជាតិ</strong></p>
<p>ប្រភពពី Global Post អះអាងថា មេដឹកនាំកូរ៉េខាងជើង លោក Kim Jong-un តែងប្រារព្ធមហោស្រព<br />ភាពយន្ដអន្ដរជាតិ ពីរលើកក្នុងមួយឆ្នាំ។</p>
<p style="text-align: center;"><a class="thickbox" title="" href="/FileManager/Commons/2013/8/25/northk3-25-08-2013--12-24-05.jpg"><img src="/FileManager/Articles/mce/2013/8/25/northk3-25-08-2013--12-24-05.jpg" alt="" /></a><br />សាលមហោស្រពភាពយន្ដអន្ដរជាតិ នៅក្រុង ព្យុងយ៉ាង ពេញដោយមនុស្ស កាលពីខែធ្នូ ឆ្នាំ<br /> ២០០៨។ រូប ៖ leonidpetrov.wordpress.com</p>
<p>សារព័ត៌មានអាមេរិក ចេញផ្សាយថា ៖ “ជាការពិត ខ្សែភាពយន្ដដែលត្រូវបានយកមកបញ្ចាំងក្នុង<br />មហោស្រពនេះ ត្រូវបានគេសម្រិតសម្រាំងយ៉ាងយកចិត្តទុកដាក់។ ក្រៅពីខ្សែភាពដែលមានចរិត<br />ឃោសនាឱ្យរដ្ឋាភិបាល ដែលផលិតដោយសាលាភាពយន្ដក្រុងព្យុងយ៉ាង ទស្សនិកជនក៏មាន<br />ឱកាសទស្សនាខ្សែភាពយន្ដជាច្រើន របស់អឺរ៉ុប និងអាស៊ីទៀតផង”។<br /><br />មហោស្រពភាពយន្ដ ឆ្នាំ ២០១២ ក៏មានបញ្ចាំងរឿង Comrade Kim Goes Flying (សមមិត្ដ គីម នឹង<br />ហោះហើរ) និងខ្សែភាពយន្ដមួយចំនួនដែលជាស្នាដៃរបស់ក្រុមអ្នកផលិតភាពយន្ដកូរ៉េខាងជើង <br />សហការណ៍ជាមួយអឺរ៉ុប។ <br /><br /><strong>៤/ ភ្នំ Taesong</strong></p>
<p>ភ្នំ Taesong គឺជាតំបន់ទេសចរណ៍ដ៏ល្បីល្បាញមួយរបស់កូរ៉េខាងជើង ដោយនៅទីនោះ មាន<br />ទិដ្ឋភាពយ៉ាងស្រស់ស្អាត ហើយវាក៏ជាភ្នំដែលមានបូជនិយដ្ឋានមួយសំខាន់ផងដែរ។ នៅក្នុង<br />បូជនិយដ្ឋាននេះ ក៏ជាទីសម្រាកចុងក្រោយរបស់ម្ដាយ និងប្រពន្ធដំបូងរបស់អតីតមេដឹកនាំ Kim<br /> Il Sung ។</p>
<p style="text-align: center;"><a class="thickbox" title="" href="/FileManager/Commons/2013/8/25/northk4-25-08-2013--12-24-43.jpg"><img src="/FileManager/Articles/mce/2013/8/25/northk4-25-08-2013--12-24-43.jpg" alt="" /></a><br />ទិដ្ឋភាពនៅបូជនិយដ្ឋាន លើភ្នំ Taesong ។ រូប ៖ flickr.com<br /><br /></p>
<p style="text-align: right;"><br />ដោយ ៖ តារា<br />ប្រភព ៖ Global Post<br /><br /></p>